ນະຄອນຫລວງຂອງໄທກັບຄືນສູ່ສະພາບປົກກະຕິແລ້ວ
ໃນວັນຈັນມື້ນີ້ ຫລັງຈາກເກີດຄວາມວຸ້ນວາຍທີ່ີຮ້າຍແຮງ
ມາເປັນເວລາ 6 ສັບປະດາ ຊຶ່ງພວກວົງການທຸລະກິດ
ຕະຫລາດຂາຍຮຸ້ນແລະໂຮງຮຽນແຫ່ງຕ່າງໆໄດ້ໄຂຄືນແລ້ວ.
ປະຊາຊົນຫລາຍພັນຄົນພາກັນສະໝັກໃຈໄປທຳຄວາມສະອາດ
ຢ່າງໃຫຍ່ໃນວັນອາທິດວານນີ້ໃນເຂດຍ່ານການຄ້າທ່ີຖືກຈູດ
ເປັນເຖົາຖ່ານໃນບາງກອກຫລັງຈາກການວາງເພີງໃສ່ຕຶກອາຄານ
ແລະຮ້ານຄ້າຮ້ານຂາຍຕ່າງໆແລະການຍິງປືນຕໍ່ສູ້ກັນ
ຕາມຖະໜົນຫົນທາງສາຍຕ່າງໆໃນສັບປະດາຜ່ານມາ ທ່ີໄດ້ເຮັດ
ໃຫ້ສູນການຄ້າໃນຕົວເມືອງເປັນເຖົາຖ່ານນັ້ນ
ລະບົບການຂົນສົ່ງມວນຊົນທ່ີສຳຄັນ 2 ລະບົບໃນບາງກອກ ຄື
ລະບົບລົດໄຟລອຍຟ້າຫລື Skytrainແລະລະບົບ
ລົດໄຟໄຕ້ດິນໄດ້ເປີດການບໍລິການຄືນໃນວັນອາທິດວານນີ້ ຫລັງຈາກ
ຖືກອັດລົງເປັນເວລາ 1 ສັບປະດາ.
ຢ່າງໜ້ອຍປະຊາຊົນ 83 ຄົນເສຍຊີວິດແລະບາດເຈັບ 1800 ຄົນ
ນັບແຕ່ພວກເສື້ອແດງຕໍ່ຕ້ານລັດຖະບານເລີ້ມທຳການເດີນຂະບວນປະທ້ວງ
ໃນເດືອນມີນາຜ່ານມາ.
ທ່ານອະພິສິດ ເວດຊາຊີວະ ນາຍົກລັດຖະມຸນຕີໄທຮຽກຮ້ອງໃຫ້ມີການ
ປອງດອງຊາດໃນວັນສຸກຜ່ານມາ ໂດຍໃຫ້ຄຳໝັ້ນສັນຍາວ່າ
ລັດຖະບານຈະປະເຊີນໜ້າກັບການທ້າທາຍທ່ີໃຫຍ່ຫລວງຕ່າງໆໃນຂັ້ນຕໍ່ໄປ
ໃນຂະນະທ່ີທາງລັດຖະບານຈະພະຍາຍາມປົວແປງ
ຄວາມແຕກແຍກກັນທາງດ້ານການເມືອງທ່ີມີຂຶ້ນຢ່າງໜັກໜ່ວງນັ້ນ.
