ຊາວໄທກຸ່ມທຳອິດ ທີ່ໄດ້ຮັບການຍົກຍ້າຍອອກຈາກອິສຣາແອລ ຫຼັງການບຸກໂຈມຕີຂອງກຸ່ມຮາມາສ ທາງພາກໃຕ້ຂອງອິດສຣາແອລ ໄດ້ໄປເຖິງບາງກອກແລ້ວ.
ຊາວໄທ 15 ຄົນ ໄປຮອດສະໜາມບິນສາກົນສຸວັນນະພູມຂອງບາງກອກ ໃນວັນພະຫັດວານນີ້ ຫລັງຈາກຖ້ຽວບິນ ທີ່ຍາວນານ ຈາກນະຄອນເທລ ອາວິບ (Tel Aviv). ນັກຂ່າວຈຳນວນຫຼວງຫຼາຍໄດ້ລໍຖ້າພວກເຂົາຢູ່, ພ້ອມກັບເຈົ້າໜ້າທີ່ລັດຖະບານ ແລະ ສະມາຊິກໃນຄອບຄົວທີ່ເປັນກັງວົນ.
“ທ່ານນາຍົກລັດຖະມົນຕີ ໄດ້ສັ່ງການໃຫ້ຂ້າພະເຈົ້າ, ລັດຖະມົນຕີຄົນອື່ນໆ, ລັດຖະມົນຕີກະຊວງແຮງງານ, ລັດຖະມົນຕີກະຊວງປ້ອງກັນປະເທດ, ຮອງລັດຖະມົນຕີກະຊວງສາທາລະນະສຸກ ໃຫ້ມາຮັບຊາວໄທກຸ່ມນີ້ ທີ່ໄດ້ເດີນທາງກັບຄືນມາຢ່າງປອດໄພ. ທ່ານປານປຣີ ພະຫິດທານຸກອນ ( Parnpree Bahiddha-Nukara) ລັດຖະມົນຕີກະຊວງການຕ່າງປະເທດ ກ່າວຕໍ່ບັນດານັກຂ່າວ.
ຜູ້ທີ່ໄດ້ເດີນທາງກັບຄືນປະເທດສອງຄົນ ແມ່ນຢູ່ໃນລໍ້ຍູ້, ເຊິ່ງໄດ້ຢູ່ໃນເຫດການ ການຈະລາຈົນ ທີ່ກ່ຽວຂ້ອງກັບອິສຣາແອລ ແລະກຸ່ມຫົວຮຸນແຮງຮາມາສ.
ນຶ່ງໃນນັ້ນ ແມ່ນ ທ້າວກັດຊາກອນ ພັດຕາສອນ (Katchakorn Pudtason), ເຊິ່ງໄດ້ເລົ່າວ່າຕົນໄດ້ຕົກຢູ່ໃນແລວຂອງການຍິງໂຈມຕີ ແລະຖືກຍິງຢູ່ຫົວເຂົ່າ.
