ຕຳຫລວດໄທກ່າວໃນວັນຈັນມື້ນີ້ວ່າ ພວກເຂົາເຈົ້າຈະເນ
ລະເທດຊາວ Rohingya 91 ຄົນທີ່ມານຳເຮືອ ທີ່ເຂົ້າ
ມາຈອດຢູ່ຝັ່ງທະເລທາງພາກໃຕ້ຂອງໄທ ຫລັງຈາກໄດ້
ພາກັນໂຕນໜີອອກຈາກມຽນມາ.
ພວກເຈົ້າໜ້າທີ່ເວົ້າວ່າ ພວກຄົນກຸ່ມນີ້ໄດ້ຖືກກັກຂັງໄວ້
ລຸນຫລັງທີ່ໄດ້ມາຮອດຕາຝັ່ງໃນແລງວັນເສົາຫາກໍ່ຜ່ານ
ມານີ້ ຍ້ອນມີບັນຫານຳຈັກເຮືອ ໃນຂະນະທີ່ພວກເຂົາ
ເຈົ້າພະຍາຍາມຈະມຸ້ງໜ້າໄປຍັງມາເລເຊຍ.
ອົງການສະຫະປະຊາຊາດໄດ້ກ່າວເຖິງຊາວມຸດສະລິມ
Rohingya ໃນມຽນມາທີ່ເວົ້າພາສາ Bengali ນັ້ນວ່າ
ເປັນພວກຊົນເຜົ່າສ່ວນນ້ອຍທີ່ຖືກຂົ່ມເຫັງ ປາບປາມ ຫລາຍທີ່ສຸດໃນໂລກ.
ປະເທດມຽນມາທີ່ຖືສາສະໜາພຸດເປັນສ່ວນໃຫຍ່ ໄດ້
ປະຕິເສດການໃຫ້ສັນຊາດ ແລະສິດໃນການເປັນເຈົ້າ
ຂອງຊັບສິນແກ່ຊົນເຜົ່າ Rohingya ໂດຍສິ້ນເຊີງ ຊຶ່ງ
ໄດ້ນຳໄປສູ່ການກົດຂີ່ຂູດຮີດຕໍ່ພວກເຂົາເຈົ້າ ແລະພາໃຫ້
ຫລາຍຄົນໂຕນໜີອອກຈາກມຽນມາໄປ.
ຜ່ານມາ ພວກເຄື່ອນໄຫວດ້ານສິດທິມະນຸດ ໄດ້ກ່າວຫາ
ກອງທັບເຮືອໄທວ່າ ລາກເອົາເຮືອຂອງພວກຂໍລີ້ໄພຊາວ
Rohingya ກັບອອກໄປທະເລຄືນ ແລະກໍປ່ອຍໃຫ້ເຮືອ
ພວກເຂົາເຈົ້າລ່ອງລອຍໄປຕາມທະເລ.
