ທ່ານ ວິດທະວັດ ສີວິຫົກ ເອກອັກຄະລັດຖະທູດໄທປະຈໍານະຄອນວຽງຈັນ ໄດ້ໃຫ້ການຢືນ
ຢັນວ່າ ການຮ່ວມມືລະຫວ່າງໄທກັບລາວໃນໄລຍະຕໍ່ໄປນີ້ ລັດຖະບານໄທຈະໃຫ້ຄວາມສໍາ
ຄັນເປັນພິເສດໃນ 3 ດ້ານດ້ວຍກັນ ກໍຄື ການພັດທະນາດ້ານຖາວອນວັດຖຸ, ການພັດທະ
ນາສັງຄົມ-ວັດທະນະທໍາ ແລະການພັດທະນາຊັບພະຍາກອນມະນຸດ. ໃນດ້ານການພັດ
ທະນາຊັບພະຍາກອນມະນຸດນັ້ນ ລັດຖະບານໄທໄດ້ກໍານົດແຜນການໄວ້ຢ່າງຄັກແນ່ແລ້ວ
ວ່າຈະໃຫ້ການຊ່ວຍເຫລືອແກ່ລັດຖະບານລາວຫລາຍຂຶ້ນເປັນກໍລະນີພິເສດ.
ທັງນີ້ເນື່ອງຈາກວ່າເປັນພາກສ່ວນທີ່ລັດຖະບານລາວມີຄວາມຕ້ອງການທີ່ຈະພັດທະນາຢ່າງຮີບດ່ວນທີ່ສຸດ ໂດຍນອກຈາກຈະມີເປົ້າໝາຍເພື່ອລົດຊ່ອງວ່າງຂອງລະດັບການພັດທະນາລະຫວ່າງໄປກັບລາວແລ້ວກໍຍັງແນໃສ່ ເປົ້າໝາຍຂອງການພັດທະນາໄປສູ່ປະຊາຄົມນານາຊາດອັນນຶ່ງອັນດຽວກັນລະຫວ່າງປະເທດສະມາຊິກ ໃນກຸ່ມອາຊ່ຽນໃຫ້ໄດ້ຢ່າງແທ້ຈິງພາຍໃນປີ 2015 ອີກດ້ວຍ.
ໂດຍສໍາລັບຮູບແບບແລະວິທີການທີ່ລັດຖະບານໄທຈະເນັ້ນໜັກເປັນພິເສດໃນການໃຫ້ການ ຊ່ວຍເຫລືອແກ່ລັດຖະບານລາວນັ້ນ ທ່ານ ວິດທະວັດ ກໍໄດ້ໃຫ້ການຊີ້ແຈງໃນຕອນນຶ່ງວ່າ:
“ທຶນການສຶກສາທັງໃນລະດັບປະລິນຍາຕີໂທເອກນີ້ ກໍຈະເລັ່ງລັດໃຫ້ຫລາຍຂຶ້ນ ໂດຍປັດຈຸບັນເຮົາມີຄວາມສໍາພັນລະຫວ່າງສະຖາບບັນການສຶກສາໃນປະເທດໄທກັບມະຫາວິດທະຍາໄລຕ່າງໆໃນລາວທີ່ມີຢູ່ 5 ແຫ່ງນີ້ຫລາຍສົມຄວນ ເຮົາກໍຢາກສົ່ງເສີມໃຫ້ມີການແລກປ່ຽນຄວາມຮູ້ ໃຫ້ມີການເຝິກອົບຮົມທັງໃນຂະແໜງວິຊາຊີບ ແລະ ໃນລະດັບປະລິນຍາດ້ວຍ”
ໃນໄລະຍະກວ່າ 15 ປີທີ່ຜ່ານມາ ກໍຄືນັບຕັ້ງແຕ່ທີ່ໄດ້ມີການສ້າງຕັ້ງຄະນະກໍາມາທິການຮ່ວມລະຫວ່າງລາວ ກັບໄທຂຶ້ນມາຢ່າງເປັນທາງການນັ້ນ ລັດຖະບານໄທໄດ້ໃຫ້ການຊ່ວຍເຫລືອດ້ວຍການໃຫ້ທືນການສຶກສາຕໍ່ໃນ ລະດັບປະລິນຍາຕີ ປະລິນຍາໂທ ແລະປະລິນຍາເອກແກ່ພະນັກງານຂອງລັດຖະບານລາວໂດຍສະເລ່ຍປີລະ 200 ທຶນ ຊຶ່ງຍັງບໍ່ທັນລວມໄປເຖິງທຶນເບິ່ງງານແລະເຝິກອົບຮົມລະຍະສັ້ນອີກ 1,000 ກວ່າຄົນໃນແຕ່ລະປີ ຫາກແຕ່ວ່າສໍາລັບໃນໄລຍະໃໝ່ນີ້ລັດຖະບານຈະເພີ່ມການຊ່ວຍເຫລືອເປັນ 2-3 ເທົ່າ ຊຶ່ງຈະເຮັດໃຫ້ມີພະນັກງານຂອງລັດຖະບານລາວ 400 ຄົນເປັນຢ່າງນ້ອຍທີ່ຈະໄດ້ຮັບທຶນການສຶກສາຕໍ່ໃນໄທແຕ່ລະປີແລະອີກຫລາຍກວ່າ 15,000 ຄົນທີ່ຈະໄດ້ທຶນເບິ່ງງານແລະເຝິກອົບຮົມລະຍະສັ້ນໃນໄລຍະ 5 ປີຕໍ່ໄປນີ້.
ທາງດ້ານລັດຖະບານລາວນັ້ນ ກໍໄດ້ວາງແຜນການໄວ້ວ່າ ການພັດທະນາຊັບພະຍາກອນມະນຸດໃນລາວ ຈະໄດ້ຮັບການສະໜັບສະໜຸນທາງດ້ານງົບປະມານລາຍຈ່າຍຫລາຍຂຶ້ນຢ່າງຕໍ່ເນື່ອງໃນຕະຫລອດໄລຍະແຜນການ 5 ປີ ຕໍ່ໄປນີ້ກໍຄືໃນຊ່ວງປີ 2011-2015 ຊຶ່ງກໍຖືວ່າເປັນແຜນການພັດທະນາໄລຍະ 5 ປີ ຄັ້ງທີ່ 7 ຂອງລັດຖະບານລາວ ໂດຍສະເພາະແມ່ນໃນດ້ານການພັດທະນາການສຶກສາແຫ່ງຊາດນັ້ນ ລັດຖະບານລາຍກໍໄດ້ຕັ້ງເປົ້າໝາຍທີ່ຈະເພີ່ມການສະໜັບສະໜຸນທາງດ້ານງົບປະມານໃຫ້ໄດ້ລະຫວ່າງ 18-20% ຂອງງົບປະມານລາຍຈ່າຍທັງໝົດໃນແຕ່ລະປີໃນຕະຫລອດໄລຍະແຜນການ 5 ປີດັ່ງກ່າວ.
ໃນປັດຈຸບັນນີ້ ການພັດທະນາຊັບພະຍາກອນມະນຸດໃນລາວຍັງຖືວ່າມີລະດັບການພັດທະ
ນາທີ່ແຕກໂຕນ ກັບປະເທດສະມາຊິກເກົ່າຂອງອາຊ່ຽນຢ່າງຫລວງຫລາຍ ຊຶ່ງກໍຈະເຫັນ
ໄດ້ຢ່າງແຈ້ງຂາວຈາກການທີ່ລາວ ໄດ້ສົ່ງບຸກຄະລາກອນເຂົ້າຮ່ວມແຂ່ງຂັນຝີມືແຮງງານ
ຂອງອາຊຽນນັບແຕ່ປີ 1999 ເປັນຕົ້ນມານັ້ນກໍປາກົດວ່າແຮງງານ ມີຝີມືຂອງລາວຍັງບໍ່ສາ
ມາດຍາດຫລຽນລາງວັນຈາກການແຂ່ງຂັນໄດ້ເລີຍ. ສ່ວນໃນທ້າຍປີນີ້ລັດຖະບານໄທກໍຈະ
ເປັນເຈົ້າພາບຈັດການແຂ່ງຂັນຄັ້ງທີ່ 8 ຊຶ່ງທາງການລາວກໍຈະສົ່ງບຸກຄະລາກອນເຂົ້າຮ່ວມ
ແຂ່ງຂັນດ້ວຍໃນ 7 ສາຂາຈາກທີ່ມີການແຂ່ງຂັນທັງໝົດ 21 ສາຂາວິຊາ.
