ລິ້ງ ສຳຫລັບເຂົ້າຫາ

ວັນອັງຄານ, ໒໗ ກຸມພາ ໒໐໒໔

ນາຍົກລັດຖະມົນຕີໄທ ຈະຢ້ຽມຢາມ ທຳນຽບຂາວ ໃນເດືອນກໍລະກົດນີ້


ນາຍົກລັດຖະມົນຕີໄທ, ທ່ານປຣະຍຸດ ສັນໂອຊາ ຖະແຫລງ ໃນກອງປະຊຸມນັກຂ່າວ ໃນໂອກາດຄົບຮອບສາມປີ ທີ່ມີການລັດຖະປະຫານຢູ່ນະຄອນບາງກອກຂອງໄທ ໃນໃນທີ 23 ພຶດສະພາ 2017
ນາຍົກລັດຖະມົນຕີໄທ, ທ່ານປຣະຍຸດ ສັນໂອຊາ ຖະແຫລງ ໃນກອງປະຊຸມນັກຂ່າວ ໃນໂອກາດຄົບຮອບສາມປີ ທີ່ມີການລັດຖະປະຫານຢູ່ນະຄອນບາງກອກຂອງໄທ ໃນໃນທີ 23 ພຶດສະພາ 2017

ໂຄສົກ​ຂອງ​ລັດຖະບານ​ໄທ​ໄດ້​ກ່າວ​ໃນ​ວັນ​ຈັນ​ທີ່ຜ່ານ​ມາວ່າ ຜູ້ນຳ​ທະຫານ​ໄທ ນາຍົກ
ລັດຖະມົນຕີ ປຣະຍຸດ ຈັນ​ໂອຊາ ຈະມາ​ຢ້ຽມຢາມ​ທຳນຽບຂາວ​ໃນ​ເດືອນມິຖຸນາ ພາຍ
ຫລັງໄດ້ຮັບການ​ເຊື້ອ​ເຊີນ​ຈາກປະທານາ ທິບໍດີ​ສະຫະລັດ ທ່ານ​ດໍໂນ​ລ ທຣໍາ.

ສະຫະລັດ​ໄດ້ໂຈະ​ການ​ສົນທະນາທາງ​ຍຸດ​ທະ​ສາດ​ຂັ້ນ​ສູງ ​ແລະ​ຫລຸດ​ລະດັບ​ການ​ຮ່ວມ
ຊ້ອມ​ລົບທາງ​ທະຫານ ທີ່​ໄດ້​ນຳພາ​ໂດຍ ທ່ານ​ປຣະຍຸດ ພາຍຫລັງທີ່ມີ​ການໂຄນ​ລົ້ມ ​
ລັດຖະບານ​ພົນ​ລະ​ເຮືອນ ທີ່ໄດ້ມາຈາກ​ການ​ເລືອກ​ຕັ້ງ​ໃນ​ປີ 2014 ນັ້ນ.

ການ​ເຊື້ອ​ເຊີນ​ອະດີດ​ຫົວໜ້າ​ທະ​ຫານ ອາດ​ເປັນ​ສັນ​ຍານບອກໃຫ້ຮູ້ວ່າ ສະຫະລັດ ໄດ້​
ເອົາບາ​ດກ້າວນຶ່ງ ​ໄປ​ສູ່​ການ​ສ້າງ​ສຳພັນ​ການ​ທູດຢ່າງເປັນ​ປົກກະຕິ​ກັບປະ​ເທດ​ໄທ ທີ່​
ເປັນ​ພັນທະ​ມິດ​ເກົ່າ​ແກ່​ທີ່​ສຸດ​ໃນ​ເອ​ເຊຍຂອງຕົນນັ້ນ.

ວໍ​ຊິງ​ຕັນ​ໄດ້​ຊອກ​ຫາ​ການ​ຮ່​ວມມື​ກັບຄູ່​ຕຳ​ແໜ່​ງ​ໃນ​ເອ​ເຊຍ ​ເພື່ອທໍາການ​ກົດ​ດັນ​ເກົາຫລີ​
ເໜືອ ກ່ຽວ​ກັບ​ນິວ​ເຄລຍ ​ແລະ​ບັນດາໂຄ​ງການ​ລູກ​ສອນ​ໄຟຂີປະນາວຸດ ​ແລະຕ້ານກັບ
​ຄວາມ​ກະຕືລື​ລົ້ນ​ຂອງຈີນ ຢູ່ໃນເຂດ​ນ່ານນໍ້າ​ທີ່ມີການຜິດ​ຖຽງ​ກັນ​ໃນ​ທະ​ເລ​ຈີນ​ໃຕ້ນັ້ນ.

ໂຄສົກ​ລັດຖະບານ​ໄທ ທ່ານ Weerachon Sukondhapatipak ກ່າວ​ຕໍ່​ບັນດາ​ນັກ​ຂ່າວ
ວ່າ ການ​ພົບປະກັນ​ຈະ​ກວາມ​ເອົາ “ການຄ້າຂາຍ, ການ​ລົງທຶນ, ການ​ຄ້າ ​ແລະ​ການປ້ອງ
ກັນຄວາມສະຫງົບ ຮວມທັງ​ບັນຫາ​ຄວາມປອດ​ໄພ​ຕ່າງໆ ​ເຊັ່ນ​ວ່າ ການຄ້າ​ມະນຸດ
ອີກດ້ວຍ.”

ທ່ານ​ກ່າວ​ວ່າ ທັງ​ສອງ​ລັດຖະບານ​ພະຍາຍາມປ່ຽນແປງເວລາຂອງ​ການ​ຢ້ຽມຢາມດັ່ງ
ກ່າວທີ່ຈະມີຂຶ້ນ​ໃນ​ທ້າຍ​ເດືອນ​ກໍລະກົດ​ຈະ​ມາ​ເຖິງ​ນີ້ ​ແຕ່​ວ່າ ຍັງບໍ່ມີການກໍານົດ​ວັນ​ເວລາຢ່າງແນ່ນອນເທື່ອ.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG