ລິ້ງ ສຳຫລັບເຂົ້າຫາ

ເສ​ດຖະກິດ​ໄທ ​ຂະຫຍາຍຕົວ ​​ສະໝໍ່າສະ​ເໝີ ແຕ່ຍັງລາກຫຼັງ ຫຼາຍປະເທດໃນຂົງເຂດ


ທ່ານປຣະຢຸດ ຈັນໂອຊາ ສະແດງທ່າທາງ ໃນຂະນະທີ່ທ່ານກ່າວຄໍາປາໄສ ທີ່ກອງປະຊຸມສຸດຍອດ ກ່ຽວກັບ "ຄວາມຮັ່ງມີສໍາລັບທຸກຄົນ” ຊຶ່ງເປັນກອງປະຊຸມຈັດຂຶ້ນ ໃນຂະນະດຽວກັບ ກອງປະຊຸມສຸດຍອດອາຊ່ຽນ ຄັ້ງທີ່ 30 ທີ່ຈັດຂຶ້ນໃນວັນທີ 28 ເມສາ, 2017 ທີ່ນະຄອນມະນີລາ.

ເສ​ດຖະກິດ​ຂອງ​ໄທ ທີ່ຢູ່​ພາຍ​ໃຕ້​ການດູ​ແລ​ບໍລິຫານ​ໂດຍ​ຝ່າຍທະຫານ ​ໃນ​ໄລຍະ​
3 ປີຜ່ານ ມາ ​ໄດ້​ມີ​ການ​ຂະຫຍາຍຕົວ​ຢ່າງ​ສະໝໍ່າສະ​ເໝີ ​ແຕ່​ວ່າ​ກໍ​ລາກ​ຫລັງ ຄູ່​ແຂ່ງ
​ໃນ​ພາກພື້ນ ​ໃນ​ຂະນະ​ທີ່​ຄວາມ​ບໍ່​ແນ່ນອນ​ຍັງ​ມີ​ຢ່າງ​ຫລວງຫລາຍ ​ຊຶ່ງເຮັດ​ໃຫ້ນັກ​ລົງ
ທຶນ​ຕ່າງປະ​ເທດ ບໍ່ກ້າ​ເຂົ້າ​ໄປ​ລົງທຶນ​ໃນ​ປະ​ເທດ​ນັ້ນ.

ທະນາຄານ​ໂລກ ​ແລະ​ສະຫະ​ປະຊາ​ຊາດ​ເວົ້າວ່າ ​ເສດຖະກິດ​ໄທ ​ແມ່ນ​ເຕີບ​ໂຕຢູ່​ໃນ​ແລວ​
ຊ້າເມື່ອ​ທຽບກັບ​ຄູ່​ແຂ່ງ​ໃນ​ພາກ​ພື້ນ ​ໂດຍ​ທີ່​ຄາດ​ຄະ​ເນ​ວ່າຈະ​ຢູ່​ໃນ​ລະດັບ 3.0 ​ເປີ​ເຊັນ​ໃນ​
ໄລຍະ ​ປີ 2017 ຫາ​ປີ 2019.

ຄະນະ​ກໍາມາທິການ​ດ້ານ​ເສດຖະກິດ ​ແລະ​ສັງຄົມ​ຂອງ​ສະຫະ​ປະຊາ​ຊາດ ສໍາລັບ​ເຂດ​ເອ​
ເຊຍ ​ແລະ​ປາຊີ​ຟິກ ຫລື UNESCAP ​ເວົ້າວ່າ ພາບ​ພົດ​ຂອງ​ການ​ເຕີບ​ໂຕ​ທາງ​ເສດຖະກິດ​
ໄທ ​ແມ່ນ​ກົງກັນຂ້າມ​ກັບ​ເສດຖະກິດ​ຂອງ​ກໍາປູ​ເຈຍ ທີ່ຄາດ​ວ່າ​ ຈະ​ມີ​ລະດັບການ​ເຕີບ​ໂຕ​
8 ​ເປີ​ເຊັນ​ໃນ​ປີ 2018, ມາເລ​ເຊຍ 4.5 ເປີ​ເຊັນ, ​ຟີລິບ​ປິນ 7.0 ເປີ​ເຊັນ ​ແລະ​ຫວຽດນາມ 6.7 ເປີ​ເຊັນ.

ການ​ຟື້ນ​ໂຕ​ຄືນ​ຢ່າງ​ຊ້າໆຂອງ​ເສດຖະກິດ ​ໄດ້​ເລີ້ມມີ​ມາ​ແຕ່​ປີ 2016 ຊຶ່ງ​ແຕກ​ຕ່າງ​ກັນ​ກັບ​
ການ​ຫລຸດ​ລົງຢ່າງໜັກ ​ໃນ​ປີ 2014 ​ທີ່ຢູ່​ທ່າມກາງ ການ​ເດີນ​ຂະ​ບວນທາງ​ການ​ເມືອງ ຢູ່
​ກາ​ງຖະໜົນຕ້ານ​ລັດຖະບານ​ຂອງ​ທ່ານ​ນາງ ຍິ່ງ​ລັກ ຊິນນະ​ວັດ ທີ່​ໃນ​ທີ່​ສຸດ​ພາ​ໃຫ້​ເກີດ​
ການ ລັດຖະປະຫານ​ນັ້ນ.

ສາມ​ປີຕໍ່ມາ ການ​ຟື້ນໂຕ​ຄືນ​ຂອງ​ເສດຖະກິດ​ໄດ້ກັບມາ​ອີກ ​ໂດຍ​ໄດ້​ມີ​ການ​ຂະຫຍາຍຕົວ
​ໃນ​ລະດັບ 3.3 ເປີ​ເຊັນ ​ໃນ​ໄຕ​ມາດ​ທໍາ​ອິດ​ຂອງ​ປີ 2017 ​ແລະ​ນັກວິ​ໄຈ​ດ້ານ​ທຸລະ​ກິດ​
ເວົ້າວ່າທ່າ​ອ່ຽງດ້ານ​ນີ້ ຍັງຈະດຳ​ເນີນ​ຕໍ່​ໄປ.

ທ່ານ Krystal Tan, ນັກເສດຖະສາດເອ​ເຊຍ ກັບ​ພວກນັກວິ​ໄຈ, Capital Economics, ​
ເວົ້າວ່າ ການ​ຟື້ນ​ໂຕ​ທາງເສດຖະກິດ​ດັ່ງກ່າວ​ຍັງ​ຈະ​ມີ​ສືບຕໍ່​ໄປ​ຢູ່. ທ່ານ Tan ​ກ່າວ​ໃນ​ການ
​ໃຫ້​ຄໍາ​ເຫັນ​ກ່ຽວກັບ​ຕະຫລາດ​ວ່າ “ສໍາລັບ​ການ​ເລີ້ມຕົ້ນຂະ​ແໜງສົ່ງ​ອອກ​ສິນຄ້າ​ຈະ​ໄດ້​ຮັບ
​ຜົນ​ປະ​ໂຫຍ​ດຈາກ​ຄວາມ​ຕ້ອງການ​ສິນຄ້າ​ຂ້ອນ​ຂ້າງ​ສູງ​ຢູ່".

ອົງການ Capital Economics ​ເວົ້າວ່າ "ຄວາມ​ສະຫງົບ​ທາງ​ການ​ເມືອງ​ໃນ​ປັດຈຸ​ບັນ"
ຊຶ່ງ​ມີ​ມາຕັ້ງ​ແຕ່​ທ້າຍ​ປີ 2016 ​ໄດ້​ໃຫ້ການ​ສະໜັບສະໜຸນ ​ແກ່​ຂົງ​ເຂດ​ເສະ​ຖະກິດ​ຕ່າງໆ
​ເຊັ່ນ ການທ່ອງທ່ຽວ. ຄະນະ​ກໍາມະການ​ເສດຖະກິດຂອງ​ອົງການ​ສະຫະ​ປະຊາ​ຊາດ ຫລື
UNESCAP ​ເວົ້າຢູ່​ໃນ​ການ​ສໍາ​ຫລວດ​ປະ​ຈໍາປີ​ ເມື່ອໝໍ່ໆມານີ້ວ່າ "ພາຍຫລັງ​ທີ່​ມີ​ປະຫວັດ
​ການ​ເຕີບ​ໂຕ​ທີ່​ບໍ່ທຸ່ນ​ທ່ຽງ ມາ​ໄດ້​ຫລາຍ​ປີ ​ເສດຖະກິດ​ຂອງ​ໄທກໍ​ໄດ້​ມີ​ທ່າ​ແຮງ​ກັບ​ຄືນ​ມາ​ອີກ​
ໃນ​ປີ 2016.

ນັກ​ເສດຖະສາດ​ຂອງ​ອົງການ​ສະຫະ​ປະຊາ​ຊາດ​ເວົ້າວ່າ ອົງ​ປະກອບ​ຫລັກ​ທີ່​ພາ​ໃຫ້​ມີ​ການ
​ເຕີບ​ໂຕນັ້ນຄື "ລາຍ​ຮັບ​ຈາກ​ການທ່ອງທ່ຽວທີ່​ເພີ້ມຂຶ້ນຢ່າງ​ໄວ​ວາ” ​ພ້ອມ​ທັງ​ມາດ​ຕະການ
​ດ້ານ​ການ​ເງິນ​ແລະງົບປະມານ​ຂອງ​ລັດ ​ໂດຍ​ຜ່ານ​ການ​ໃຫ້​ຢືມ​ເງິນ​ໃນ​ດອກ​ເບ້ຍ​ຕໍ່າ ​ແລະ
ການ​ຍົກ​ເວັ້ນພາສີ​ຊົ່ວຄາວ​ແກ່​ຊາວນາ​ ຊາວ​ສວນ.

ອ່ານຂ່າວນີ້ເພີ້ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG