ຊາວໄທຫົວຊາດນິຍົມຫລາຍຮ້ອຍຄົນ ໄດ້ພາກັນໂຮມ
ຊຸມນຸມຢູ່ນະຄອນຫລວງບາງກອກເພື່ອຮຽກຮ້ອງໃຫ້
ລັດຖະບານເອົາທ່າທີທີ່ແຂັງຂັນຂຶ້ນກວ່າເກົ່າໃນການ
ແກ້ໄຂບັນຫາຜິດຖຽງກັນເລື້ອງຊາຍແດນກັບກໍາປູເຈຍນັ້ນ.
ສະມາຊິກ ປະມານ 2 ຫາ 3 ພັນຄົນ ຂອງກຸ່ມພັນທະມິດປະຊາຊົນເພື່ອປະຊາ ທິປະໄຕ ຫລື People's Alliance for Democracy ຊຶ່ງເອີ້ນອີກຢ່າງນຶ່ງວ່າ ພວກ
ເສື້ອເຫລືອງນັ້ນ ໄດ້ພາກັນລົງສູ່ທ້ອງຖະໜົນເພື່ອທໍາການ
ປະທ້ວງພາຍໃຕ້ສາຍຕາຈ້ອງມອງເບິ່ງຂອງພວກເຈົ້າໜ້າທີ່
ຮັກສາຄວາມສະງົບເກືອບຮອດ 4,000 ຄົນໃນວັນອັງຄານ
ວານນີ້ ເພື່ອຮຽກຮ້ອງໃຫ້ນາຍົກລັດຖະມົນຕີ ອະພິຊິດ
ເວດຊາຊີວະ ຖອນຂໍ້ຕົກລົງກັບກໍາປູເຈຍກ່ຽວກັບວິທີການ
ແກ້ໄຂບັນຫາຊາຍແດນຕ່າງໆນັ້ນ. ມີກຸ່ມພວກຊາດນີຍົມ
ນ້ອຍໆ ສອງກຸ່ມໄດ້ສົມທົບກັບພວກເສື້ອເຫລືອງ ຮ່ວມທຳ
ການປະທ້ວງໃນຄັ້ງນີ້ນໍາ.
ໃນຄືນກ່ອນໜ້າການຊຸມນຸມກັນນັ້ນ ຜູ້ຊາຍຫ້າຄົນຖືກຈັບ ໃນຂໍ້ຫາມີອາວຸດປືນ ແລະວັດຖຸ
ລະເບີດທີ່ບໍ່ໄດ້ຮັບອະນຸຍາດ ຢູ່ໃນຄວາມຄອບຄອງ.
