ລິ້ງ ສຳຫລັບເຂົ້າຫາ

ບັນດາເຈົ້າໜ້າທີ່ຄຸ້ມຄອງແມ່ນໍ້າ ຈາກນາໆຊາດ ປະຊຸມກັນ ທີ່ປະເທດໄທ

  • ສິງ ບູຣົມມະວົງ

ຫ້ອງການຄະນະກໍາມາທິການແມ່ນໍ້າຂອງຫລື MRC ທີ່ນະຄອນວຽງຈັນ,ລາວ.

ບັນດາ​ເຈົ້າ​ໜ້າ​ທີ່​ຄຸ້ມ​ຄອງແມ່​ນໍ້າ​ຫຼາຍ​ຮ້ອຍ​ຄົນ​ຈາກ​ທົ່ວ​ໂລກ ກໍາລັງ​ເຕົ້າ​ໂຮມ​ກັນ​ຢູ່ທີ່ປະ​ເທດໄທ ​ເພື່ອ​ທໍາ​ການ​ໂອ້​ລົມ​ສົນທະນາ​ກັນ​ກ່ຽວ​ກັບວິທີ​ທາງ​ທີ່​ດີ​ທີ່​ສຸດ ​ເພື່ອ​ຮັບມື​ຄວາມ​ຮຽກຮ້ອງ​ຕ້ອງການ​ເຂົ້າປາ​ອາຫານ ນໍ້າ​ດື່ມ​ນໍ້າ​ໃຊ້​ແລະ​ພະລັງງານ ທີ່​ພວມ​ເພີ່ມ​ຂຶ້ນ​ນັບ​ມື້ນັ້ນ ​ໃນ​ຂະນະທີ່​ສ້າງຄວາມ​ເສຍ​ຫາຍ​ຕໍ່​ສະພາບ​ແວດ​ລ້ອມໃຫ້​ໜ້ອຍ​ທີ່​ສຸດ​ເທົ່າ​ທີ່​ຈະ​ເປັນ​ໄປ​ໄດ້.

ກອງ​ປະຊຸມນາໆ​ຊາດຂອງ​ກຸ່ມ Mekong2Rio ​ເປັນ​ເວລາ 3 ມື້ ຈະໄຂ​ຂຶ້ນ​ໃນ​ວັນ​ອັງຄານ​ມື້​ອື່ນ ຢູ່​ເກາະ​ຕາກ​ອາກາດ​ພູ​ເກັດ​ຂອງໄທ.

ທ່ານ Hans Guttman ຫົວໜ້າ​ຄະນະ​ກໍາມາ​ທິການ​ແມ່​ນໍ້າຂອງ ຫລື MRC ກ່າວ​ວ່າ ກອງ​ປະຊຸມ​ນີ້​ຈະ​ອໍານວຍໃຫ້​ພວກ​ເຂົ້າ​ຮ່ວມ​ປະຊຸມ​ຈໍານວນ 300 ຄົນ​ນັ້ນ ​ໄດ້ແລກປ່ຽນ​ຄວາມ​ຄິດ​ຄວາມ​ເຫັນ​ກັນ.

ທ່ານ Guttman ກ່າວຕື່ມ​ວ່າ ກອງ​ປະຊຸມ​ນີ້​ແມ່ນ​ເປັນ​ໂອກາດ​ອັນ​ນຶ່ງສໍາລັບໃຫ້ພວກ​ທີ່​ມາ​ຮ່ວມ​ປະຊຸມ​ ​ໄດ້​ຮຽນ​ຮູ້​ກ່ຽວ​ກັບ​ອ້າງ​ນໍ້າ​ແຫ່ງ​ອື່ນໆແລະ​ເຮັດ​ວິທີ​ໃດ​ເພື່ອຈະຄຸ້ມ​ຄອງ​ແຫຼ່ງ​ນໍ້າຂອງ​ເຂົາ​ເຈົ້າ​ຢ່າງມີ​ປະສິດທິຜົນ

ຄະນະ​ກໍາມາ​ທິການ​ແມ່​ນໍ້າຂອງ ​ເປັນ​ອົງການ​ລະຫວ່າງ​ລັດຖະບານທີ່​ຮັບຜິດຊອບໃນ​ການ​ສ້າງ​ຄວາມ​ຮ່ວມ​ໄມ້ຮ່ວມ​ມື ສໍາລັບ​ການຄຸ້ມ​ຄອງອ່າງ​ແມ່​ນໍ້າຂອງ ​ແບບ​ຍືນຍົງ​ ​ນັ້ນ. ປະ​ເທດ​ສະມາຊິກ​ຂອງ​ອົງການ​ດັ່ງກ່າວ ແມ່ນ​ຮວມທັງ ກໍາປູ​ເຈຍ ລາວ ​ໄທ​ ແລະ​ຫວຽດນາມ.

ບັນດາ​ຜູ້ຕາງໜ້າ​ມາ​ຈາກ​ປະ​ເທດ​ໃນ​ທະວີບອາ​ຟຣິກາ ອອສ​ເຕຣ​ເລຍ,ຢູ​ໂຣບ​ແລະ​ທະວີ​ບອາ​ເມຣິກາ ກໍ​ມາ​ຮ່ວມ​ໃນ​ກອງ​ປະ​ຊຸ​ມ​ເຊ່ນ​ກັນ.

XS
SM
MD
LG