ເບິ່ງວີດີໂອພາສາລາວ:
ເມື່ອສອງອາທິດຜ່ານມານີ້ກົມອຸດທະຍານແຫ່ງຊາດຂອງໄທ ໄດ້ເລິ່ມຍ້າຍສັດໜີຈາກມູນນິ
ທິມິດຕະພາບສັດປ່າແຫ່ງປະເທດໄທ
ພວກເຈົ້າໜ້າທີ່ກົມອຸດທະຍານແຫ່ງຊາດ ກ່າວວ່າ ກຸ່ມໃຫ້ການຊ່ວຍເຫຼືອສັດປ່າທີ່ດໍາເນີນ
ການໂດຍຕ່າງປະເທດນັ້ນ ບໍ່ສາມາດນຳສະແດງ ໜັງສືເອກະສານອ້າງກໍາມະສິດຂອງການ
ເປັນເຈົ້າຂອງສັດປ່າທັງໝົດຂອງພວກເຂົາເຈົ້າ ແລະຈະຕ້ອງສົ່ງສັດພວກນັ້ນຄືນໃຫ້ເຈົ້າໜ້າທີ່.
ເຈົ້າໜ້າທີ່ເວົ້າວ່າ “ທ່ານ Edwin Wiek ມີບັນຫາແລ້ວ” ແຕ່ທ່ານວີກພັດ ກ່າວວ່າ
“ນີ້ຄືວິທີທາງນຶ່ງຂອງພວກເຈົ້າໜ້າທີ່ ທີ່ທໍາລາຍຊື່ສຽງຂອງຂ້ອຍ”
ແຕ່ແນວໃດກໍດີ ທ່ານ ເອັດວິນ ວີກ ຫົວໜ້າກຸ່ມ ກ່າວວ່າ ເຈ້ຍສໍຂອງທ່ານ ແມ່ນຖືກຕ້ອງ
ແລ້ວ ແລະພວກເຈົ້າໜ້າທີ່ມາກວດກາ ບໍ່ໄດ້ໄປທີ່ນັ້ນ ເພື່ອບັງຄັບໃຫ້ມີການປະຕິບັດກົດ
ໝາຍແຕ່ຢ່າງໃດເລີຍ.
ທ່ານ ວີກ ກ່າວວ່າ “ນີ້ແມ່ນເລຶ່ອງຂີ້ຕົວະນາບຂູ່ຮາວີທັງໝົດ ຍ້ອນພຽງແຕ່ວ່າພວກເຮົາກ້າ
ເວົ້າເປີດເຜີຍຄວາມຈິງອອກມາໃຫ້ຄົນຮູ້ກ່ຽວກັບການລັກ ລອບຄ້າຊ້າງຢ່າງຜິດກົດໝາຍ
ໃນປະເທດໄທ ແລະການລັກລອບຄ້າສັດປ່າ ຜິດກົດໝາຍພາຍໃນໄທ ຊຶ່ງເປັນການປິດບັງ
ສໍາລັບການກໍ່ອາດຊະຍາກໍາທີ່ກະທໍາໂດຍກົມອຸດທະຍານແຫ່ງຊາດນັ້ນ.”
ທ່ານ ວີກ ກ່າວອີກວ່າ ພວກເຈົ້າໜ້າທີ່ອຸດທະຍານແຫ່ງຊາດໄດ້ມາປະກົດຕົວ ຫລັງຈາກ
ທ່ານໄດ້ພິມເຜີຍແຜ່ຈົດໝາຍຫລາຍສະບັບລົງໃນສື່ມວນຊົນ ຂອງໄທເມື່ອເດືອນມັງກອນ
ຜ່ານມາ ທີ່ຕັ້ງຄໍາຖາມກ່ຽວກັບຄໍາອະທິບາຍ ຂອງພວກເຈົ້າໜ້າທີ່ ກ່ຽວກັບວ່າຊ້າງຖືກຂ້າ
ຕາຍຢູ່ໃນອຸດທະຍານແຫ່ງຊາດໄດ້ຢ່າງໃດນັ້ນ.
ຕໍາຫລວດໄທ ໄດ້ສົງໄສຮອງຫົວໜ້າອຸດທະຍານແຫ່ງຊາດແກ້ງກຣະຈ່ານ ແລະພວກເຈົ້າ
ໜ້າທີ່ອຸດທະຍານບາງຄົນ ພົວພັນກັບການລັກລອບສັດດັ່ງ ກ່າວ ແຕ່ເທົ່າເຖິງປັດຈຸບັນນີ້
ມີຊາວບ້ານພຽງສອງຄົນເທົ່ານັ້ນທີ່ຖືກຂໍ້ຫາ.
ທ່ານ ໄຊວັດ ລິມລິຂິດອັກສອນ ຫົວໜ້າອຸດທະຍານແຫ່ງຊາດດັ່ງກ່າວ ປະຕິເສດວ່າ ພະ
ນັກງານຂອງລາວບໍ່ໄດ້ເຮັດຫຍັງຜິດ. ທ່ານໄຊວັດເວົ້າວ່າ “ຂ້າພະເຈົ້າຢັ້ງຢືນໄດ້ວ່າ
ພວກເຈົ້າໜ້າທີ່ອຸດທະຍານແຫ່ງຊາດທຸກໆຄົນ ລ້ວນແລ້ວແຕ່ຮັກຫອມທໍາມະ
ຊາດ ແລະກໍບໍ່ມີເຈົ້າໜ້າທີຄົນໃດທີ່ກ່ຽວພັນກັບການລັກລອບລ່າຊ້າງດັ່ງກ່າວ
ສິ່ງທີ່ໄດ້ສົ່ງອອກອາ ກາດເຜີຍແຜ່ໂດຍສື່ມວນຊົນນັ້ນ ມັນກໍເລີຍໃຫ້ເບິ່ງ
ຄ້າຍໆກັບວ່າ ພວກເຈົ້າໜ້າທີ່ອຸດທະຍານແຫ່ງຊາດມີສ່ວນກ່ຽວພັນກັບການ
ລັກລອບລ່າຊ້າງ”
ໃນຂະນະພວກເຈົ້າໜ້າທີ່ໄທໄດ້ຮັບຄໍາຍ້ອງຍໍສັນລະເສີນຈາກພວກອະນຸລັກບາງກຸ່ມສໍາລັບ
ໂຄງການຕໍ່ຕ້ານການລັກລອບລ່າສັດຂອງພວກເຂົາເຈົ້າ ຊຶ່ງທ່ານ ໄຊວັດ ກ່າວວ່າ ອຸດທະ
ຍານທີ່ຢູ່ໃນການດູແລຂອງທ່ານນັ້ນບໍ່ມີ ເຈົ້າໜ້າທີ່ຮັກສາປ່າໄມ້ພຽງພໍ ແລະການລົງໂທດ
ຕໍ່ຜູ້ຂ້າຊ້າງປ່ານັ້ນແມ່ນເບົາເກີນໄປ.
ພວກເຈົ້າໜ້າທີ່ໄທກ່າວຕື່ມວ່າ ຊ້າງທີ່ຖືກຂ້າສ່ວນໃຫຍ່ ແມ່ນເພື່ອເອົາງາ ໄປຂາຍ ຊຶ່ງລາ
ຄາງາຊ້າງຕົກເປັນປະມານ ນຶ່ງພັນຫ້າຮ້ອຍໂດລາຕໍ່ງາໜັກ ນຶ່ງກິໂລ ແຕ່ພວກລັກລອບລ່າ
ສັດປ່າຍັງໄດ້ເອົາສ່ວນອື່ນໆຂອງຊ້າງເຊັ່ນ ອະໄວຍະວະສືບພັນ ແລະຊີ້ນ ໄປຂາຍເພື່ອໃຊ້
ເປັນຢາພື້ນບ້ານ ແລະເປັນອາຫານພິເສດ.
ນອກນັ້ນ ພວກລັກລອບລ່າຊ້າງຍັງພາກັນຂ້າຊ້າງໃຫຍ່ທີ່ປົກປ້ອງລູກໆຂອງມັນ ເພື່ອເອົາ
ຊ້າງນ້ອຍໄປຂາຍ ໃນລາຄາປະມານເຈັດພັນໂດລາ ເພື່ອເຮັດວຽກຢູ່ໃນທຸລະກິດການທ່ອງ
ທີ່ມີກໍາໄລງານຂອງໄທນັ້ນ.
ເບິ່ງວີດີໂອລາຍງານພາສາອັງກິດ: