ມູນນິທິສິດທິມະນຸດແລະການພັດທະນາ ກ່າວວ່າ ທາງການໄທ ກຳລັງແນເປົ້າໝາຍການຈັບກຸມ ໃສ່ພວກແຮງງານຕ່າງດ້າວທ່ີ
ບໍ່ໄດ້ປະ ກອບສ່ວນໃນໂຄງການພິສູດສັນຊາດຂອງລັດຖະບານ.
ມູນນິທິສິດທິມະນຸດແລະການພັດທະນາ ຫລື HRDF ກ່າວວ່າ ໃນເດືອນນີ້ ລັດຖະບານໄດ້ຈັດຕັ້ງສູນພິເສດແຫ່ງນຶ່ງຂຶ້ນເພື່ອ
ຄຸ້ມຄອງການປະຕິບັດງານປາບປາມພວກແຮງງານອົບພະຍົບຫລືຕ່າງດ້າວ ປະມານ 3 ແສນຄົນ ທ່ີບໍ່ໄດ້ໄປລົງທະບຽນ
ພາຍໃນວັນເສ້ນຕາຍເມື່ອເດືອນກຸມ ພາຜ່ານມາ ເພື່ອເລີ່ມຂັ້ນຕອນພິສູດສັນຊາດນັ້ນ.
ກຸ່ມປົກປ້ອງສິດທິມະນຸດກຸ່ມນີ້ກ່າວວ່າ ພວກແຮງງານອົບພະຍົບຫລາຍ ຮ້ອຍຄົນໄດ້ຖືກຈັບກຸມໄປແລ້ວ ແລະຄາດວ່າ
ຈະມີການຈັບກຸມຕື່ມອີກ ຫລາຍຄົນ.
ທ່ານສົມຊາຍ ຫອມລະອໍ ທະນາຍຄວາມດ້ານສິດທິມະນຸດ ແລະເປັນເລຂາທິການໃຫຍ່ຂອງມູນນິທິ HRDF ກ່າວວ່າ
ການປາບປາມແລະ ຄວາມຮຽກຮ້ອງຕ້ອງການຢ່າງສູງ ພວກແຮງງານອົບພະຍົບລາຄາຖືກ ນັ້ນ ມີແຕ່ຈະສົ່ງເສີມ
ການໃຫ້ສິນບົນແລະກິດຈະກຳອາຊະຍາກຳອື່ນໆ ທ່ີໂຄງການຈົດທະບຽນມີເປົ້າໝາຍ ຈະປ້ອງກັນບໍ່ໃຫ້ເກີດຂຶ້ນນັ້ນ.
ທ່ານສົມຊາຍ ຫອມລະອໍ ກ່າວວ່າ ກຳໜົດເວລາເສ້ນຕາຍສຳລັບໂຄງ ການພິສູດສັນຊາດທົ່ວປະເທດນັ້ນ ຄວນຈະຕໍ່ອອກ
ໄປອີກ ຊຶ່ງທ່ານ ກ່າວຊີ້ແຈງວ່າ:
ສຽງຂອງທ່ານສົມຊາຍ…
“ລັດຖະບານໄທ ຄວນຈະເປີດໃຫ້ພວກຄົນຕ່າງດ້າວຜິດກົດໝາຍເຫລົ່າ ນີ້ ໄປຈົດທະບຽນ ແລະອະນຸຍາດໃຫ້ພວກເຂົາເຈົ້າ
ໄດ້ເປັນຄົນງານທີ່ ທຳງານຢູ່ໃນໄທໄດ້ຢ່າງຖືກຕ້ອງຕາມກົດໝາຍ ໂດຍບໍ່ຖືກສວາຍເອົາປະໂຫຍດ ເອົາຮັດເອົາປຽບ ຈາກ
ນາຍຈ້າງ ຫລືຖືກກົດຂີ່ຂົ່ມເຫັງຈາກການໃຊ້ອຳນາດຂອງພວກເຈົ້າໜ້າທີ່ນັ້ນ.”
ໂຄງການພິສູດສັນຊາດເປັນພາກສ່ວນນຶ່ງຂອງຄວາມພະຍາຍາມ ຂອງລັດຖະບານໄທ ເພື່ອອຳນວຍໃຫ້ພວກແຮງງານອົບ
ພະຍົບໄດ້ຮັບການປົກປ້ອງທາງກົດໝາຍ ແລະໄດ້ຮັບການບໍລິການຂອງລັດຖະບານ ດີຂຶ້ນ.
ມີແຮງງານອົບພະຍົບ ຫລາຍກວ່າ 2 ລ້ານຄົນໃນໄທ ຊຶ່ງຈຳນວນ ຫລາຍເປັນແຮງງານທ່ີບໍ່ຖືກຕ້ອງຕາມກົດໝາຍ ຫລືບໍ່ມີ
ເອກະສານເຂົ້າເມືອງທ່ີຖືກຕ້ອງ. ໃນນັ້ນ ກໍມີຮວມທັງແຮງງານຈາກປະເທດລາວນຳ ແຕ່ສ່ວນຫລາຍ ຄືຫລາຍກວ່າ 80 ເປີເຊັນ
ແມ່ນມາຈາກມຽນມ້າ.
ພວກເຂົາເຈົ້າໄດ້ຮັບການບໍລິການດ້ານການສຶກສາແລະການຮັກສາສຸຂະພາບຢ່າງຈຳກັດ ແລະມັກຖືກເອົາປຽບຢູ່ເລື້ອຍໆໂດຍ
ພວກນາຍຈ້າງທ່ີສໍ້ໂກງ ແຕ່ມີວິທີການແກ້ໄຂທາງກົດໝາຍໜ້ອຍຫລາຍ.
ມີແຕ່ພວກແຮງງານທີ່ເຂົ້າເມືອງຢ່າງຖືກຕ້ອງຕາມກົດໝາຍເທ່ົານັ້ນ ໄດ້ຮັບອະນຸຍາດໃຫ້ເຂົ້າຮ່ວມໃນຂັ້ນຕອນພິສູດສັນຊາດນີ້.
ມີອົບພະ ຍົບປະມານ 8 ແສນຄົນຈາກມຽນມ້າພາກັນໄປລົງທະບຽນໃນໂຄງການ ດັ່ງກ່າວ ໃນຂະນະດຽວກັນ ກໍມີອົບພະຍົບ
ຫລາຍກວ່າ 1 ລ້ານຄົນທີ່ບໍ່ ໄດ້ໄປລົງທະບຽນ ແລະຖືກຕັດສິນ ຊຶ່ງພວກເຈົ້າໜ້າທີ່ໄທມີສິດທຳການຈັບກຸມ ແລະເນລະເທດ
ພວກເຂົາເຈົ້າກັບຄືນປະເທດໄດ້.
ພາຍໃຕ້ໂຄງການດັ່ງກ່າວ ພວກແຮງງານອົບພະຍົບຈະຕ້ອງມີໃບພິສູດ ຫລືຮັບຮອງສັນຊາດຈາກລັດຖະບານຂອງເຂົາເຈົ້າ ໄປສະເໜີ
ຕໍ່ເຈົ້າໜ້າ ທີ່ໄທ ກ່ອນທີ່ທາງການໄທຈະອອກໃບອະນຸຍາດໃຫ້ເຮັດການໄດ້ ໃນໄທນັ້ນ.
ແຕ່ທ່ານສົມຊາຍ ກ່າວວ່າ ລັດຖະບານທະຫານມຽນມ້າບໍ່ຮັບຮູ້ຊົນກຸ່ມ ນ້ອຍບາງກຸ່ມ ເປັນພົນລະເມືອງຂອງຕົນ ເຊັ່ນຊົນເຜົ່າ Rohinya
ຊຶ່ງເປັນຊາວມຸສລິມຊົນກຸ່ມນ້ອຍນັ້ນ. ທ່ານສົມຊາຍກ່າວຕື່ມວ່າ:
ສຽງຂອງທ່ານສົມຊາຍ..
“ມີພວກຄົນງານຫລາຍໆຄົນຈາກມຽນມາ ທີ່ຈະບໍ່ສາມາດຜ່ານຂັ້ນຕອນ ການກວດສອບຫລືພິສູດສັນຊາດຂອງພວກເຂົາເຈົ້າໄດ້
ແລະພວກເຂົາ ເຈົ້າກໍຈະບໍ່ໄດ້ຮັບໜັງສືເດີນທາງ ຫລືພາສປອດຈາກທາງການມຽນມາ ແລ້ວກໍຈະບໍ່ໄດ້ຮັບໜັງສືອະນຸຍາດໃຫ້ທຳງານ
ໄດ້ ຈາກທາງການໄທ. ນີ້ແມ່ນເປັນຄຳຖາມໃຫຍ່ ທີ່ວ່າທາງການໄທຈະເຮັດຢ່າງໃດກັບພວກ ຄົນກຸ່ມນີ້ ທີ່ຈະກາຍເປັນພວກຄົນທີ່ບໍ່ມີ
ປະເທດ. ພວກເຮົາຍັງບໍ່ມີຄຳ ຕອບອັນແຈ້ງຂາວຈາກລັດຖະບານໄທເທື່ອ ເຖິງແມ່ນພວກເຮົາໄດ້ຍົກ ເອົາບັນຫານີ້ ຂື້ນມາເວົ້າໃນ
ຫລາຍຄັ້ງຜ່ານມາແລ້ວກໍຕາມ.”
ທ່ານສົມຊາຍກ່າວວ່າ ພວກແຮງງານອົບພະຍົບຈາກມຽນມ້າ ຫລາຍຄົນ ບໍ່ຍອມໄປລົງທະບຽນ ກໍເພາະຢ້ານວ່າ ຈະຖືກເຈົ້າໜ້າທ່
ີມຽນມ້າຈັບໄປ. ສ່ວນຄົນອື່ນໆນັ້ນ ບໍ່ສາມາດແລະບໍ່ມີເງິນທີ່ຈະຈ່າຍໃຫ້ ພວກນາຍໜ້າ ທ່ີຊ່ອຍພວກແຮງງານອົບພະຍົບເຮັດເຈັ້ຍສໍ
ເພື່ອປະ ກອບສ່ວນໃນຂັ້ນຕອນການລົງທະບຽນ ຫລືກໍ ບໍ່ຮູ້ຈັກຫຍັງກ່ຽວກັບຂໍ້ບັງຄັບໃຫ້ໄປລົງທະບຽນໃນໂຄງການນີ້ເລີຍ.
ປະເທດໄທແມ່ນກາງຕໍ່ອາໄສພວກແຮງງານອົບພະຍົບ ເປັນແຫລ່ງແຮງງານທ່ີເຮັດວຽກກຳມະກອນ ເຊັ່ນວຽກກໍ່ສ້າງ ແລະວຽກໃນ
ເຮືອປະມົງ ຫລືເປັນຄົນຮັບໃຊ້ໃນບ້ານເຮືອນ.
