ລິ້ງ ສຳຫລັບເຂົ້າຫາ

ຜູ້ບັນຊາການທະຫານບົກ ຄົນໃໝ່ຂອງໄທ

  • ໄພສານ ວໍຣະຈັກ

ກະສັດພູມີພົນ ອະດຸນຍະເດດ ຂອງໄທ ໄດ້ຊົງແຕ່ງຕັ້ງ ນາຍ ທະຫານ ທີ່ເຂັ້ມແຂງຄົນໃໝ່ ເປັນຜູ້ບັນຊາການ ທະຫານບົກ.

ນາຍພົນປຣະຢຸດ ຈັນໂອຊາແມ່ນ ນາຍທະຫານ ຄົນສຳຄັນສຸດ ໃນການປາບປາມ ພວກປະທ້ວງ ຕໍ່ຕ້ານລັດຖະບານ ທີ່ໄດ້ກໍ່ການຈະລາຈົນ ຢູ່ບາງກອກ ແຕ່ເດືອນເມສາ ຫາເດືອນພຶດສະພາ ຜ່ານມາ. ນາຍພົນປຣະຢຸດ ທີ່ມີການເບິ່ງກັນວ່າ ເປັນບຸກຄົນ ນິຍົມກະສັດນັ້ນ ໄດ້ຖືກເລື່ອນຊັ້ນ ຈາກຕຳແໜ່ງ ຮອງຜູ້ບັນຊາການ ທະຫານບົກ.

ພວກນັກວິເຄາະກ່າວວ່າ ການແຕ່ງຕັ້ງທີ່ວ່ານີ້ ແມ່ນໃຫ້ສັນຍານວ່າ ລັດຖະບານໄທຈະສືບຕໍ່ ດຳເນີນນະໂຍບາຍເຂັ້ມງວດ ຕໍ່ພວກປະທ້ວງເສື້ອແດງຫຼື ນປຊ. ມີຢ່າງນ້ອຍ 91 ຄົນ ໄດ້ ເສຍຊີວິດ ແລະອີກ 1,800 ຄົນ ໄດ້ຮັບບາດເຈັບ ໃນລະຫວ່າງ ການປະທ້ວງ ຕໍ່ຕ້ານ ລັດຖະບານ ທີ່ໄດ້ຖືກປາບປາມ ໂດຍກຳລັງ ຮັກສາຄວາມສະຫງົບ ຕິດອາວຸດ.

ພວກປະທ້ວງເສື້ອແດງ ແມ່ນພວກສະໜັບສະໜຸນອະດີດນາຍົກລັດຖະມົນຕີ ທັກສິນ ຊິນນະ ວັດ ທີ່ໄດ້ໃຫ້ສຳພາດ ແກ່ໜັງສືພິມ “ໄທຣັດ” ໃນວັນພະຫັດ ວານນີ້. ທ່ານທັກສິນ ກ່າວວ່າ ທ່ານກຳລັງ ຢູ່ທີ່ທະວີບອາຟຣິກາ ເພື່ອເຈລະຈາຫາລື ກ່ຽວກັບເລື່ອງບໍ່ເພັດ ແລະພົບປະ ກັບ ທ່ານ Nelson Mandela ອະດີດຜູ້ນຳ ຂອງອາຟຣິກາໃຕ້ ທີ່ເຄີຍໄດ້ຮັບ ລາງວັນໂນແບລ ຂະແໜງສັນຕິພາບນັ້ນ.

XS
SM
MD
LG