ສະພາໄທ ເລີ້ມຮັບຟັງຄຳໃຫ້ການ ກ່ຽວກັບການຟ້ອງຮ້ອງອະ
ດີດນາຍົກລັດ ຖະມົນຕີ ຍິ່ງລັກ ຊິນນະວັດ ທີ່ພົວພັນກັບໂຄງ
ການຈຳນຳເຂົ້າ ທີ່ເຮັດໃຫ້ປະເທດເສຍເງິນໄປຫຼາຍພັນລ້ານ
ໂດລາ.
ຢູ່ໃນຄຳຖະແຫລງ ເລີ້ມຄຳໃຫ້ການ ໃນວັນສຸກມື້ີ້ນີ້ ຕໍ່ສະພາ
ນິຕິບັດຍັດແຫ່ງຊາດ ທີ່ຈັດແຈງໂດຍພວກທະຫານນັ້ນ ທ່ານ
ນາງຍິ່ງລັກ ໄດ້ປະຕິເສດໃນການກ່າວຫາຕໍ່ທ່ານນາງທັງໝົດ.
ທ່ານນາງ ຍິ່ງລັກກ່າວວ່າ “ຂໍໃຫ້ຂ້າພະເຈົ້າເລີ້ມຕົ້ນດ້ວຍການ
ປະຕິເສດຕໍ່ຂໍ້ຫາທັງໝົດ. ຂ້າພະເຈົ້າ ຂໍປະຕິເສດ ຕໍ່ການກ່າວ
ຫາທັງໝົດ ໂດຍຄະນະກຳມະການ ຕ້ານຄໍຣັບຊັ່ນແຫ່ງຊາດ ໂດຍອະດີດບັນດາພັກຝ່າຍຄ້ານ ແລະຂ້າພະເຈົ້າບໍ່ເຫັນດ້ວຍກັບຄຳຖະແຫຼງເປີດ ຂອງຄະນະກຳມະການຕ້ານຄໍຣັບ ຊັ່ນແຫ່ງຊາດ ພ້ອມທັງລາຍງານ ແລະ ຄຳເຫັນຕ່າງໆຂອງຄະນະກຳມະການຕ້ານຄໍຣັບ ຊັ່ນແຫ່ງຊາດ.”
ການເຄື່ອນໄຫວຟ້ອງຮ້ອງໄດ້ເລີ້ມຂື້ນ ເວລາຄະນະກຳມະການຕ້ານຄໍຣັບຊັ່ນ ແຫ່ງຊາດ
ໄດ້ກ່າວຫາທ່ານນາງໃຊ້ອຳນາດເຖຶ່ອນໃນເດືອນພຶດສະພາຜ່ານມາ. ສານແຫ່ງນຶ່ງ ໄດ້
ປົດທ່ານນາງອອກຈາກຕຳແໜ່ງ ແລະໃນບໍ່ດົນຫລັງຈາກນັ້ນ ທະຫານກໍໄດ້ເຂົ້າຍຶດອໍາ
ນາດ ໂດຍການກໍ່ລັດຖະປະຫານ ແລະໄດ້ປະກາດກົດໄອຍະການເສິກ.
ການລົງໂທດໃດໆກໍຕາມ ແມ່ນຈະຫ້າມຢ່າງເປັນການອັດຕະໂນມັດ ບໍ່ໃຫ້ທ່ານນາງຍິ່ງລັກ
ພົວພັນກັບການເມືອງເປັນເວລາຫ້າປີ ແຕ່ກໍອາດຈະພາໃຫ້ເກີດປະຕິກິລິຍາ ຢ່າງຮຸນແຮງ
ຈາກບັນດາຜູ້ສະໜັບສະໜູນທ່ານນາງຢູ່ຕາມຊົນນະບົດ ທີ່ຮ້ອງວ່າ ພວກ “ເສື້ອແດງ” ນັ້ນ.
ການປະທ້ວງຢູ່ບາງກອກໃນປີ 2011 ໄດ້ເຮັດໃຫ້ຢ່າງໜ້ອຍ 90 ຄົນເສຍຊີວິດ ແລະ
ຫລາຍຮ້ອຍຄົນໄດ້ຮັບບາດເຈັບ.
ບັນດານັກວິເຄາະກ່າວວ່າ ການຟ້ອງຮ້ອງ ແມ່ນເປັນແຜນທາງການເມືອງ ໂດຍ ພວກນິ
ຍົມກະສັດຢູ່ໃນເຂດເທດສະບານ ເພື່ອຢາກເຮັດໃຫ້ ອິດທິພົນທາງການເມືອງຂອງຄອບ
ຄົວຊິນນະວັດອ່ອນແອລົງ. ອ້າຍຂອງທ່ານນາງຍິ່ງລັກ ຄືທ່ານ ທັກສິນ ຊິນນະວັດ ໄດ້ຖືກ
ຂັບໄລ່ອອກຈາກຕຳແໜ່ງນາຍົກລັດຖະມົນຕີ ໂດຍການກໍ່ລັດຖະປະຫານ ໃນປີ 2006
ແລະ ໄດ້ໄປລີ້ໄພຢູ່ຕ່າງປະເທດເພື່ອຫລີກ ລ້ຽງການລົງໂທດຮັບສິນບົນ ໃນປີ 2008 ແຕ່ ທ່ານກໍຍັງມີອິດທິພົນຫລາຍຢູ່.
