ປະເທດໄທ ໄດ້ໃຫ້ການຢືນຢັນກ່ຽວກັບກໍລະນີທີສອງຂອງໂຣກ
ລະບົບຫາຍໃຈອັກເສບຮ້າຍແຮງຈາກພາກຕາເວັນອອກກາງຫຼື
MERS.
ກະຊວງສາທາລະນະສຸກຂອງໄທ ກ່າວໃນວັນອາທິດ ມື້ນີ້ວ່າ
ໂຣກດັ່ງກ່າວໄດ້ຖືກກວດພົບນຳຜູ້ຊາຍຊາວໂອມານອາຍຸ 71
ປີຄົນນຶ່ງ ທີ່ເດີນທາງໄປເຖິງບາງກອກ ໃນມື້ວັນສຸກຜ່ານມານີ້.
ພວກເຈົ້າໜ້າທີ່ກຳລັງຕິດຕາມເບິ່ງອາການຂອງຜູ້ຄົນຈຳນວນ
ນຶ່ງ ທີ່ໄດ້ມີການສຳຜັດກັບຜູ້ຊາຍຄົນນີ້ ຮວມທັງລູກຊາຍຂອງ
ລາວ.
ກໍລະນີທຳອິດຂອງ MERS ຢູ່ໄທ ກໍໄດ້ພົບເຫັນນຳຜູ້ຊາຍຊາວໂອມານ ອີກຄົນນຶ່ງ ໃນປີ
ກາຍທີ່ລອດຊີວິດມາໄດ້ຈາກໂຣກດັ່ງກ່າວ.
ໂຣກ MERS ແມ່ນມີສາເຫດມາຈາກເຊື້ອໂຄໂຣນາໄວຣັສຊຶ່ງເປັນຄອບຄົວດຽວກັນເຊື້ອ
ໄວຣັສ ທີ່ກໍ່ໃຫ້ເກີດການລະບາດ ຂອງໂຣກລະບົບຫາຍໃຈອັກເສບຮ້າຍແຮງ SARS ທີ່
ປະເທດຈີນໃນປີ 2003.
ໂຣກ MERS ໄດ້ຖືກພົບເຫັນ ຢູ່ໃນມະນຸດເປັນເທື່ອທຳອິດ ທີ່ປະເທດຊາອຸດີ ອາຣາເບຍ
ໃນປີ 2012. ກໍລະນີສ່ວນໃຫຍ່ຂອງໂຣກດັ່ງກ່າວນີ້ ແມ່ນເກີດຂຶ້ນຢູ່ໃນພາກຕາເວັນອອກ
ກາງ.
