ບັນດານັກການທູດໃນຂົງເຂດກໍາລັງເພີ່ມທະວີຄວາມພະຍາ
ຍາມຂອງເຂົາເຈົ້າ ເພື່ອຍຸດຕິການປະທະກັນລະຫວ່າງກໍາປູເຈຍແລະໄທ ຊຶ່ງໄດ້ກ້າວເຂົ້າສູ່ມື້ທີ 4 ແລ້ວນັ້ນ ໃນຂະນະທີ່ທັງສອງຝ່າຍຕ່າງກໍພາກັນຮຽກຮ້ອງຂໍຄວາມຊ່ອຍເຫລືອຈາກສະພາຄວາມໝັ້ນຄົງສະຫະປະຊາຊາດນັ້ນ.
ບັນດານັກໜັງສືພິມແລະພວກອື່ນໆທີ່ເຫັນເຫດການ ແຈ້ງ ໃຫ້ຊາບວ່າໄດ້ຍິນສຽງປືນກົນແລະສຽງລູກປືນໃຫຍ່ດັງຂຶ້ນໃນເຊົ້າວັນຈັນມື້ນີ້ ຢູ່ໃກ້ໆກັບວັດເຂົາພະວິຫານ ສະຖານທີ່ມໍ
ລະດົກໂລກ ທີ່ເປັນຈຸດສູນກາງຂອງການປະທະກັນນັ້ນ.
ກໍາປູເຈຍອ້າງວ່າ ຂ້າງເບື້ອງນຶ່ງຂອງວັດຮິນດູທີ່ມີອາຍຸ 900 ປີນັ້ນ ໄດ້ພັງທະລາຍລົງຫລັງຈາກຖືກລູກປືນໃຫຍ່ຂອງໄທ.
ຍັງບໍ່ເປັນທີ່ຈະແຈ້ງເທື່ອວ່າ ມີຈັກຄົນກັນແທ້ໄດ້ຮັບບາດເຈັບໃນການປະທະກັນຄັ້ງຫລ້າສຸດ ໃນແລງວັນອາທິດວານນີ້ແລະເຊົ້າວັນຈັນມື້ນີ້ ແຕ່ຝ່າຍໄທໄດ້ຈົ່ມວ່າ ກ່ອນໜ້ານີ້ວ່າ ມີປະຊາຊົນ 2 ຄົນເສຍຊີວິດແລະ 13 ຄົນໄດ້ຮັບບາດເຈັບ ໃນຂະນະທີ່ທາງກໍາປູເຈຍກ່າວວ່າຝ່າຍຕົນ ເສຍຊີວິດໄປ 2 ຄົນ.
ລັດຖະມຸນຕີການຕ່າງປະເທດອິນໂດເນເຊຍ ທ່ານ Marty Natalegawa ທີ່ເປັນປະທານ
ຄົນໃໝ່ຂອງສະມາຄົມກຸ່ມປະເທດໃນຂົງເຂດເອເຊຍອາຄະເນ ຫລືອາຊ່ຽນ ເດີນທາງໄປ
ຮອດກຸງພະນົມເປນໃນວັນຈັນມື້ນີ້ ເພື່ອພະຍາຍາມຫາທາງແກ້ໄຂບັນຫາການປະທະກັນນີ້ ໂດຍທາງການທູດ.
