ກຸ່ມເຄື່ອນໄຫວຂອງພວກຫົວຊາດນິຍົມໄທເວົ້າວ່າ ຕົນຈະ
ຮຽກຮ້ອງໃຫ້ມີການປະທ້ວງຄັ້ງໃຫຍ່ ເພື່ອຕັດສິນຊີ້ຂາດ
ກ່ຽວກັບອານາຄົດຂອງລັດຖະບານ ຖ້າຫາກວ່າລັດຖະ
ບານບໍ່ສາມາດເຮັດໃຫ້ມີການປ່ອຍໂຕຄົນໄທ 2 ຄົນທີ່ຖືກ ຈຳຄຸກຢູ່ໃນກຳປູເຈຍ ພາຍໃນສາມວັນ.
ໂຄສົກກຸ່ມພັນທະມິດປະຊາຊົນເພື່ອປະຊາທິປະໄຕ ຫລື People's Alliance for Democracy ຊຶ່ງເອີ້ນອີກຢ່າງນຶ່ງວ່າ ພວກເສື້ອເຫລືອງນັ້ນ ໄດ້ເວົ້າໃນວັນພຸດມື້ນີ້ວ່າ
ພວກຕົນຈະເຊື້ອເຊີນປະຊາຊົນ ໄປໂຮມຊຸມນຸມກັນຢູ່ໃກ້ໆ
ທຳນຽບລັດຖະບານໃນມື້ວັນເສົາຈະມາເຖິງນີ້ ເພື່ອຈະຕັດ
ສິນວ່າ “ລັດຖະບານຄວນມີຄວາມຮັບຜິດຊອບແນວໃດ”
ຖ້າຫາກວ່າລັດຖະບານບໍ່ສາມາດສະໜອງຕອບຕໍ່ຄໍາຮຽກ ຮ້ອງຂອງພວກຕົນ.
ບັນດາສະມາຊິກຂອງກຸ່ມເສື້ອເຫລືອງ ຫລື PAD ໄດ້ພາກັນທຳການປະທ້ວງມາ ຕັ້ງແຕ່
ອາທິດແລ້ວນີ້ ເພື່ອຮຽກຮ້ອງໃຫ້ລັດຖະບານເອົາທ່າທີທີ່ແຂງຂັນຂຶ້ນກວ່າເກົ່າ ໃນການແກ້
ໄຂບັນຫາຜິດຖຽງກັນເລື້ອງຊາຍແດນກັບກໍາປູເຈຍນັ້ນ. ຄວາມໂກດແຄ້ນຂອງພວກເຂົາເຈົ້າ
ໄດ້ເພີ້ມທະວີຂຶ້ນໃນວັນອັງຄານວານນີ້ ເມື່ອສານກໍາປູເຈຍໄດ້ຕັດສິນຈໍາຄຸກອະດີດຜູ້ນໍາຂອງ
ກຸ່ມດັ່ງກ່າວ ແລະເລຂານຸການຂອງທ່ານ ເປັນໄລຍະຍາວນານ ຍ້ອນຂໍ້ຫາຖານຈາລະກໍາ.
ທ່ານວິຣະ ສົມຄວາມຄິດ ແລະເລຂານຸການຂອງທ່ານ ແມ່ນຮວມຢູ່ໃນ 7 ຄົນທີ່ໄດ້ຖືກຈັບ ກຸມໃນທ້າຍເດືອນທັນວາ ເມື່ອພວກເຂົາເຈົ້າໄດ້ຫລົງທາງເຂົ້າໄປໃນເຂດທີ່ຢູ່ພາຍໃຕ້ການຄວບຄຸມຂອງທະຫານກຳປູເຈຍ ໃນຂະນະທີ່ກຳລັງໄປກວດກາເບິ່ງເຂດຊາຍແດນ ທີ່ຕິດກັບກໍາປູເຈຍ ບອນທີ່ເປັນບັນຫາຜິດຖຽງກັນນັ້ນ.
