ພວກປະທ້ວງຝ່າຍຄ້ານໃນໄທ ພວມໂຮມຊຸມນຸມກັນຢູ່ຂ້າງນອກຕຶກລັດຖະສະພາໃນບາງກອກ ເພື່ອສະແດງຄວາມບໍ່ພໍໃຈຕໍ່ຮ່າງກົດໝາຍ ທີ່ຈະໃຫ້ນິລະໂທດກໍາ ແກ່ພວກທີ່ມີສ່ວນພົວພັນຈຳ ນວນນຶ່ງ ໃນຄວາມຮຸນແຮງທາງດ້ານການເມືອງ ເມື່ອສອງສາມປີຜ່ານມານີ້.
ພວກປະທ້ວງຕໍ່ຕ້ານລັດຖະບານປະມານ 2 ພັນຄົນ ໄດ້ຖືກ
ຂັດຂວາງບໍ່ໃຫ້ເຂົ້າໄປໃນບໍລິເວນ ຕຶກລັດຖະສະພາໃນວັນພຸດ
ມື້ນີ້ໂດຍຕໍາຫຼວດປາບຈະລາຈົນທີ່ມີໄມ້ຄ້ອນເປັນອາວຸດ ຊຶ່ງໄດ້
ຕັ້ງສິ່ງກີດຂວາງ ອັນມີທັງແທ່ງຊີມັງແລະໜາມໝາກຈັບ ຢູ່ຂ້າງ
ນອກຕຶກລັດຖະສະພາ.
ຝູງຊົນຈຸນີ້ ແມ່ນຕໍ່ຕ້ານຮ່າງກົດໝາຍ ທີ່ກໍາລັງມີການອະພິປາຍກັນຢູ່ສະພາໃນຕອນບ່າຍ
ຂອງວັນພຸດມື້ນີ້ ທີ່ຈະຍົກເລີກຂໍ້ຫາຕ່າງໆຕໍ່ພວກປະປະທ້ວງທີ່ພົວພັນກັບການກໍ່ຄວາມຮຸນ
ແຮງທາງການເມືອງ ນັບຕັ້ງແຕ່ໄດ້ມີການກໍ່ລັດຖະປະຫານໂດຍພວກທະຫານໃນປີ 2006
ທີ່ໄດ້ໂຄ່ນລົ້ມອະດີດນາຍົກລັດຖະມົນຕີ ທັກສິນ ຊິນນະວັດ ນັ້ນ.
ບາງຄົນຢ້ານວ່າ ຮ່າງກົດໝາຍດັ່ງກ່າວນີ້ ໃນທີ່ສຸດຈະໃຫ້ນິລະໂທດແກ່ນາຍົກລັດຖະມົນຕີ
ທີ່ໄດ້ໂຕນໜີອອກນອກປະເທດ ຫຼັງຈາກຖືກຕັດສິນໂທດໃຫ້ຈໍາຄຸກເປັນເວລາ 2 ປີ ໃນຂໍ້ຫາ
ຂັດແຍ້ງ ທາງຜົນປະໂຫຍດນັ້ນ.
ນ້ອງສາວ ທ່ານທັກສິນ ທ່ານນາງຍິ່ງລັກ ຊິນນະວັດ ຜູ້ຊຶ່ງໃນປະຈຸບັນດໍາລົງຕໍາແໜ່ງເປັນ
ນາຍົກລັດຖະມົນຕີຂອງປະເທດ ແລະພັກລັດຖະບານ ຄືພັກເພື່ອໄທຂອງທ່ານນາງ ເປັນ
ຜູ້ສະເໜີຮ່າງກົດໝາຍສະບັບນີ້.
ໃນອາທິດນີ້ ອົງການສະຫະປະຊາຊາດໄດ້ຮຽກຮ້ອງໃຫ້ລັດຖະບານໄທຮັບປະກັນວ່າ
ການໃຫ້ອະໄພຍະໂທດໃດໆກໍຕາມ ຄວນຈະຍົກເວັ້ນ ພວກທີ່ຮັບຜິດຊອບຕໍ່ການກໍ່ຄວາມ
ຮຸນແຮງຊຶ່ງຮວມທັງພວກທີ່ມີສ່ວນພົວພັນ ໃນການກໍ່ກວນຄວາມຮຸນແຮງເມື່ອປີ 2010 ນໍາ
ທີ່ເຮັດໃຫ້ມີຜູ້ເສຍຊີວິດປະມານ 90 ຄົນນັ້ນ.
ພວກປະທ້ວງຕໍ່ຕ້ານລັດຖະບານປະມານ 2 ພັນຄົນ ໄດ້ຖືກ
ຂັດຂວາງບໍ່ໃຫ້ເຂົ້າໄປໃນບໍລິເວນ ຕຶກລັດຖະສະພາໃນວັນພຸດ
ມື້ນີ້ໂດຍຕໍາຫຼວດປາບຈະລາຈົນທີ່ມີໄມ້ຄ້ອນເປັນອາວຸດ ຊຶ່ງໄດ້
ຕັ້ງສິ່ງກີດຂວາງ ອັນມີທັງແທ່ງຊີມັງແລະໜາມໝາກຈັບ ຢູ່ຂ້າງ
ນອກຕຶກລັດຖະສະພາ.
ຝູງຊົນຈຸນີ້ ແມ່ນຕໍ່ຕ້ານຮ່າງກົດໝາຍ ທີ່ກໍາລັງມີການອະພິປາຍກັນຢູ່ສະພາໃນຕອນບ່າຍ
ຂອງວັນພຸດມື້ນີ້ ທີ່ຈະຍົກເລີກຂໍ້ຫາຕ່າງໆຕໍ່ພວກປະປະທ້ວງທີ່ພົວພັນກັບການກໍ່ຄວາມຮຸນ
ແຮງທາງການເມືອງ ນັບຕັ້ງແຕ່ໄດ້ມີການກໍ່ລັດຖະປະຫານໂດຍພວກທະຫານໃນປີ 2006
ທີ່ໄດ້ໂຄ່ນລົ້ມອະດີດນາຍົກລັດຖະມົນຕີ ທັກສິນ ຊິນນະວັດ ນັ້ນ.
ບາງຄົນຢ້ານວ່າ ຮ່າງກົດໝາຍດັ່ງກ່າວນີ້ ໃນທີ່ສຸດຈະໃຫ້ນິລະໂທດແກ່ນາຍົກລັດຖະມົນຕີ
ທີ່ໄດ້ໂຕນໜີອອກນອກປະເທດ ຫຼັງຈາກຖືກຕັດສິນໂທດໃຫ້ຈໍາຄຸກເປັນເວລາ 2 ປີ ໃນຂໍ້ຫາ
ຂັດແຍ້ງ ທາງຜົນປະໂຫຍດນັ້ນ.
ນ້ອງສາວ ທ່ານທັກສິນ ທ່ານນາງຍິ່ງລັກ ຊິນນະວັດ ຜູ້ຊຶ່ງໃນປະຈຸບັນດໍາລົງຕໍາແໜ່ງເປັນ
ນາຍົກລັດຖະມົນຕີຂອງປະເທດ ແລະພັກລັດຖະບານ ຄືພັກເພື່ອໄທຂອງທ່ານນາງ ເປັນ
ຜູ້ສະເໜີຮ່າງກົດໝາຍສະບັບນີ້.
ໃນອາທິດນີ້ ອົງການສະຫະປະຊາຊາດໄດ້ຮຽກຮ້ອງໃຫ້ລັດຖະບານໄທຮັບປະກັນວ່າ
ການໃຫ້ອະໄພຍະໂທດໃດໆກໍຕາມ ຄວນຈະຍົກເວັ້ນ ພວກທີ່ຮັບຜິດຊອບຕໍ່ການກໍ່ຄວາມ
ຮຸນແຮງຊຶ່ງຮວມທັງພວກທີ່ມີສ່ວນພົວພັນ ໃນການກໍ່ກວນຄວາມຮຸນແຮງເມື່ອປີ 2010 ນໍາ
ທີ່ເຮັດໃຫ້ມີຜູ້ເສຍຊີວິດປະມານ 90 ຄົນນັ້ນ.
