ຮອງນາຍົກລັດຖະມົນຕີໄທທ່ານສຸເທບ ເທືອກສຸບັນກ່າວວ່າການເລືອກຕັ້ງທົ່ວໄປ ຈະຈັດໃຫ້
ມີຂຶ້ນກ່ອນເດືອນມິຖຸນາປີນີ້.
ທ່ານສຸເທບ ໄດ້ໃຫ້ການຮັບປະກັນເຊ່ນນັ້ນ ຕໍ່ພວກນັກຂ່າວໃນວັນພະຫັດມື້ນີ້ ຊຶ່ງເປັນການ
ຢືນຢັນຄໍາໝັ້ນສັນຍາຂອງນາຍົກລັດຖະມົນຕີອະພິຊິດ ເວດຊາຊີວະໃນສັບປະດາແລ້ວນີ້ ທີ່
ວ່າຈະຈັດການເລືອກຕັ້ງຂຶ້ນໃນໄລຍະ 6 ເດືອນທຳອິດຂອງປີນີ້ ຕາບໃດທີ່ບໍ່ມີການກໍ່ຄວາມ
ຮຸນແຮງຂຶ້ນ. ທ່ານອະພິຊິດຈຳເປັນຕ້ອງໄດ້ຈັດໃຫ້ມີການເລືອກຕັ້ງກ່ອນສະໄໝການດຳລົງ
ຕຳແໜ່ງຂອງທ່ານ ຈະສິ້ນສຸດລົງໃນເດືອນທັນວາທ້າຍປີນີ້.
ພວກປະທ້ວງຕໍ່ຕ້ານລັດຖະບານ “ເສື້ອແດງ” ຫຼື ນປຊ ທີ່ໄດ້ເຂົ້າຢຶດຄອງ ເຂດໃຈກາງບາງ
ກອກເປັນເວລາສອງເດືອນ ໃນປີກາຍນີ້ທວງໃຫ້ນາຍົກລັດຖະມົນຕີລາອອກ. ການປະທ້ວງໄດ້ສິ້ນສຸດລົງດ້ວຍຄວາມຮຸນແຮງ ເວລາພວກປະທ້ວງປະທະກັນກັບກຳລັງຂອງຝ່າຍລັດຖະ
ບານທີ່ເຮັດໃຫ້ມີຜູ້ເສຍຊີວິດຫຼາຍກວ່າ 90 ຄົນ.
ພວກເສື້ອແດງໄດ້ພາກັນໂຮມຊຸມປະທ້ວງ ແບບສັ້ນໆແລະສັນຕິ ຢູ່ທີ່ບາງກອກເປັນລຳດັບ
ມາໃນໄລຍະບໍ່ດົນຜ່ານມານີ້.
ນອກນັ້ນທ່ານອະພິຊິດຍັງສູນເສຍການສະໜັບສະໜຸນ ຈາກພວກ “ເສື້ອເຫຼືອງ” ຊຶ່ງຕາມ
ປົກກະຕິແລ້ວ ແມ່ນນິຍົມລັດຖະບານ ຍ້ອນການຮັບມືຂອງທ່ານກັບບັນຫາຂັດແຍ້ງຊາຍ
ແດນທີ່ເຄັ່ງຕຶງກັບກຳປູເຈຍນັ້ນ.
