ເຈົ້າໜ້າທີ່ຂັ້ນສູງທາງທະຫານຂອງໄທ ກ່າວວ່າ ການເລືອກຕັ້ງມີ
ທ່າທາງວ່າ ຈະບໍ່ມີຂຶ້ນຈົນກວ່າ ປີ 2016 ຊຶ່ງເປັນການເລື່ອນ
ເວລາອອກໄປຕື່ມອີກ ໃນການໃຫ້ຄຳໝັ້ນສັນຍາຂອງພວກ
ທະຫານ ກ່ຽວກັບການຫັນປ່ຽນໄປສູ່ປະຊາທິປະໄຕ ນັ້ນ.
ຮອງນາຍົກລັດຖະມົນຕີ ປຣະວິດ ວົງສຸວັນ ໄດ້ບອກກັບບັນດາ
ນັກຂ່າວ ໃນວັນພະຫັດມື້ນີ້ວ່າ ການເລືອກຕັ້ງມີທ່າທາງວ່າ
ຈະມີຂຶ້ນປະມານຕົ້ນປີ 2016 ຫລັງຈາກລັດຖະທຳມະນູນ
ໄດ້ຮ່າງ ຮຽບຮ້ອຍແລ້ວ.
ທ່ານ ປຣະວິດ ຜູ້ຊຶ່ງເປັນທັງ ລັດຖະມົນຕີປ້ອງກັນປະເທດນຳນັ້ນ
ກ່າວວ່າເຫດຜົນນຶ່ງທີ່ພາໃຫ້ ຊັກຊ້າ ກໍຄືມີກຸ່ມບໍ່ໄດ້ລະບຸຊື່ ທີ່ຕໍ່ຕ້ານການນຳພາໂດຍພວກທະຫານ.
ພວກທະຫານໄດ້ຂຶ້ນກຳອຳນາດ ຫຼັງຈາກນາຍົກລັດຖະມົນຕີ ຍິ່ງລັກ ຊິນນະວັດ ໄດ້ລາອອກ ຍ້ອນການບັງຄັບຂອງສານ ລຸນຫລັງທີ່ມີການປະທ້ວງເປັນເວລາຫຼາຍໆເດືອນ ຊຶ່ງບາງຄັ້ງ
ຄາວ ກໍໄດ້ເກີດຄວາມຮຸນແຮງນັ້ນ.
ກອງທັບໄທກ່າວວ່າ ການເຂົ້າຍຶດອຳນາດຄັ້ງທີ 12 ໃນຮອບ 80 ປີຂອງຕົນ ແລະການປະ
ກາດ ກົດໄອຍະການເສິກທີ່ຕິດຕາມມາ ແມ່ນມີຄວາມຈຳເປັນ ເພື່ອປ້ອງກັນບໍ່ໃຫ້ເກີດຄວາມ
ວຸ້ນວາຍຂຶ້ນ ຕື່ມ ແລະການຈັດຕັ້ງປະຕິບັດການປະຕິຮູບ.
ບັນດາກຸ່ມປົກປ້ອງສິດທິມະນຸດ ໄດ້ຕຳນິຕິຕຽນພວກທະຫານທີ່ເປັນຜູ້ກຳກັບນຳຄື້ນຟອງຂອງການ ຈັບກຸມແລະການຫາຍສາບສູນຂອງຜູ້ຄົນ ຕະຫລອດທັງການຫ້າມບໍ່ໃຫ້ມີການ
ໂຮມຊຸມນຸມກັນແລະ ເພີ້ມການກວດກາຕໍ່ສື່ມວນຊົນນຳດ້ວຍ.
ຜູ້ນຳທາງທະຫານ ທ່ານ ປຣະຍຸດ ຈັນໂອຊາ ຊຶ່ງປະຈຸບັນນີ້ ດຳລົງຕຳແໜ່ງນາຍົກລັດຖະມົນ
ຕີ ຂອງປະເທດນັ້ນ ກ່ອນໜ້ານີ້ ໄດ້ໃຫ້ຄຳໝັ້ນສັນຍາວ່າ ຈະຈັດໃຫ້ມີການເລືອກຕັ້ງ ໃນເດືອນຕຸລາ ປີ 2015 ເວລາໃດທີ່ທາງຄະນະກຳມະການທີ່ຖືກແຕ່ງຕັ້ງໂດຍພວກທະຫານ ຮ່າງລັດຖະທຳມະນູນແລ້ວນັ້ນ.
