ຫົວໜ້າສະພາປົກຄອງທະຫານຂອງໄທ ກ່າວວ່າ ທ່ານໄດ້ຮ້ອງ
ຂໍໄປຍັງກະສັດ ຂອງໄທ ເພື່ອຂໍອະນຸຍາດ ຍົກເລີກກົດໄອຍະ
ການເສິກ ທີ່ເລີ້ມມີຜົນບັງຄັບໃຊ້ ຫລັງຈາກການກໍ່ລັດຖະປະ
ຫານ ໃນປີແລ້ວນີ້.
ນາຍົກລັດຖະມົນຕີ ປຣະຍຸດ ຈັນໂອຊາ ໄດ້ກ່າວຕໍ່ບັນດານັກ
ຂ່າວ ໃນວັນອັງຄານມື້ນີ້ວ່າ ກະສັດ ພູມີພົນ ອະດຸນຍະເດດ
ຈະຕ້ອງຕັດສິນພະໄທວ່າ ຈະຍົກເລີກກົດໄອຍະການເສິກຫຼືບໍ່
ເຖິງແມ່ນບາດກ້າວນີ້ແມ່ນມອງກັນວ່າເພື່ອເປັນພິທີການທໍ່ນັ້ນ.
ກົດໄອຍະການເສິກ ໄດ້ມອບອຳນາດໃຫ້ແກ່ທະຫານຢ່າງກວ້າງຂວາງ ເພື່ອຄວບຄຸມ
ສິດເສລີພາບໃນການປາກເວົ້າ ປາບປາມການເປັນປໍລະປັກທາງການເມືອງ ແລະກີດ
ກັ້ນບໍ່ໃຫ້ມີການເຕົ້າໂຮມກັນກາຍຫ້າຄົນ.
ຜູ້ນຳທະຫານກ່າວວ່າ ກົດລະບຽບໃໝ່ ທີ່ຈະໃຊ້ແທນກົດໄອຍະການເສິກ ຈະອອກ “ໃນ
ບໍ່ຊ້ານີ້” ແລະຈະອີງຕາມມາດຕາ 44 ຂອງລັດຖະທຳມະນູນສະບັບຊົ່ວຄາວ ທີ່ຂະຫຍາຍອຳນາດ ໃຫ້ແກ່ພວກທະຫານນັ້ນ.
ນາຍົກລັດຖະມົນຕີ ກ່າວວ່າ ພະລາຊະດຳລັດສະບັບໃໝ່ນີ້ຍັງຈະອະນຸຍາດໃຫ້ ພົນລະ
ເຮືອນຖືກດຳເນີນຄະດີໂດຍສານທະຫານໄດ້.
ທະຫານໄດ້ເຂົ້າຍຶດເອົາອຳນາດໃນເດືອນພຶດສະພາ ຫລັງຈາກອະດີດນາຍົກລັດ ຖະມົນ
ຕີ ຍິ່ງລັກ ຊິນນະວັດ ທີ່ມີບັນຫາ ໄດ້ຖືກສານ ສັ່ງໃຫ້ປົກອອກຈາກຕຳແໜ່ງ. ມັນເປັນການ
ເຮັດລັດຖະປະຫານ ຄັ້ງທີ 12 ຂອງພວກທະຫການ ໃນ ຮອບ 80 ປີທີ່ຜ່ານມາ.
