ໃນຂະນະທີ່ປະເທດໄທ ພວມກະກຽມການເລືອກຕັ້ງຂອງຕົນເປັນເທື່ອທຳອິດ ນັບແຕ່
ການເຮັດລັດຖະປະຫານ ຂອງພວກທະຫານ ປີ 2014 ເປັນຕົ້ນມາ ບັນດາພັກຝ່າຍ
ຄ້ານຕ່າງໆພາກັນສະແດງແນວຄິດເຂົາເຈົ້າອອກມາກ່ຽວກັບ “ການເລືອກຕັ້ງທີ່ເສລີ
ແລະຍຸຕິທຳ.” ສະຕິຟ ແຊນຝອຣດ ມີລາຍງານກ່ຽວກັບເລື່ອງນີ້ຊຶ່ງ ກິ່ງສະຫວັນ ຈະ
ນຳມາສະເໜີທ່ານ.
ຄວາມຄາດໝາຍແຫ່ງການເລືອກຕັ້ງຂອງໄທໃນປີ 2019 ກຳລັງແພ່ສະພັດໄປທົ່ວ
ປະເທດ ແຕ່ປາດສະຈາກການໂຄສະນາຫາສຽງຢ່າງໃດ ດັ່ງທີ່ເຄີຍເປັນມາໃນເມື່ອ
ກ່ອນເລີຍ.
ການຫ້າມຂອງທະຫານບໍ່ໃຫ້ມີການເຕົ້າໂຮມກັນກາຍຫ້າຄົນ ທີ່ໄດ້ມີມາຫຼັງຈາກການ
ລັດຖະປະຫານ ປີ 2014 ໄດ້ເຮັດໃຫ້ມີການຈຳກັດຮັດແຄບດັ່ງກ່າວ.
ຜູ້ນຳເສື້ອແດງຊຽງໃໝ່ ດຣ. ເພັດຈະວັຕ ຜູ້ສະໜັບສະໜູນດົນນານຂອງນາຍົກລັດ
ຖະມົນຕີທັກສິນ ທີ່ຖືກຂັບໄລ່ອອກນັ້ນກ່າວວ່າ ກົດລະບຽບທີ່ບໍ່ທ່ຽງທຳບໍ່ແມ່ນເປັນ
ຂອງໃໝ່.
ດຣ. ເພັດຈະວັຕ ວັດທະນາ ພ່ອງສີຣິກຸນ ຜູ້ນຳເສຶ້ອແດງກ່າວວ່າ “ພວກເຮົາບໍ່ແນ່
ໃຈຢ່າງແທ້ຈິງວ່າ ວ່າຈະປ່ອນບັດຜູ້ໃດຜູ້ນຶ່ງໃນພັກໃໝ່ ຫຼືບໍ່ ເພາະວ່າພັກເກົ່າ
ແມ່ນເປັນທີ່ເໝາະສົມແລ້ວສຳລັບພວກເຮົາ. ພວກເຮົາຍັງມີບັນຫາຢູ່ຈົນເທົ່າມື້
ນີ້ ເພາະວ່າລັດຖະບານໃຊ້ກົດໝາຍແບບສອງມາດຕະຖານ.”
ບັນດາຜູ້ສະໝັກຈຳນວນນຶ່ງພາກັນເຮັດແນວໃໝ່ ເພື່ອເຂົ້າໄປເຖິງພວກປ່ອນບັດ
ຮວມທັງພັກຂີ່ລົດຖີບເພື່ອກ້າວໄປໜ້າສູ່ອານາຄົດ.
ຍານາງເຍົາວະລັກ ວົງປຣະພາຣັດ ຜູ້ສະໝັກອານາຄົດເດີນໜ້າ ຈາກຊຽງໃໝ່ ກ່າວວ່າ
“ປັດຈຸບັນນີ້ ພວກເຮົາພາກັນເຂົ້າໄປຫາສັງຄົມ ໃຊ້ວິທີ ຍຸດທະສາດ ແຕກຕ່າງກັນ
ແທນທີ່ຈະແມ່ນອອກທາງເຟສບຸກສົດ. ພວກເຮົາໄດ້ແຈກຢາຍກິດຈະກໍາຂອງພວກ
ເຮົາ ແລະຂ່າວເຂົ້າສູ່ໜ້າແວັບໄຊຕ໌ພວກເຮົາ. ພວກເຮົາພົວພັນກັບຜູ້ຄົນໜ້າຕໍ່ໜ້າ
ຢູ່ໃນສັງຄົມຕ່າງໆ.”
ບັນດາຜູ້ຕິຕຽນກ່າວວ່າ ເຖິງແມ່ນພັກຝ່າຍຄ້ານຈະຊະນະ ຮ່າງກົດໝາຍຍຸດທະສາດ
ແຫ່ງຊາດ ທີ່ຜ່ານຫວ່າງມໍ່ໆມານີ້ ກໍຍັງຈະໃຫ້ອຳນາດແກ່ພວກທະຫານຫານຕໍ່ໄປ
ອີກ 20 ປີ.
ສະພາຕ້ານການສໍ້ລາດບັງຫຼວງຈະສາມາດລົງໂທດລັດຖະບານໃດໆ ໃນການບໍ່ສາ
ມາດປະຕິບັດຢ່າງກວ້າງຂວາງກົດໝາຍທີ່ເຄັ່ງຄັດ ແລະຕາມກຳນົດເສັ້ນຕາຍ.
ທ່ານພອລ ເຊມເບີຣສ໌ ທີ່ປຶກສາການພົວພັນສາກົນ ທີ່ມະຫາວິທະຍາໄລນະເຣສວນ
ກ່າວວ່າ “ຖ້າຫາກເຂົາເຈົ້າກະທຳຜິດ ໂດຍບໍ່ປະຕິບັດຕາມຂໍ້ສະເໜີທີ່ບົ່ງການຂອງ
ແຜນ20 ປີ ຮ່າງກົດໝາຍຍຸດທະສາດແຫ່ງຊາດ (NACC) ຈະສາມາດສົ່ງຄະດີໄປ
ຫາສານລັດຖະທຳມະນູນ ແລ້ວສານລັດຖະທຳມະນູນ ກໍຈະຕັດສິນວ່າ ລັດຖະບານ
ທີ່ຖືກເລືອກຕັ້ງມານັ້ນ ໝົດອຳນາດ.”
ໃນຂະນະທີ່ໂວຫານການໂຄສະນາຫາສຽງຄາດວ່າຈະມີເພີ້ມຂຶ້ນຢູ່ນີ້ ຊາວໄທ ຫຼາຍໆ
ຄົນ ຈະພາກັນລໍຖ້າເບິ່ງວ່າ ປະຊາທິປະໄຕຈະກັບຄືນມາແທ້ຫຼືບໍ່.