ລິ້ງ ສຳຫລັບເຂົ້າຫາ

ວັນອາທິດ, ໒໕ ກຸມພາ ໒໐໒໔

ທ່ານອະພິສິດ ເວດຊາຊີວະ ຖືກກ່າວຫາ ໃນຂໍ້ຫາ ຄາດຕະກຳ ພວກປະທ້ວງ


ທ່ານອະພິສິດ ອະດີດນາຍົກລັດຖະມົນຕີໄທ ເດີນທາງໄປຮອດ ສານອາຍາ ທີ່ບາງກອກ ໃນວັນພະຫັດ ທີ່ 12 ທັນວາ 2013 ມື້ນີ້ ເພື່ອຮັບຟັງຂໍ້ກ່າວຫາ.
ທ່ານອະພິສິດ ອະດີດນາຍົກລັດຖະມົນຕີໄທ ເດີນທາງໄປຮອດ ສານອາຍາ ທີ່ບາງກອກ ໃນວັນພະຫັດ ທີ່ 12 ທັນວາ 2013 ມື້ນີ້ ເພື່ອຮັບຟັງຂໍ້ກ່າວຫາ.
ອະດີດ​ນາຍົກລັດຖະມຸນຕີ ອະພິສິດ ​ເວດ​ຊາ​ຊີວະ ​ໄດ້ຖືກ​ກ່າວ​
ຫາ​ຢ່າງ​ເປັນ​ທາງ​ການໃນຂໍ້​ຫາ​ຄາດ​ຕະກໍາ​ພວກ​ປະ​ທ້ວງ 2 ຄົນ
​ໃນ​ລະຫວ່າງ​ການ​ປາບ​ປາມ​ຂອງ​ພວກທະຫານ​ ໃນ​ປີ 2010
ນັ້ນ.

ບັນດາ​ໄອ​ຍະ​ການ​ກ່າວ​ວ່າ ທ່ານ​ອະພິສິດ​ໄດ້​ສັ່ງ​ໃຫ້​ພວກ​ກຳລັງ
​ຮັກສາ​ຄວາມ​ປອດ​ໄພ ​ຍິງ​ໃສ່​ຝູງ​ພວກ​ຊຸມນຸມ​ປະ​ທ້ວງ​ເສື້ອ​ແດງ​
ຊຶ່ງສ່ວນຫຼາຍທີ່​ບໍ່ມີ​ອາວຸດ. ມີ 90 ຄົນເສຍ​ຊີວິດ​ໄປໃນ​ລະຫວ່າງ
ການ​ປາບ​ປາມ​ນັ້ນ.

​ໃນ​ເວລາ​ນັ້ນ ພວກ​ປະ​ທ້ວງ​ໄດ້​ພາກັນ​ໄປ​ປັກ​ຫຼັກ​ນອນ​ແຮມ​ຄືນ​ຢູ່​
ໃນ​ໃຈກາງ​ນະຄອນຫຼວງ​ບາງກອກ ​ເພື່ອສະໜັບສະໜຸນ​ອະດີດ​ນາຍົກລັດຖະມຸນຕີທັກສິນຊິນ ນະ​ວັດ ທີ່​ໄດ້​ຖືກ​ໂຄ່ນ​ລົ້ມ​ອອກ​ຈາກອຳນາດ​ໄປ​ໃນການ​ກໍ່​ລັດຖະປະຫານ​ຂອງ​ພວກ​ທະຫານ​ໃນ​ປີ2006.

ຄອບຄົວ​ຂອງ​ພວກ​ທີ່​ໄດ້​ເສຍ​ຊີວິດ​ໄປ ຈໍານວນ​ນຶ່ງ ​ພາກັນ​ຮ້ອງ​ໃສ່​ທ່ານ​ອະພິສິດ​ວ່າ “ຄາດ
​ຕະກອນ” ​ໃນ​ຂະນະ​ທີ່​ທ່ານ​ຍ່າ​ງອອກ​ຈາກ​ສານ​ຫຼັງ​ຈາກ​ວາງ​ເງິນ​ປະກັນ​ຕົວ​ ​ໃນ​ວັນ​ພະຫັດ
​ມື້​ນີ້. ມີ​ບຸກຄົນ​ອື່ນໆໄປສະ​ແດງ​ໃຫ້ການ​ສະໜັບສະໜຸນ​ທ່ານ​ອະພິສິດ​ເຊັ່ນ​ກັນ. ສ່ວນທ່ານ​
ອະພິ​ສິດ​ໄດ້ປະຕິ​ເສດ​ຕໍ່​ຂໍ້​ກ່າວ​ຫາເຫລົ່າ​ນັ້ນ ​ແລະ​ເວົ້າ​ວ່າ ​ມັນເປັນ​ຂໍ້​ກ່າວ​ຫາ​ທີ່​ພົວພັນ​
ກັບ​ການ​ເມືອງ.

ທ່ານ​ອະພິສິດ​ເປັນ​ຫົວໜ້າ​ພັກ​ປະຊາທິປັດຝ່າຍ​ຄ້ານ ທີ່​ກໍາລັງນໍາພາການ​ປະ​ທ້ວງ​ຕໍ່ຕ້ານ
​ລັດຖະບານ​ຂອງ​ທ່ານ​ນາງ​ຍິ່ງ​ລັກ ນາຍົກລັດຖະມຸນຕີ ​ທີ່​ເປັນ​ນ້ອງ​ສາວຂອງ​ທ່ານທັກສິນ.
ອີກ​ຄົນ​ນຶ່ງ​ທີ່​ກຳລັງ​ປະ​ເຊີນ​ກັບ​ຂໍ້​ກ່າວ​ຫາ​ທີ່​ພົວພັນ​ກັບ​ການ​ປາບ​ປາມ​ຂອງ​ພວກ​ທະຫານ
ໃນ​ປີ 2010 ນັ້ນ ​ແມ່ນ​ທ່ານ​ສຸ​ເທບ ​ເທືອ​ກສຸບັນ ອະດີດ​ຮອງ​ນາຍົກລັດຖະມຸນຕີ ທີ່ໄດ້ລາ​
ອອກ​ຈາກ​ພັກ​ປະຊາທິປັດ ມາ​ເປັນ​ແກນ​ນຳ​ຂອງ​ການ​ປະ​ທ້ວງ​ຕໍ່ຕ້ານ​ລັດຖະບານ​ໃນ​ປັດຈຸບັນ.

ທ່ານ​ນາງ​ຍິ່ງ​ລັກ ບໍ່​ຍອມຮັບ​ເອົາ​ຄຳ​ຮຽກຮ້ອງ​ຂອງ​ພວກ​ຊຸມນຸມ​ປະ​ທ້ວງ​ທີ່​ໃຫ້​ທ່ານ​ນາງລາ​
ອອກຈາກ​ຕຳ​ແໜ່​ງ​ ແລະ​ມອບ​ອຳນາດ​ໃຫ້​ສະພາ​ປະຊາຊົນ​ທີ່​ຈະ​ຖືກແຕ່ງ​ຕັ້ງ​ຂຶ້ນ​ມາ​ນັ້ນ. ​
ແຕ່​ທ່ານ​ນາງ​ໄດ້​ປະກາດ​ຍຸບ​ສະພາ​ ແລະ​ຮຽກຮ້ອງ​ໃຫ້​ມີ​ການ​ເລືອກ​ຕັ້ງ​ກ່ອນ​ກຳນົດໃນ ​
ເດືອນ​ກຸມພາ​ປີໜ້າ​ນີ້.
XS
SM
MD
LG