ລິ້ງ ສຳຫລັບເຂົ້າຫາ

ພັກເພື່ອໄທ ຊະນະ ການເລືອກຕັ້ງໃນໄທ

  • ສິງ ບູຣົມມະວົງ

ຜູ້ນໍາພັກເພື່ອໄທ ນາງຍິ່ງລັກ ຊີນນະວັດ ທີ່ກອງປະຊຸມນັກຂ່າວ ຢູ່ສໍານັກງານຂອງພັກ ທີ່ບາງກອກ ຫລັງຈາກຜົນການເລືອກຕັ້ງຂັ້ນຕົ້ນປາກົດອອກມາວ່າ ພັກຂອງນາງໄດ້ຮັບໄຊຊະນະການເລືອກຕັ້ງໃນວັນອາທິດມື້ນີ້ ທີ 3 ກໍລະກົດ 2011. ນາງຈະໄດ້ສ້າງປະວັດສາດ ໂດຍຈະເປັນນາຍົກລັດຖະມົນຕີແມ່ຍິງ ຄົນທໍ

ນາຍົກລັດຖະມົນຕີໄທຍອມຮັບເອົາການປາໄຊ ໃນການເລືອກຕັ້ງທົ່ວໄປໃນວັນອາທິດມື້ນີ້
ທີ່ພັກຝ່າຍຄ້ານ ທີ່ເປັນພັນທະມິດກັບນາຍົກລັດຖະມົນຕີທັກສິນ ຊິນນະວັດ ທີ່ໄດ້ຖືກປົດ
ອອກຈາກຕໍາແໜ່ງໄປນັ້ນ ໄດ້ຮັບໄຊຊະນະ.

ທ່ານອະພິສິດ ເວດຊາຊີວະ ໄດ້ກ່າວຊົມເຊີຍແລະສະແດງຄວາມຍິນດີຕໍ່ທ່ານນາງຍິ່ງລັກ
ຊິນນະວັດ ນ້ອງສາວຂອງອະດີດນາຍົກລັດຖະມົນຕີທັກສິນ ແລະເປັນຫົວໜ້າພັກເພື່ອ
ໄທ ຊຶ່ງນາງຈະຂຶ້ນດໍາລົງຕໍາແໜ່ງ ເປັນນາຍົກລັດຖະມົນຕີແມ່ຍິງຄົນທໍາອິດຂອງໄທ.

ກົງກັນຂ້າມກັບຜົນຂອງການຢັ່ງສຽງແລະການວິເຄາະກ່ອນການເລືອກຕັ້ງທີ່ໄດ້ທໍານາຍໄວ້ວ່າ ການແຂ່ງຂັນຈະເປັນໄປຢ່າງສູສີກັນທີ່ສຸດນັ້ນ ພັກເພື່ອໄທໄດ້ຊະນະບ່ອນນ່ັງເປັນພັກສຽງ
ຂ້າງຫລາຍຢ່າງຂາດລອຍໃນສະພາແຫ່ງຊາດ ໂດຍຊະນະພັກປະຊາທິປັດຂອງທ່ານອະພິສິດ
ຢ່າງຖ້ວມລົ້ນ.

ຜົນຂອງການເລືອກຕັ້ງສະແດງໃຫ້ເຫັນວ່າ ພັກຝ່າຍຄ້ານໄດ້ຊະນະບ່ອນນັ່ງຢ່າງນ້ອຍ 260
ບ່ອນ ໃນຈໍານວນທັງໝົດ 500 ບ່ອນໃນສະພາແຫ່ງຊາດນັ້ນ.

ປະ​ເທດ​ໄທ​ໄດ້​ແຕກ​ແຍກ​ກັນຢ່າງ​ເລິກ​ເຊິ່ງ ນັບ​ແຕ່​ກອງທັບຂອງປະເທດ​ໄດ້ທໍາ​ການ​ກໍ່​ລັດ
ຖະປະຫານ​ຂຶ້ນ​ໂດຍ​ບໍ່​ມີ​ການ​ນອງ​ເລືອດ ​ທີ່​ໄດ້​ປົດ​ທ່ານ​ທັກສິນ​ ຊິນນະ​ວັດ​ ອອກ​ຈາກ​ຕໍາ​
ແໜ່​ງໃນ​ປີ 2006 ນັ້ນ.

ການ​ເລືອກ​ຕັ້ງ​ຄັ້ງ​ນີ້ ນັບ​ວ່າ​ເປັນ​ເທື່ອທໍາ​ອິດ​ໃນ​ປະ​ເທດ​ ນັບ​ແຕ່​ພວກ​ສະໜັບສະໜຸນ​ອະດີດ
ນາຍົກລັດຖະມົນຕີທັກສິນ ​ຊິນນະ​ວັດ​ ທໍາ​ການປະ​ທ້ວງ​ຕໍ່ຕ້ານ​ລັດຖະບານ​ໃນ​ປີ​ແລ້ວ​ນີ້
ຊຶ່ງ​ໄດ້​ພາໃຫ້​ມີ​ການ​ປະ​ທະ​ກັນ​ຫລາຍ​ບັ້ນ​ເຮັດ​ໃຫ້​ປະຊາຊົນຈໍານວນ​ຫລາຍ​ກວ່າ 90 ຄົນ​ ເສຍ​ຊີວິດ​ໄປ​ນັ້ນ.

XS
SM
MD
LG