ບັນດາຜູ້ນໍາຂອງໄທແລະອິນໂດເນເຊຍ ໄດ້ໃຫ້ຄໍາໝັ້ນສັນຍາ ທີ່ຈະຍົກລະດັບການຮ່ວມມືດ້ານການຄ້າແລະຄວາມໝັ້ນຄົງລະຫວ່າງກັນໃຫ້ສູງຂຶ້ນ.
ການໃຫ້ຄໍາໝັ້ນສັນຍາດັ່ງກ່າວໄດ້ມີຂຶ້ນໃນວັນຈັນມື້ນີ້ ໃນລະຫວ່າງການຢ້ຽມຢາມນະຄອນຫລວງຈາກາຕາຂອງອິນໂດເນເຊຍ ຂອງນາຍົກລັດຖະມົນຕີໄທ ທ່ານນາງຢິ່ງລັກ ຊິນນະວັດ ຊຶ່ງການຢ້ຽມຢາມໃນມື້ນີ້ແມ່ນຄັ້ງທີ່ 2 ຂອງການເດີນທາງໄປພົບປະແລະທໍາຄວາມຮູ້ຈັກລື້ງແກ່ນກັບບັນດາຜູ້ນໍາຂອງປະເທດເພື່ອນບ້ານ ຂອງນາຍົກລັດຖະມົນຕີໄທຄົນໃໝ່ ທີ່ໄດ້ໄປຢ້ຽມຢາມ Brunei ໃນວັນເສົາແລ້ວນີ້ ແລະມີກໍານົດຈະເດີນທາງໄປຍັງກໍາປູເຈຍໃນວັນພະຫັດ ຈະມານີ້ ບ່ອນທີ່ຄາດກັນວ່າ ທ່ານນາງຈະຮ້ອງຂໍໃຫ້ປ່ອຍນັກເຄື່ອນໄຫວໄທ 2 ຄົນທີ່ຖືກກັກຂັງຢູ່ທີ່ນັ້ນ ແລະໃນມື້ວັນສຸກ ທ່ານນາງຢິ່ງລັກຈະໄປຢ້ຽມຢາມລາວ.
ທ່ານນາງຢິ່ງລັກກ່າວວ່າ ທ່ານນາງກັບປະທ່ນາທິນໍດີອິນໂດເນເຊຍ ທ່ານ Susilo Bambang Yudhoyono ຕ່າງກໍມີຄວາມພໍໃຈນໍາການຄ້າທີ່ເຕີບໃຫຍ່ຂຶ້ນຢ່່າງໄວ ລະຫວ່າງປະເທດຂອງພວກທ່ານ ແລະພວກທ່ານໄດ້ສົນ ທະນາກັນ ກ່ຽວກັບຊ່ອງທາງອື່ນໆໃນການເສີມຂະຫບາຍການຮ່ວມມືກັນທາງດ້ານເສດຖະກິດ.
