ລິ້ງ ສຳຫລັບເຂົ້າຫາ

ກຸ່ມປະທ້ວງເສື້ອແດງ ໂຮມຊຸມນຸມກັນ ທີ່ບາງກອກ

  • ທອງປານ ເທບວົງສາ

ພວກເສື້ອແດງ ທີ່ໂຮມຊຸມນຸມປະທ້ວງຕໍ່ຕ້ານລັດຖະບານໄທ ໃນປີ 2010

ພວກເສື້ອແດງທີ່ຕໍ່ຕ້ານລັດຖະບານຈໍານວນຫລາຍສິບພັນ
ຄົນໄດ້ເຕົ້າໂຮມກັນຢູ່ທີ່ເມືອງຫຼວງບາງກອກ ເພື່ອສະຫຼອງ
ວັນຂີດໝາຍຄົບຮອບນຶ່ງປີ ຂອງການປະທະກັນທີ່ອັນຕະ
ລາຍເຖິງຕາຍລະຫວ່າງພວກປະທ້ວງເສື້ອແດງແລະຝ່າຍ
ທະຫານໃນລະຫວ່າງການໂຮມຊຸມນຸມກັນຄັ້ງໃຫຍ່ບັ້ນນຶ່ງ
ໃນເມືອງຫລວງບາງກອກນັ້ນ.

ການປະທະກັນຢ່າງຮຸນແຮງຫລາຍໆບັ້ນ ລະຫວ່າງຝ່າຍ
ກໍາລັງທະຫານ ຂອງລັດຖະບານ ແລະພວກປະທ້ວງເມື່ອ
ວັນທີ່ 10 ເດືອນເມສາປີຜ່ານມາ ທີ່ຍັງຜົນໃຫ້ມີຜູ້ເສຍຊີ
ວິດ 26 ຄົນ ແລະບາດເຈັບອີກຫລາຍຮ້ອຍ ຄົນ.

ພວກກຸ່ມຈັດຕັ້ງການປະທ້ວງກ່າວວ່າ ທ່ານທັກສິນ ຊິນນະ
ວັດ ອະດີດນາຍົກລັດຖະມົນຕີ ທີ່ຖືກໂຄ່ນລົ້ມໂດຍການລັດ
ທະປະຫານ ແລະຖືກສານຕັດສິນກະທໍາຜິດຄະດີສໍ້ລາດບັງ
ຫລວງນັ້ນ ຈະກ່າວຄໍາປາໄສຕໍ່ພວກໂຮມຊຸມນຸມຈາກນອກ
ປະເທດໃນຕອນແລງມື້ນີ້ ເວລານີ້ທ່ານທັກສິນກໍາລັງລີ້ໄພຢູ່ໃນຕ່າງປະເທດເພື່ອຫລີກລ່ຽງ
ການຕັດສິນຈໍາຄຸກນັ້ນ.

ພວກກຸ່ມເສື້ອແດງຖືວ່າ ລັດຖະບານຂອງທ່ານ ອະພິສິດ ເວຊຊາຊິວະນັ້ນ ຈັດຕັ້ງຂຶ້ນຢ່າງບໍ່
ຖືກຕ້ອງຕາມກົດໝາຍ ເນຶ່ອງຈາກວ່າ ທ່ານໄດ້ຖືກແຕ່ງຕັ້ງ ໂດຍການລົງຄະແນນສຽງຂອງ
ສະພາໃນປີ 2008 ຫລັງຈາກສານຕັດສິນຂັບໄລ່ລັດຖະບານຊຸດກ່ອນໜ້ານັ້ນອອກໄປ.

XS
SM
MD
LG