ນາຍົກລັດຖະມົນຕີ ໄທ ແລະ ມາເລເຊຍ ພາກັນໃຫ້ຄໍາໝັ້ນສັນຍາຕໍ່ກັນວ່າ ຈະລົງເລິກ
ດໍາເນີນການຮ່ວມມືເພື່ອກວດລ້າງການກໍ່ກະບົດໃນລະດັບທີ່ບໍ່ຮຸນແຮງ ໃນບໍລິເວນຊາຍ
ແດນຊຶ່ງປະຊາຊົນສ່ວນໃຫຍ່ເປັນຊາວມຸສລິມນັ້ນ ທີ່ແບ່ງປະເທດທັງສອງອອກຈາກກັນ.
ການປະກາດດັ່ງກ່າວໄດ້ມີຂຶ້ນໃນກອງປະຊຸມໃນວັນຈັນວານນີ້ ຢູ່ນອກນະຄອນຫລວງ
ກົວລາລໍາເປີຣ ລະຫວ່າງນາຍົກລັດຖະມົນຕີໄທ ທ່ານນາງຍິ່ງລັກ ຊິນນະວັດ ແລະ ນາຍົກ
ລັດຖະມົນຕີມາເລເຊຍ ທ່ານ Najib Razak. ປະເທດທັງສອງຕ່າງກໍເປັນພາຄີຂອງປະຊຸມ
ວ່າດ້ວຍຄວາມໝັ້ນຄົງພູມີພາກອາຊ່ຽນຊຶ່ງເປັນສະມາຄົມຂອງບັນດາປະຊາຊາດ ໃນເຂດ
ເອເຊຍຕາເວັນອອສຽງໃຕ້ ຊຶ່ງໄດ້ຮຽກຮ້ອງໃຫ້ກຸ່ມແບ່ງແຍກດິນແດນມຸສລິມ ປະຕິເສດຕໍ່
ການໃຊ້ຄວາມຮຸນແຮງແລະການເມືອງຫົວຮຸນ ແຮງຈັດ ໃນເຂດພາກໃຕ້ຂອງປະເທດໄທ.
ທ່ານນາງຍິ່ງລັກ ໃນການເດີນທາງໄປຢ້ຽມຢາມ ປະເທດມາເລເຊຍທີ່ປະຊາຊົນສ່ວນໃຫຍ່
ນັບຖືສາສະໜາອິສລາມເປັນຄັ້ງທຳອິດ ໃນຖານະນາຍົກລັດຖະມົນຕີນັ້ນໄດ້ຍ້ອງຍໍສັນລະ
ເສີນການຊ່ອຍເຫຼືອຊຶ່ງກັນແລະ ກັນວ່າເປັນສິ່ງທີ່ຈຳເປັນຕໍ່ຄວາມສະຫງົບຢູ່ໃນຂົງເຂດ.
ການຢ້ຽມຢາມເປັນເວລາມື້ນຶ່ງຂອງທ່ານນາງຍິ່ງລັກ ໃນຂະນະດຽວກັນກັບເຈົາໜ້າທີ່ໄທ
ກໍາລັງສືບສວນການວາງລະເບີດໃນບາງກອກ ທີ່ບໍ່ເປັນຜົນສໍາເລັດ ຊຶ່ງພົວພັນກັບຜູ້ຕ້ອງ
ສົງໄສຄົນອີຣ່ານ ແລະນັກການທູດອິສຣາແອນ ຊຶ່ງເປັນເປົ້າໝາຍຂອງການໂຈມຕີນັ້ນ
ອາທິດແລ້ວນີ້ ຜູ້ຕ້ອງສົງໄສຄົນນຶ່ງໃນຈໍານວນສອງຄົນທີ່ວາງລະເບີດໄດ້ເອົາຕົວຫລົບ
ໜີຈາກບາງກອກ ໄປຍັງມາເລເຊຍ ແລະໄດ້ຖືກຈັບ. ເຈົ້າໜ້າທີ່ມາເລເຊຍໄດ້ໃຫ້ຄຳໝັ້ນ
ສັນຍາວ່າຈະໃຫ້ການຮ່ວມມືຢ່າງສຸດຂີດກັບບາງກອກໃນການພິສູດຫາຫລັກຖານ
ແຕ່ວ່າເຈົ້າໜ້າທີ່ມາເລເຊຍຍັງສືບຕໍ່ກັກຂັງຜູ້ຕ້ອງຫາໃນຂະນະທີ່ສອບສວບຄະດີດັ່ງກ່າວ
ຜູ້ຕ້ອງຫາຄົນທີ່ສອງໄດ້ຖືກກັກຂັງໄວ້ຢູ່ທີ່ໄທ.