ນໍ້າຖ້ວມສືບຕໍ່ເປັນໄພຄຸກຄາມໃຈກາງບາງກອກໃນວັນຈັນມື້ນີ້ ແມ່ນແຕ່ໃນຂະນະທີ່
ຄວາມພະຍາຍາມອະນາໄມໃນບາງຂົງເຂດ ໄດ້ເລີ້ມຂຶ້ນທາງກໍ້າເໜືອຂອງນະຄອນ
ຫລວງ ບ່ອນທີ່ນໍ້າໄດ້ບົກລົງແລ້ວກໍຕາມ.
ທາງການໄທກ່າວວ່າ ຈໍານວນຄົນເສຍຊີວິດຍ້ອນໄພນໍ້າຖ້ວມຄັ້ງຮ້າຍແຮງທີ່ສຸດໃນຮອບ
ເຄິ່ງສັດຕະວັດແມ່ນໄດ້ເພີ່ມຂຶ້ນເປັນຫລາຍກວ່າ 500 ຄົນແລ້ວ ຊຶ່ງພວກທີ່ເສຍຊີວິດນັ້ນ
ສ່ວນຫລາຍແມ່ນຕາຍດຶກນໍ້າ. ນາຍົກລັດຖະມົນຕີ ຍິ່ງລັກຊິນນະວັດກ່າວວ່າ ຄະນະລັດ
ຖະບານຂອງທ່ານນາງຈະປະຊຸມກັນໃນວັນອັງຄານມື້ອື່ນນີ້ເພື່ອເລີ້ມພິຈາລະນາແຜນ
ການບູລະນະສ້າງສາປະເທດຄືນໃໝ່ທີ່ຕີລາຄາວ່າຈະມີມູນຄ່າຫລາຍກວ່າ 3 ຕື້ໂດລານັ້ນ.
ສໍາລັບພວກປະຊາຊົນທີ່ອາໄສຢູ່ໃນບາງກອກຫລາຍຄົນ ການຂົນສົ່ງຍັງຄົງເປັນບັນຫາ
ໃຫຍ່ທີ່ສຸດ ຊຶ່ງເຂົາເຈົ້າໄດ້ພາກັນຫັນໄປໃຊ້ເຮືອ ລົດເມແລະລົດກອງທັບເປັນພາຫະນະ
ເພື່ອເດີນທາງຜ່ານເຂດຕ່າງໆທີ່ຖືກນໍ້າຖ້ວມນັ້ນ.
ແມ່ຍິງຄົນນຶ່ງທີ່ອາໄສຢູ່ໃນບາງກອກກ່າວວ່າ ລາວໃຊ້ເວລາເຖິງ 6 ຊົ່ວໂມງເພື່ອເດີນທາງ
ໄປຫາບ້ານລູກຊາຍຂອງລາວ ຈາກນະວະນະຄອນໄປຫາໝໍຊິດ ຊຶ່ງຕາມທໍາມະດາໃຊ້ເວ
ລາພຽງແຕ່ຊົ່ວໂມງດຽວເທົ່ານັ້ນ.
ທ່ານນາງ Maureen Birmingham ຫົວໜ້າອົງການອະນາໄມໂລກຫລື WHO ປະຈໍາ
ບາງກອກກ່າວວ່າ ຄວາມພະຍາຍາມໃນການບັນເທົາທຸກແມ່ນໄດ້ຮັບຄວາມຫຍຸ້ງຍາກສັບ
ສົນ ເພາະວ່າເຂດຕ່າງໆຂອງໄທແມ່ນຢູ່ໃນຂັ້ນແຕກຕ່າງກັນຫລາຍກ່ຽວກັບໄພຄຸກຄາມ
ນໍ້າຖ້ວມແລະການຮື້ຟື້ນຄືນນັ້ນ.