ອະດີດເຈົ້າໜ້າທີ່ສືບລັບຂັ້ນອາວຸໂສຂອງມຽນມາທ່ານນຶ່ງເຕືອນວ່າ ໄທຈະຕົກຢູ່ໃນສະພາບ ທີ່ອ່ອນແອ ຕໍ່ຄວາມກົດດັນດ້ານການເມືອງຈາກມຽນມາ ເວລາໃດລັດຖະບານພາຍໃຕ້ການ ນໍາພາຂອງພວກທະຫານ ຫາກສໍາເລັດເສັດສິ້ນການວາງທໍ່ແກສທໍາມະຊາດ ຂອງມຽນມາ ໄປຍັງຈີນນັ້ນ.
ທ່ານ Aung Lynn Htut ທີ່ໂຕນໜີຈາກມຽນມ້າມາອາໄສຢູ່ໃນສະຫະ ລັດໃນປີ 2005 ກ່າວ ຢູ່ໃນບົດໃຫ້ສໍາພາດທີ່ຖືກນໍາອອກພິມເຜີຍແຜ່ໃນວັນພຸດວານນີ້ວ່າ ທ່ານ Than Shwe ຜູ້ນໍາລັດຖະບານທະຫານມຽນມາ ມັກກ່າວອວດອ້າງຢູ່ເລື້ອຍໆວ່າ ຕົນມີຄວາມສາມາດທີ່ຈະເຂົ້າແຊກ ແຊງໃນການເມືອງຂອງໄທນັ້ນ.
ອະດີດເຈົ້າໜ້າທີ່ສືບລັບມຽນມ້າທ່ານນີ້ກ່າວຕໍ່ວີໂອເອພະແນກພາສາມຽນມາວ່າ ເວລາໃດ ການວາງທໍ່ແກສທໍາມະຊາດໄປຍັງຈີນສໍາເລັດແລ້ວ ທ່ານ Than Shwe ກໍຈະມີອໍານາດ
ງັດງ້າງຫລາຍຂຶ້ນຕໍ່ປະເທດໄທ ທີ່ອາໃສກາງຕໍ່ແກສທໍາມະຊາດຈາກມຽນມາ ຢ່າງຫລວງ
ຫລາຍແລະໃນອາທິດແລ້ວນີ້ ກໍໄດ້ລົງນາມໃນສັນຍາທີ່ຈະຊື້ແກສທໍາມະຊາດຈາກມຽນມ້າ
ຕື່ມອີກເປັນເວລາ 30 ປີ. ມີການອ້າງຄໍາເວົ້າຂອງລັດຖະມຸນຕີກະຊວງພະລັງງານຂອງໄທວ່າ ສັນຍາຊື້ຂາຍກັນນີ້ຈະຮັບປະກັນຄວາມໝັ້ນຄົງດ້ານພະລັງງານຂອງໄທ. ແຕ່ມຽນມາ ໄດ້ ເລີ້ມທໍາການວາງທໍ່ລໍາລຽງແກສທໍາມະຊາດໃໝ່ໄປຫາຈີນ ໃນເດືອນມິຖຸນາຜ່ານມາ ຊຶ່ງ ຈະລຸດຜ່ອນການກາງຕໍ່ຂອງມຽນມາຕໍ່ການຂາຍແກສຂອງຕົນໃຫ້ໄທນັ້ນລົງ.
