ສານແຫ່ງນຶ່ງໃນໄທໄດ້ຕັດສິນຍົກເລີກຄະດີນຶ່ງ ທີ່ສາມາດ
ຍຸບພັກປະຊາທິປັດທີ່ປົກຄອງຄອງປະເທດໃນປັດຈຸບັນນີ້ໄດ້
ແລະຫ້າມບໍ່ໃຫ້ນາຍົກລັດຖະມົນຕີ ອະພິສິດ ເວດຊາຊີວະ
ຫລິ້ນການເມືອງອີກ.
ຄະນະຜູ້ພິພາກສາ 6 ທ່ານຂອງສານລັດຖະທໍາມະນູນໄດ້
ຕັດສິນດ້ວຍຄະແນນສຽງ 4 ຕໍ່ 2 ໃນວັນຈັນມື້ນີ້ວ່າຄະດີ
ທີ່ວ່ານີ້ບໍ່ຖືກຕ້ອງຕາມກົດໝາຍເພາະວ່າຄໍາຟ້ອງຮ້ອງ
ທີ່ທາງຄະນະກໍາມາທິການເລືອກຕັ້ງຂອງໄທຍື່ນຕໍ່ສານນັ້ນ
ໄດ້ມີຂຶ້ນຫລັງຈາກກໍານົດເສ້ນຕາຍ 15 ມື້ ໄດ້ຜ່ານໄປແລ້ວ.
ຄະນະກໍາມາທິການດັ່ງກ່າວໄດ້ສະເໜີໃຫ້ຍຸບພັກປະຊາທິປັດ ຍ້ອນມີການກ່າວຫາວ່າ
ພັກດັ່ງກ່າວໃຊ້ຈ່າຍເງິນຫລວງໄປໃນທາງທີ່ຜິດໃນລະຫວ່າງການໂຄສະນາຫາສຽງ
ເລືອກຕັ້ງໃນປີ 2005 ນັ້ນ ຊຶ່ງເວລານັ້ນ ນາຍົກລັດຖະມົນຕີອະພິສິດເປັນຮອງຫົວໜ້າ
ພັກດັ່ງກ່າວ.
ທ່ານອະພິສິດໄດ້ກ່າວກ່ອນໜ້າສານອອກຄໍາຕັດສິນວ່າ ທ່ານຈະລາອອກຈາກຕໍາແໜ່ງ
ໃນທັນທີ ຖ້າຫາກສານຕັດສິນຕໍ່ຕ້ານທ່ານ.
ອະດີດນາຍົກລັດຖະມົນຕີໄທ 2 ຄົນກ່ອນ ຊຶ່ງເປັນພັນທະມິດກັບອະດີດນາຍົກລັດຖະ
ມົນຕີທັກສິນ ຊິນນະວັດ ທັງສອງຄົນນັ້ນໄດ້ຖືກບັງຄັບໃຫ້ລາອອກຈາກຕໍາແໜ່ງ ຍ້ອນ
ຄໍາຕັດສິນຂອງສານ. ພວກເສື້ອແດງທີ່ສະໜັບສະໜຸນຂອງທ່ານທັກສິນ ແລະມີຄວາມ
ໂມໂຫໂກດແຄ້ນນໍາຄໍາຕັດສິນເຫລົ່ານັ້ນ ໄດ້ພາກັນທໍາການປະທ້ວງຂຶ້ນຕາມຖະໜົນ
ຫົນທາງ ຊຶ່ງຍັງຜົນໃຫ້ມີຜູ້ເສຍຊີວິດ ໃນຕົ້ນປີນີ້.
