ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ໄທ ແນ​ເປົ້າ​ທີ່​ຈະເປັນສະມາຊິກຂອງກຸ່ມ BRICS ຢູ່ທີ່ກອງປະຊຸມສຸດຍອດໃນເດືອນ ຕຸລາ


ບັນດາເຈົ້າໜ້າທີ່ ພາກັນຖ່າຍຮູບກຸ່ມ ໃນລະຫວ່າງກອງປະຊຸມສະພາລັດຖະມົນຕີ BRICS ບວກ, ໃນເມືອງນິສນີ ນອບໂກຣອດ (Nizhny Novgorod), ຣັດເຊຍ, ວັນທີ 11 ມິຖຸນາ 2024.
ບັນດາເຈົ້າໜ້າທີ່ ພາກັນຖ່າຍຮູບກຸ່ມ ໃນລະຫວ່າງກອງປະຊຸມສະພາລັດຖະມົນຕີ BRICS ບວກ, ໃນເມືອງນິສນີ ນອບໂກຣອດ (Nizhny Novgorod), ຣັດເຊຍ, ວັນທີ 11 ມິຖຸນາ 2024.

​ເຈົ້າ​ໜ້າ​ທີ່​ກະຊວງ​ການ​ຕ່າງປະ​ເທດ​ໄທ​ກ່າວ​ວ່າ ໄທ​ມີຄວາມຫວັງທີ່​ຈະ​ເຂົ້າ​ເປັນ​ສະມາຊິກ​ຂອງ​ກຸ່ມ BRICS ເຊິ່ງເປັນກຸ່ມ​ເສດຖະກິດ​ທີ່​ພົ້ນ​ເດັ່ນ​ ຢູ່ກອງ​ປະຊຸມ​ສຸດ​ຍອດ​ຄັ້ງຕໍ່ໄປໃນ​ເດືອນ​ຕຸລາ​ທີ່ຈະມາເຖິງ​ນີ້, ອີງຕາມລາຍງານຂອງອົງການຂ່າວ Reuters.

ໂຄສົກ​ກະຊວງ​ການ​ຕ່າງປະ​ເທດຂອງໄທ ທ່ານນິກອນເດດ ພະລາງກຸນ (Nikorndej Balankura) ກ່າວ​ວ່າ ປະ​ເທດເ​ອເຊີຍຕາ​ເວັນ​ອອກສຽງ​ໃຕ້ແຫ່ງນີ້ ​ໄດ້​ຍື່ນ​ຄຳ​ຮ້ອງຢ່າງ​ເປັນ​ທາງ​ການ​ເພື່ອ​ເຂົ້າ​ຮ່ວມ​ກອງ​ປະຊຸມ​ລັດຖະມົນຕີ BRICS ​ໃນບໍ່ເທົ່າໃດ​ອາທິດ​ທີ່ຜ່ານມາ.

ທ່ານ​ກ່າວ​ວ່າ “ພວກ​ຂ້າພະ​ເຈົ້າ​ຫວັງ​ວ່າ​ ຈະ​ໄດ້​ຮັບ​ຄຳ​ເຫັນ​ໃນ​ທາງ​ບວກ ​ແລະ ​ໄດ້​ຮັບ​ການ​ຮັບ​ຮອງເຂົ້າ​ເປັນ​ສະມາຊິກຂອງກຸ່ມ BRICS ​ໃນ​ທັນທີ ຢູ່​ທີ່​ກອງ​ປະຊຸມ​ສຸດ​ຍອດ​ຄັ້ງ​ຕໍ່​ໄປທີ່​ຈະ​ຈັດ​ຂຶ້ນ​ຢູ່ໃນ ຣັດ​ເຊຍ.

ກຸ່ມ BRICS, ​ໃນ​ເບື້ອງ​ຕົ້ນ​ປະກອບ​ດ້ວຍ ບຣາຊິລ, ຣັດ​ເຊຍ, ອິນ​ເດຍ, ຈີນ ​ແລະ ອາ​ຟຣິກາ​ໃຕ້, ເຊິ່ງເປັນໂຕອັກສອນຫຍໍ້ທີ່ມາຈາກຊື່ຂອງບັນດາປະເທດຕ່າງໆເຫຼົ່ານັ້ນ.

ໃນປີແລ້ວນີ້, ກຸ່ມດັ່ງກ່າວໄດ້ເລີ້ມຂະຫຍາຍສະມາຊິກ ເພື່ອຊອກຫາສິ່ງທ້າທາຍຕໍ່ໂລກຕາເວັນຕົກ, ໂດຍມີ ຊາອຸດີ ອາຣາເບຍSaudi, ອີຣ່ານ, ເອທີໂອເປຍ, ອີຈິບ, ອາເຈັນຕິນາ ແລະ ສະຫະລັດອາຣັບເອເມີເຣັສ ເຂົ້າຮ່ວມ ແລະມີອີກຫຼາຍກວ່າ 40 ປະເທດທີ່ສະແດງຄວາມສົນໃຈຈະເຂົ້າຮ່ວມ.

ໄທ ​ຍັງໄດ້​ຊອກ​ຫາ​ການ​ເຂົ້າ​ຮ່ວມ​ອົງການ​ການ​ຮ່ວມ​ມື​ດ້ານ​ເສດຖະກິດ ​ແລະ​ການ​ພັດທະນາ ຫຼື OECD, ຫລັງ​ຈາກ​ໄດ້​ຮັບ​ການ​ເຊື້ອ​ເຊີນ​ຈາກ​ກຸ່ມ​ທີ່ມີສໍານັກງານ​ຕັ້ງ​ຢູ່ ​ປາຣີ ​ເພື່ອເປີດ​ການ​ສົນທະນາກ່ຽວກັບການ​ເຂົ້າ​ເປັນສະມາຊິກ.

ທ່ານ ນິຄອນເດດ ກ່າວ​ວ່າ “ພວກ​ເຮົາ​ກຳລັງ​ວາງ​ແຜນໃນການ​ເຂົ້າ​ຮ່ວມ, ເງື່ອນ​ໄຂຕ່າງໆ ​ແລະ ຂອບ​ເຂດ​ຈໍາກັດທີ່​ສອດຄ່ອງ​ກັບ​ບັນດາ​ມາດ​ຕະການຕ່າງໆ​ຂອງ OECD,” ແລະກ່າວ​ວ່າ ຍັງ​ບໍ່​ມີ​ການ​ກຳນົດ​ເວລາສໍາລັບ​ການເຂົ້າ​ຮ່ວມ​ກຸ່ມດັ່ງກ່າວ.

“ໃນປັດຈຸບັນນີ້ ການ​ເລີ້ມ​ຕົ້ນສະ​ຫມັກເປັນ​ສະ​ມາ​ຊິກ​ ​ຈະ​ໄດ້​ຮັບ​ຜົນ​ປະ​ໂຫຍດ​, ມັນ​ຈະ​ຊ່ວຍ​ດຶງ​ດູດ​ການ​ລົງ​ທຶນ​ຈາກ​ຕ່າງ​ປະ​ເທດ​, ສ້າງ​ລາຍ​ຮັບ ​ແລະ​ປັບ​ປຸງ​ຄຸນ​ນະ​ພາບ​ຊີ​ວິດ​ຂອງ​ປະ​ຊາ​ຊົນ.”

ອ່ານຂ່າວດ້ານລຸ່ມນີ້ເປັນພາສາອັງກິດ

BANGKOK, June 20 (Reuters) - Thailand hopes to become a member of the BRICS group of emerging economies at the organisation's next summit in Russia in October, a foreign ministry official said Thursday.

The Southeast Asian nation submitted a formal request to join at a BRICS ministerial meeting a week ago, foreign ministry spokesperson Nikorndej Balankura said.

"We hope to receive positive feedback and be accepted as BRICS member as soon as the next summit to be held in Russia," he said.

The BRICS group originally consisted of Brazil, Russia, India, China and South Africa. The acronym is derived from those countries' names.

Last year the group began expanding membership, looking to challenge a Western-dominated world order, with Saudi Arabia, Iran, Ethiopia, Egypt, Argentina and the United Arab Emirates joining and more than 40 countries expressing interest.

Thailand is also looking to join the Organisation for Economic Co-operation and Development (OECD), after being invited by the Paris-based group to open accession discussions.

"We are putting together an accession roadmap, conditions and timeframe in line with OECD instruments," said Nikorndej, adding there was no set timeline for joining the group.

"Starting the membership application now will be beneficial. It will help attract foreign investment, generate income and improve people's quality of life."

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG