ລິ້ງ ສຳຫລັບເຂົ້າຫາ

ໄທຈະຍົກເລີກພາວະສຸກເສີນ ແລະ ກົດໄອຍະການເສິກ ໃນຫົວເມືອງພາກໃຕ້

  • ວັນນະສອນ ແກ້ວດາຣາ

ແຜ່ນທີ່ປະເທດໄທ

ທະຫານໄທປະຕິບັດໜ້າທີ່ ກວດປັດປະຈໍາໂຕແມ່ຍິງ ມຸສລິມຄົນນື່ງໃນພາກໃຕ້ ຂອງປະເທດ.
ທະຫານໄທປະຕິບັດໜ້າທີ່ ກວດປັດປະຈໍາໂຕແມ່ຍິງ ມຸສລິມຄົນນື່ງໃນພາກໃຕ້ ຂອງປະເທດ.

ຄະນະລັດຖະບານໄທໄດ້ຕົກລົງທີ່ຈະຍົກເລີກພາວະສຸກເສີນ
ແລະກົດໄອຍະການເສິກຢູ່ໃນຫົວເມືອງນຶ່ງທາງພາກໃຕ້ຂອງ
ໄທຊຶ່ງປະຊາຊົນສ່ວນໃຫຍ່ນັບຖືສາສະໜາອິສລາມ ບ່ອນທີ່
ການກໍ່ກະບົດໃນລະດັບຕໍ່າ​ໄດ້ເຮັດໃຫ້ມີຜູ້ເສຍຊີວິດ​ໄປແລ້ວ
ຫຼາຍພັນຄົນ.

ເຈົ້າໜ້າທີ່ໄທກ່າວໃນວັນອັງຄານມື້ນີ້ວ່າພາວະສຸກເສີນທີ່ໄດ້ມີການປະກາດໃຊ້ມາໄດ້ 5 ປີ
ແລ້ວນັ້ນ ຈະຖືກຍົກໃນທັນທີ ເພື່ອເປັນການທົດລອງຢູ່ທີ່ເມືອງແມ່ລານໃນຈັງຫວັດປັດຕະ
ນີ.ແຕ່ວ່າການຍົກເລີກພາວະສຸກເສີນນີ້ ຈະຕ້ອງໄດ້ຮັບການອະນຸມັດຈາກສະພາປ້ອງກັນ
ປະເທດ ແລະຕ້ອງມີພະລາດຊະດຳຣັດອອກ​ມາ.

ເຈົ້າໜ້າທີ່ເວົ້າວ່າ ກຳລັງຮັກສາຄວາມສະຫງົບຢູ່ໃນເຂດດັ່ງກ່າວຈະສືບຕໍ່ໃຊ້ອຳນາດທີ່ມີ
ຄວາມຮ້າຍແຮງໜ້ອຍລົງ ພາຍໃຕ້ກົດໝາຍວ່າດ້ວຍຄວາມໝັ້ນຄົງພາຍໃນແລະວ່າ ການຕັດສິນໃຈດັ່ງກ່າວແມ່ນສະທ້ອນໃຫ້ເຫັນເຖິງສະພາບການທີ່ດີຂຶ້ນຢູ່ໃນເຂດພາກໃຕ້
ແລະອາດຈະຂະຫຍາຍໄປຍັງເຂດອື່ນໆ​ອີກ ຖ້າຫາກປະສົບກັບຄວາມສຳເລັດ.

ມີທະຫານ 30,000 ກວ່າຄົນປະຕິບັດໜ້າທີ່ ຢູ່ໃນຈັງຫວັດປັດຕະນີແລະອີກ 2 ຈັງຫວັດ
ທີ່ມີຊາວມຸສລິມເປັນຄົນກຸ່ມໃຫຍ່ ຊຶ່ງຕັ້ງຢູ່ຕິດກັບຊາຍແດນມາເລເຊຍ ບ່ອນທີ່ໄດ້ມີຜູ້ເສຍ
ຊີວິດໄປແລ້ວ ຫຼາຍກວ່າ 4,400 ຄົນໃນການກໍ່ກະບົດທີ່ເລີ້ມມາແຕ່ປີ 2004.

ບັນດາກຸ່ມປົກປ້ອງສິດທິມະນຸດໄດ້ກ່າວຫາພວກທະຫານວ່າ ທໍາ​ການລ່ວງລະເມີດສິດທິ
ຫຼາຍໆຢ່າງ. ໃນຕົ້ນເດືອນນີ້ ລັດຖະບານໄທກໍໄດ້ຍົກເລີກພາວະສຸກເສີນ ທີ່ໄດ້ປະກາດ ໃຊ້ມາແຕ່ເດືອນເມສາເພື່ອຮັບມືກັບການປະທ້ວງຕໍ່ຕ້ານລັດຖະບານທີ່ເຮັດໃຫ້ເຂດນະຄອນ
ຫຼວງຂອງໄທເປັນອຳມະພາດ​ໄປເປັນເວລາຫຼາຍໆອາທິດນັ້ນ.

XS
SM
MD
LG