ລິ້ງ ສຳຫລັບເຂົ້າຫາ

ວັນພຸດ, ໑໗ ກໍລະກົດ ໒໐໒໔

ໜຸ່ມນ້ອຍໄທ ປະເຊີນກັບການຕິດຄຸກ ຍ້ອນຖືກ່າວຫາ ໃສ່ຮ້າຍປ້າຍສີກະສັດ


ພວກນັກເຄື່ອນໄຫວປະຊາທິປະໄຕ ຍົກສາມນີ້ວມື ທີ່ເປັນສັນຍາ ລັກຕ້ານ ໃນຂະນະທີ່ເດີນຂະບວນຢູ່ໃນບາງກອກ ປະເທດໄທ ວັນພຸດທີ 24 ມີນາ 2021.
ພວກນັກເຄື່ອນໄຫວປະຊາທິປະໄຕ ຍົກສາມນີ້ວມື ທີ່ເປັນສັນຍາ ລັກຕ້ານ ໃນຂະນະທີ່ເດີນຂະບວນຢູ່ໃນບາງກອກ ປະເທດໄທ ວັນພຸດທີ 24 ມີນາ 2021.

ຊາວໜຸ່ມໄທອາຍຸ 16 ປີ ຄົນນຶ່ງ ມີໂອກາດທີ່ຈະປະເຊີນໜ້າກັບການຕິດຄຸກ ຍ້ອນຖືກກ່າວຫາວ່າ ໝິ່ນປະໝາດກະສັດມະຫາວາຈີຣາລົງກອນໂດຍນຸ່ງເສື້ອ ຍືດໃນຂະນະທີ່ພວກຊາວໜຸ່ມໄທພາກັນປະທ້ວງສະໜັບສະໜູນປະຊາທິປະໄຕ ກຳລັງຖືກປາບປາມໂດຍກຳລັງທີ່ຈົງຮັກພັກດີຕໍ່ກະສັດ ດ້ວຍກົດໝາຍ
ຄຸ້ມຄອງກະສັດທີ່ເຄັ່ງຄັດ.

ກົດໝາຍໝິ່ນພະບໍລົມເດຊານຸພາບທີ່ຮູ້ກັນດີໃນຊື່ມາດຕາ “112” ຫຼັງຈາກມາດ ຕາຂອງ
ກົດໝາຍອາຍາໄທດັ່ງກ່າວມີໂທດຕິດຄຸກແຕ່ 3 ຫາ 15 ປີ ໃນແຕ່ລະ ຂໍ້ຫາຂອງການ
“ໃສ່ຮ້າຍປ້າຍສີ ໝິ່ນປະໝາດ ຫຼືຂົ່ມຂູ່” ຕໍ່ບັນດາຜູ້ສຳຄັນຢູ່ໃນ ພະຣາຊະວັງ ເພື່ອປົກປ້ອງ
ສະຖາບັນກະສັດທີ່ມີອິດທິພົນຂອງປະເທດຈາກການ ຕຳໜິຕິຕຽນ.

ກົດໝາຍໝິ່ນປະໝາດພະບໍລົມເດຊານຸພາບຂອງປະເທດ ໄດ້ຍື່ນຟ້ອງ ຕໍ່ພວກ ປະທ້ວງ
ຢ່າງໜ້ອຍ 71 ຄົນ ພ້ອມດ້ວຍຜູ້ນຳທີ່ສຳຄັນ 7 ຄົນ ໄດ້ຖືກປະຕິເສດ ບໍ່ໃຫ້ປະກັນໂຕ ໃນ
ຂະນະທີ່ພວກເຂົາເຈົ້າລໍຖ້າການດຳເນີນຄະດີ.

ຄວາມຜິດທີ່ຖືກກ່າວຫາຕໍ່ໜຸ່ມນ້ອຍ ຜູ້ທີ່ອົງການຂ່າວວີໂອເອ ບໍ່ໄດ້ເປີດເຜີຍ ໃນຂະນະ
ທີ່ລາວອາຍຸຍັງບໍ່ເຖິງກະສຽນ ເວລາລາວນຸ່ງເສື້ອຍຶດ ຢູ່ບ່ອນປະທ້ວງ ພ້ອມດ້ວຍປ້າຍຄຳ
ຂວັນຕໍ່ຕ້ານກະສັດທີ່ຂຽນໃສ່ຢູ່ທ້ອງຂອງລາວ.


ນັ້ນແມ່ນຖືວ່າເປັນການໝິ່ນປະໝາດຕໍ່ກະສັດ ຜູ້ທີ່ໄດ້ສະແດງໃຫ້ເຫັນຊໍ້າແລ້ວ ຊໍ້າອີກ
ຢູ່ສື່ມວນຊົນໃນຢູໂຣບ ນຸ່ງເສື້ອຍຶດ ໃນຂະນະທີ່ຢູ່ນອກປະເທດນັ້ນ.

ອ່ານຂ້າວນີ້ເພີ້ມເປັນພາສາອັງກິດ

XS
SM
MD
LG