ພວກຜູ້ບັນຊາການທະຫານຫລາຍທ່ານໃນໄທໄດ້ປະກາດອອກມາຢ່າງເປີດເຜີຍກ່ຽວກັບຄວາມໝັ້ນໝາຍຂອງພວກຕົນຕໍ່ກົດລັດຖະທໍາມະນູນ ຊຶ່ງພະຍາຍາມຫາທາງຜ່ອນຄາຍຂ່າວຊ່າລືຕ່າງໆທີ່ວ່າຈະມີການກໍ່
ລັດຖະປະຫານຂຶ້ນນັ້ນ. ນາຍພົນຊົງກິດຕິ ຈັກກະບາດ ຜູ້ບັນຊາການທະຫານສູງສຸດກອງ
ທັບໄທ ກ່າວຢືນຢັດຕໍ່ກອງປະຊຸມຖະແຫລງຂ່າວໃນ ວັນອັງຄານມື້ນີ້ວ່າ ຈະມີບໍ່ການກໍ່ລັດຖະ
ປະຫານຂຶ້ນຢ່າງເດັດຂາດ. ນາຍພົນຊົງກິດຕິໄດ້ຢືນຫ້ອມລ້ອມໄປດ້ວຍພວກຜູ້ບັນຊາການ
ກອງທັບບົກ ກອງທັບເຮືອແລະກອງທັບອາກາດ ຫລັງຈາກເຂົ້າຮ່ວມປະຊຸມປະຈໍາເດືອນ
ຂອງພວກທ່ານແລ້ວ.
ຂ່າວຊ່າລືກ່ຽວກັບການກໍ່ລັດຖະປະຫານຂຶ້ນນີ້ ໄດ້ເລີ້ມມາເປັນເວລາຫລາຍສັບປະດາແລ້ວ
ໃນຂະນະທີ່ໄທເຄື່ອນໄຫວໄປສູ່ການເລືອກຕັ້ງຊຶ່ງຄາດວ່າຈະມີຂຶ້ນໃນທ້າຍປີນີ້. ປະເທດ
ໄທໄດ້ປະສົບກັບການກໍ່ລັດຖະປະຫານມາ 18 ຄັ້ງນັບແຕ່ຊຸມປີ 1930 ເປັນຕົ້ນມາ ຮວມ
ທັງການກໍ່ລັດຖະປະຫານຂຶ້ນທີ່ໄດ້ໂຄ່ນລົ້ມລັດຖະບານທ່ານທັກສິນ ຊິນນະວັດໃນປີ 2006
ຜ່ານມານີ້.
ນາຍພົນຊົງກິດຕິ ກ່າວວ່າ ທະຫານຈະບໍ່ຫລິ້ນບົດບາດໃດໆໃນການເລືອກຕັ້ງທີ່ຈະມີຂຶ້ນ
ໃນຕໍ່ໜ້ານີ້ ແລະວ່າ ພວກພັກການເມືອງທຸກພັກຝ່າຍແມ່ນມີເສລິພາບທີ່ຈະໄປໂຄສະນາ
ຫາສຽງເລືອກຕັ້ງໃນກົມກອງຕ່າງໆຂອງກອງທັບນັ້ນ.
