ໄທໄດ້ຖອນໂຕອອກຈາກ ສົນທິສັນຍາວ່າດ້ວຍມໍລະດົກໂລກຂອງອົງ ການ UNESCO ຍ້ອນບັນຫາຂັດແຍ້ງກັນທີ່ຍັງເຄັ່ງຕຶງຢູ່ກັບກໍາປູເຈຍກ່ຽວກັບວັດເກົ່າແກ່ 900 ປີທີ່ຕັ້ງຢູ່ໃນເຂດຊາຍແດນທີ່ສອກຫລີກຫ່າງໄກລະຫວ່າງສອງປະເທດນັ້ນ.
ໄດ້ມີການປະທະກັນທາງດ້ານທະຫານຫລາຍຄັ້ງໃກ້ໆກັບເຂົາພຣະວິຫານນັບແຕ່ຕົ້ນເດືອນກຸມພາມາ ຊຶ່ງໄດ້ເຮັດໃຫ້ປະຊາຊົນເສຍຊີວິດໄປ 20 ກວ່າຄົນແລ້ວ ແລະເຮັດໃຫ້ປະຊາຊົນຕ້ອງຍົກຍ້າຍຈາກບ້ານເຮືອນຂອງເຂົາເຈົ້າຫລາຍພັນຄົນຕື່ມອີກ.
ໄທກ່າວວ່າ ການຖອນໂຕອອກຈາກສົນທິສັນຍາດັ່ງກ່າວແມ່ນສືບເນື່ອງມາຈາກອັນທ່ີໄທເອີ້ນວ່າ ການຕັດສິນໃຈທີ່ໜ້າຜິດຫວັງຈາກອົງການຄຸ້ມຄອງມູນມໍລະດົກຂອງໂລກໃນການຮັບເອົາແຜນການຄຸ້ມຄອງວັດເຂົາພຣະວິຫານຂອງກໍາປູເຈຍ ເຂົ້າໃນລາຍການປະຊຸມຂອງອົງການ.
ທາງລັດຖະບານບາງກອກຢືນຢັດວ່າ ເລື້ອງແບ່ງແຍດເຂດຊາຍແດນທີ່ເປັນບັນຫາຂັດ
ແຍ້ງກັນນີ້ ຈະຕ້ອງມີການແກ້ໄຂກັນກ່ອນຈະມີການພິຈາລະນາເລື້ອງແຜນການຄຸ້ມ
ຄອງເຂດແດນດັ່ງກ່າວ.
ນອກນັ້ນ ໄທຍັງຢືນຢັດອີກວ່າ ບັນຫາເຫລົ່ານີ້ຈະຕ້ອງແກ້ໄຂກັນໂດຍຜ່ານການໂອ້ລົມ
ສົນທະນາກັນໂດຍກົງກັບລັດຖະບານພະນົມເປນແລະ ໄດ້ປະຕິເສດຕໍ່ຄວາມພະຍາຍາມ
ຈາກພາຍນອກ ເພື່ອຜ່ອນຄາຍຄວາມເຄັ່ງຕຶງກັນລົງໂດຍສະຫະປະຊາຊາດແລະກຸ່ມຈັດ
ຕັ້ງປະຈໍາພາກພື້ນຄືກຸ່ມອາຊຽນນັ້ນ.
