ລິ້ງ ສຳຫລັບເຂົ້າຫາ

ມື້ສຸດທ້າຍ ໃນການໂຄສະນາ ຫາສຽງ ຢູ່ໄທ

  • ໄພສານ ວໍຣະຈັກ

ນາຍົກລັດຖະມົນຕີໄທ ທ່ານອະພິຊິດ ເວດຊາຊີວະ ກ່າວຕໍ່ພວກສະໜັບສະໜຸນທ່າມກາງສາຍຝົນ ໃນການໂຄ ສະນາຫາສຽງມື້ສຸດທ້າຍ ຢູ່ທີ່ບາງອກ (1 ກໍລະກົດ 2011)

ບັນດາຜູ້ສະມັກເປັນສະມາຊິກສະພາແຫ່ງຊາດຂອງໄທໄດ້ທຳການໂຄສະນາຫາສຽງຮອບສຸດ
ທ້າຍໃນວັນສຸກມື້ນີ້ ກ່ອນການເລືອກຕັ້ງທົ່ວໄປ ຊຶ່ງຈະມີຂຶ້ນໃນມື້ວັນອາທິດມື້ຮື.

ການຢັ່ງຫາງສຽງປະຊາຊົນສະແດງໃຫ້ເຫັນວ່າ ຜູ້ນຳພັກຝ່າຍຄ້ານຂອງໄທ ທ່ານນາງຍິ່ງຣັກ
ຊິນນະວັດນ້ອງສາວຂອງອະດີດນາຍົກລັດຖະມົນຕີທັກສິນ ຊິນນະວັດມີຄະແນນນຳໜ້າທ່ານ
ອະພິຊິດ ເວດຊາຊີວະ ນາຍົກລັດຖະມົນຕີທີ່ສະມັກເຂົ້າແຂ່່ງຂັນເອົາຕຳແໜ່ງຕື່ມອີກຂອງໄທ.
ແຕ່ແນວໃດກໍຕາມ ບໍ່ມີການຄໍ້າປະກັນວ່າ ທ່ານນາງຍິ່ງຣັກຈະໄດ້ຮັບຄະແນນສຽງສ່ວນຫຼາຍ
ຢູ່ໃນສະພາແຫ່ງຊາດ.

ພວກຕຳໜິຕິຕຽນກ່າວວ່າ ທ່ານທັກສິນ ຊິນນະວັດ ທີ່ລີ້ໄພຢູ່ປະເທດດູໄບໃນເວລານີ້ຈະໃຊ້
ນ້ອງສາວຂອງທ່ານ ເປັນເຄື່ອງບັງໜ້າເພື່ອດຳເນີນໂຄງການຕ່າງໆ ທີ່ໄດ້ຮັບຄວາມສະໜັບ ສະໜຸນຈາກປະຊາຊົນຂອງທ່ານ ແລະທ່ານຈະຊອກຫາທາງກັບຄືນປະເທດໄທຖ້ານ້ອງສາວ
ຂອງທ່ານຊະນະ ແລະໃຫ້ອະໄພຍະໂທດແກ່ທ່ານຈາກການຖືກຕັດສິນໂທດຈຳຄຸກເປັນເວລາ
6 ປີ ໃນຂໍ້ຫາສໍ້ລາດບັງຫຼວງນັ້ນ.

XS
SM
MD
LG