ລິ້ງ ສຳຫລັບເຂົ້າຫາ

​ຝ່າຍ​ຄ້ານໃນໄທ ຍັງສືບຕໍ່​ ປະ​ທ້ວງ​ ເພື່ອໂຄ່ນລົ້ມ ທ່ານນາງ ຢິ່ງລັກ ຊິນນະວັດ (ສະໄລດ໌)


ພວກປະທ້ວງຖືປ້າຍ ຕໍ່ຕ້ານລັດຖະບານ ໃນບາງກອກ
ພວກ​ປະ​ທ້ວງ​ຝ່າຍ​ຄ້ານ​ຂອງ​ໄທ ພາກັນ​ເດີນ​ຂະ​ບວນປະ​ທ້ວງ​
ໃນ​ເມືອງ​ຫຼວງ​ຂອງ​ປະ​ເທດ​ອີກໃນ​ວັນ​ພະຫັດ​ມື້​ນີ້ ໃນການ​ຮື້​ຟຶນ
​ຄືນໃໝ່ຄວາມພະຍາຍາມ ທີ່ຈະໂຄ່ນລົ້ມນາຍົກລັດຖະມຸນຕີ
ຢິ່ງລັກ ຊິນນະວັດ.

ມີພວກປະທ້ວງ ປະມານ 2 ພັນ 500 ​ເຂົ້າ​ປະກອບສ່ວນ
ຊຶ່ງ​ແມ່ນນ້ອຍກວ່າຄັ້ງກອ່ນໆ ກ່ອນທີ່ທ່ານນາງ ຢິ່ງລັກ
ປະກາດ​ຍຸບສະພາ​ແຫ່ງ​ຊາດແລະຮຽກໃຫ້ມີການເລືອກຕັ້ງ
ໃໝ່ ​ເພື່ອ​ຊ່ວຍ​ຜ່ອນຄາຍ​ວິ​ກິດ​ການ​ທາງ​ການ​ເມືອງຂອງ​
ປະ​ເທດ.

​ແຕ່ຝ່າຍ​ຄ້ານກ່າວ​ວ່າ ນັ້ນ​ຍັງ​ບໍ່​ພຽງພໍ. ຜູ້ປະ​ທ້ວງຄົນ​ນຶ່ງ ນາງ​ແກ້ວ​ພາ ທະ​ລັກ​ບໍາສຸກ​ ​
ກ່າວ​ວ່າ ລາວ​ມອງເບິ່ງລັດ​ຖະ​ບານ​ຊຸດປະຈຸ​ບັນ​ນີ້​ວ່າ ບໍ່​ຖືກຕ້ອງ​ຊອບ​ທໍາ ຊຶ່ງນາງ​ເວົ້າ​ວ່າ:

“​ເຖິງ​ແມ່ນ​ ທ່ານນາງ
ຢິ່ງລັກ ຈະໂຕ້​ແຍ້ງ​ວ່າ ທ່ານ​ນາງ​ໄດ້​ຖືກ​ເລືອກ​ຕັ້ງໂດຍ
ສຽງ​ສ່ວນ​ຫຼາຍກໍ​ຕາມ ​ແຕ່​ທ່ານ​ນາງກໍ​ຄວນ​ຈະ​ຟັງສຽງ​ຈາກ​ປະຊາຊົນ​ໃນ​
ຂະນະ​ນີ້. ​ຈະ​ມາ​ອ້າງ​ວ່າ ຖືກ​ເລືອກ​ຕັ້ງມາກໍ​ໄດ້ ແຕ່​ວ່າການ​ເລືອກ​ຕັ້ງ​ນັ້ນ
ບໍ່​ຖືກຕ້ອງ. ຜົນ​ອອກ​ມາ​ກໍ​ຄື ທ່ານ​ນາງບໍ່ໄດ້​ຖືກເລືອກ​ມາ​ຢ່າງຖືກຕ້ອງຄື​ກັນ.”



ພວກປະທ້ວງຕ້ອງການໃຫ້ທ່ານນາງ​ ຢິ່ງລັກ ​ມອບ​ໂອນອໍານາດ​ໃຫ້​ແກ່ ສະພາປະຊາຊົນ
​ທີ່​ຖືກ​ແຕ່ງ​ຕັ້ງ​ເອົາ. ພວກ​ເຂົາ​ເຈົ້າ​ກ່າວ​ວ່າ ທ່ານ​ນາງ​ເປັນ​ພຽງ​ແຕ່​ຫຸ່ນ​ເຊີດ ທີ່​ບົງ​ການໂດຍ
​ອ້າຍ​ຂອງ​ທ່ານ​ນາງ ກໍ​ຄື​ອະດີດ​ນາຍົກລັດຖະມົນຕີ ທັກສິນ ຊິນ​ນິວັດ ທີ່​ຖືກ​ໂຄ່ນ​ລົ້ມນັ້ນ.
ມີ​ຜູ້​ຄົນເຖິງ 2 ​ແສນ​ຄົນ ​ໄດ້​ໄປ​ໂຮມ​ຊຸມນຸມ​ກັບ​ກຸ່ມຝ່າຍ​ຄ້ານ ​ໃນ​ການ​ປະ​ທ້ວງ​ບາງ​ຄັ້ງ
​ທີ່​ຜ່ານ​ມາ ຊຶ່ງໃນ​ບາງ​ຄັ້ງ​ນັ້ນ ພວກ​ນັກ​ເຄື່ອນ​ໄຫວ​ໄດ້ເຂົ້າ​ຍຶດ​ເອົາ​ກະຊວງ​ແລະ​ຕຶກ​ອາ
ຄານລັດຖະບານ​ຫຼາຍ​ຫຼັງ.

ການ​ເດີນ​ຂະ​ບວນປະ​ທ້ວງ​ໄດ້​ເລີ່​ມຂຶ້ນ​ໃນ​ທ້າຍ​ເດືອນ​ຕຸລາ ​ໃນ​ການ​ຕອບ​ໂຕ້​ຕໍ່ຮ່າງກົດ
ໝາຍ​ສະບັບ​ນຶ່ງ ທີ່​ລັດຖະບານ​ຢື່ນສະ​ເໜີ​ຕໍ່​ສະພາ ​ທີ່​ຈະ​ອະນຸຍາດ​ໃຫ້​ທ່ານ​ທັກສິນ ກັບ​
ຄືນ​ເມືອບ້ານ​ເກີດ​ເມືອງ​ນອນ​ໄດ້ ຈາກ​ການ​ລີ້​ໄພ​ຢູ່​ໃນ​ຕ່າງປະ​ເທດ ແລະ​ຫຼີກ​ລ່ຽງຈາກ​
ການ​ຕິດຄຸກ​ ​ໃນ​ຄະດີ​ສໍ້​ລາດບັງ​ຫຼວງ​ນັ້ນ.



XS
SM
MD
LG