ລິ້ງ ສຳຫລັບເຂົ້າຫາ

logo-print

ຄະດີທຳລາຍຊື່ສຽງ ຢູ່ໄທ ເບິ່ງ​ກັນ​ວ່າ ເປັນການທົດສອບ ສິດ​ເສ​ລີ​ພາບ ຂອງ ສື່ມວນ​ຊົນ


ທ່ານ Alan Morison (ຂວາ) ບັນນາທິການ ຂອງແວັບໄຊຕ໌ Phuketwan ແລະເພື່ອນຮວມງານ ນາງ Chutima Sidasathien ກຳລັງກ່າວຕໍ່ບັນດານັກຂ່າວ.

ໃນ​ປະ​ເທດ​ໄທ ຄະ​ດີທຳລາຍ​ຊື່​ສຽງ ​ໄດ້​ຍື່ນຟ້ອງ​ໂດຍກອງທັບ
​ເຮືອ​ລາຊະ​ອານາຈັກ​ໄທ ຕໍ່ຜູ້ພິມ​ເຜີ​ຍ​ແຜ່ອອສ​ເຕຣ​ເລຍ ​ແລະ
​ນັກ​ຂ່າວ​ໄທ ​ອີກ​ຄັ້ງ​ນຶ່ງ​ ແມ່ນ ໄດ້ເນັ້ນຢ້ຳໃຫ້ເຫັນ ເຖິງການຈຳ
ກັດຮັດແຄບຂອງລັດຖະບານ​ທະຫານ ຕໍ່ສື່​ມວນ​ຊົນ. Ron
Corben ນັກ​ຂ່າ​ວວີ​ໂອ​ເອມີລາຍ​ງານ​ຈາກ​ບາງກອກຊຶ່ງ​
ກິ່ງສະຫວັນ ຈະ​ນຳ​ເລື້ອງ​ນີ້​ ມາສະ​ເໜີ​ທ່ານ.

ນັກ​ພິມ​ເຜີ​ຍ​ແຜ່ ຊາວ​ອອສເຕຣຍ​ເລຍ ທ່ານ Alan Morison ​ແລະ
​ນັກ​ຂ່າວ​ໄທ ນາງ Chutina Sidasathian ປະ​ເຊີນ​ໜ້າ​ກັບ​ການ
​ຖືກຕິດ​ຄຸກ​ເຈັດ​ປີ ​ໃນ​ຂໍ້​ກ່າວ​ຫາພົວພັນກັບການລາຍ​ງານ​ຂ່າວ​ເມື່ອ
ເດືອນມິຖຸນາ ປີ 2013 ທີ່​ໄດ້​ພິມເຜີຍ​ແຜ່ທາງອິນເຕີແນັດໂດຍແວັບ
​ໄຊ​ຕ໌ “Phuketwan.”

​ເລື້ອງ​ທີ່​ພິມເຜີ​ຍ​ແຜ່ ​ແມ່ນ​ຄັດມາ​ຈາກລາຍ​ງານຂອງອົງການ​ຂ່າວຣອຍ​ເຕີ ທີ່ໄດ້​ເປີດເຜີຍ​
ເຖິງເຄືອຂ່າຍການ​ລັກລອບ​ຊາວ​ໂຣງຮິງ​ຢາ​ມຸສລິ​ມ ຈາກ​ມຽນມາ ຜ່ານ​ປະ​ເທດ​ໄທ.

ລາຍ​ງານ​ໃນຂັ້ນຕົ້ນ​ໄດ້​ກ່າວ​ຫາ “ກອງທັບ​ເຮືອ​ໄທ” ວ່າ ​ໄດ້​ຜົນ​ກຳ​ໄລ​ຈາກ​ການ​ລັກລອບ
​ຄ້າມະນຸດ ​ແຕ່ Phuketwan ກ່າວ​ວ່າ ນີ້​ບໍ່​ໄດ້​ອ້າງອີງໂດ​ຍກົງ​ຕໍ່ກອງທັບເຮືອ​ລາຊະ​ອາ
ນ​າຈັກ​ໄທ.

ທັງ​ສອງ​ທ່ານ​ໄດ້​ໄປປາກົດ​ໂຕ​ຢູ່​ທີ່​ສານ​ໃນອາທິດແລ້ວ​ນີ້ ​ເພື່ອ​ປະ​ເຊີນ​ໜ້າ​ກັບ​ການ​ກ່າວ
​ຫາທາງອາຍາໃນການ​ທຳລາຍ​ຊື່​ສຽງ. ອົງການ​ຂ່າວຣອຍ​ເຕີຊຶ່ງ​ມີບັນ ດາ​ນັກ​ຂ່າວຢູ່​ໃນ​
ປ​ະ​ເທດ​ໄທ ​ໄດ້​ຮັບລາງວັນ Pulitzer ຕໍ່​ການ​ລາຍ​ງານຂອງ​ເຂົາ​ເຈົ້າ ກ່ຽວ​ກັບຊາວໂຣຮິງ​
ຢາ​ໃນ​ປີ​ນັ້ນ ​ບໍ່​ໄດ້​ປະ​ເຊີນ​ໜ້າ​ກັບ​ການຖືກ​ກ່າວ​ຫາ​ແຕ່​ຢ່າງ​ໃດ.

ພວກ​ນັກ​ຂ່າວໄດ້​ຮັບການ​ສະໜັບສະໜູນ​ຢ່າງ​ກວ້າງຂວາງຈາກນາໆ​ຊາດຈາກ​ບັນດາ​ກຸ່ມ​
ປົກປ້ອງສິດທິ​ມະນຸດ ​ແລະ​ສື່​ມວນ​ຊົນ ພ້ອມ​ດ້ວຍສະຫະ​ປ​ະຊາ​ຊາດ ທີ່ທ່ານ Morison
​ໄດ້​ສະແດງການຕ້ອນຮັບເປັນ​ຢ່າງ​ດີນັ້ນ.

ຊາວອົບພະຍົບໂຣຮິງຢາ ຈຳນວນໜຶ່ງກຳລັງຢູ່ໃນຄວາມດິ້ນລົນ ໃນຂະນະທີ ກອງທັບເຮືືອໄທ ແກ່ເຮືອເຂົາເຈົ້າອອກສູ່ທະເລ
ຊາວອົບພະຍົບໂຣຮິງຢາ ຈຳນວນໜຶ່ງກຳລັງຢູ່ໃນຄວາມດິ້ນລົນ ໃນຂະນະທີ ກອງທັບເຮືືອໄທ ແກ່ເຮືອເຂົາເຈົ້າອອກສູ່ທະເລ

ທ່ານ Alan Morison ກ່າວ​ວ່າ “ມັນ​ເພິງ​ພໍ​ໃຈ​ທີ່ຮູ້​ວ່າ ຫລາ​ຍຄົນ​ໄດ້​ໃຫ້ການ​ສະໜັບ
ສະໜູນ ​ຕໍ່ຄວາມຄິດກ່ຽວກັບສິດເສລີພາບ ​ຂອງ​ສື່ມວນຊົນ ​ແລະ​ເສລີພາບໃນ​ການ
ສະ​ແດງ​ຄວາມຄິດຄວາມເຫັນ. ມັນ​ເປັນ​ປາກົດການທີ່ສຳຄັນ ໃນ​ຫລາຍ​ທາງ ​ເພາະ
ວ່າ ບັນ​ຫາ​ຊາວ​ໂຣຮິ​ງຢາ ​ແມ່ນເປັນ​ທີ່​ແຈ້ງຂາວ ​ແລະ​ເຊັ່ນ ດຽວ​ກັບ​ບັນຫາ​ຂອງ

ຄວາມຈຳເປັນໃນການມີ​ສື່​ມວນ​ຊົນ​ມີເສລີແລະ​ປະຊາທິປະ​ໄຕ.”

Phuketwan ​ໄດ້ລາຍ​ງານ​ກ່ຽວ​ກັບ​ການ​ຄ້າ​ມະນຸດມາ​ເປັນ​ເວລາ​ດົນ​ນານແລ້ວ. ​ໃນ​ເດືອນ
​ພຶດສະພາ​ປີ​ນີ້ ປະ​ເທດ​ໄທ ​ໃນ​ທີ່​ສຸດ ກໍ​ໄດ້​ເລີ້ມ​ທັບ​ມ້າງ ທີ່ນຳພາ​ໄປ​ສູ່​ການ​ຈັບ​ກຸມ​ຫລາຍ
​ສິບ​ຄົນ ຫລັງ​ຈາກ​ໄດ້ຄົ້ນພົບຂຸມ​ຝັງ​ສົບຂະໜາ​ດ​ໃຫຍ່ ​ຂອງ​ຊາວ​ມຸສລິ​ມໂຣຮິງ​ຢາ ທີ່​ມີເຖິງ
200 ຄົນ​ ຢູ່​ໃນ​ພາກໃຕ້​ຂອງປະ​ເທດ​ໄທ ​ແລະ​ປະ​ເທດມາ​ເລ​ເ​ຊຍທີ່ເປັນເພື່ອນ​ບ້ານ.

ບັນດາ​ນັກ​ຂ່າວຂອງ Phuketwan ​ໃນ​ເບື້ອງຕົ້ນ​ ໄດ້​ປະ​ຕິ​ເສດ​ ຕໍ່​ການສະ​ເໜີ​ໂດຍກອງ​
ທັບ​ເຮືອລາຊະອານາຈັກ​ໄທ ​ໃຫ້ຂໍ​ຂະມາ​ໂທດ​ຢ່າງ​ເປີດ​ເຜີຍ ​ແລະ​ກອງທັບ​ເຮືອ​ຈະ​ຍົກ
​ເລີກ​ການ​ກ່າວ​ຫາ. ບັນດາ​ນັກ​ຂ່າວ​ກ່າວ​ວ່າ ​ເຂົາ​ເຈົ້າ​ບໍ່​ເຫັນ​ມີຄວາ​ມຈຳ​ເປັນ​ໃນ​ການ​ຂໍ​ຂະ
​ມາໂທດ ກ່ຽວກັບ​ການ​ປະ​ຕິ​ບັດວຽກ​ງານ​ຂອງເຂົາ​ເຈົ້າ.

ທ່ານ Benjamin Zawacki ນັກເຄື່ອນໄຫວເພື່ອ​ສິດທິ​ມະນຸດ​ ​ແລະ​ແຂກທີ່ໄດ້ ຮັບເຊີນ
ໃຫ້ໄປ​ຢ້ຽມຢາມ​ສະຖານບັດກົດໝາຍຂອງມະຫາວິທະຍາໄລ Havard ກ່າວ​ວ່າ ຄະດີ
ດັ່ງກ່າວນີ້​ເປັນ​ການ​ທົດສອບ​ກ່ຽວກັບ​ເສລີພາບ​ໃນດ້ານສື່ມວນຊົນ ​ແຕ່​ກໍຍັງ​ເປັນ​ການ​ທົດ
​ສອບ​ໃນຄວາມ​ພະຍາຍາມຂອງລັດຖະບານ​ທະຫານທີ່​ຢາກ ເຫັນ​ຄະດີນີ້ໄດ້ຮັບການ​ແກ້
​ໄຂ​ຢ່າງ​ເຕັມທີ່.

ທ່ານ Benjamin Zawacki ກ່າວ​ວ່າ “ຂ້າ​ພະ​ເຈົ້າ​ບໍ່ເຫັນ​ວ່າ​ເຂົາ​ເຈົ້າຈະ​ຖືກ​ຕິ​ດ ຄຸກ ​ແລະ​ບໍ່​ເຫັນ​ວ່າ ​ເຂົາ​ເຈົ້າ​ຈະ​ຂໍ​ຂະມາ​ໂທດເຊັ່ນ​ກັນ ​ເພາະສະ​ນັ້ນ ທ່ານຈະເຫັນ
ເທັກ​ນິກການແກ້ໄຂດ້ານ​ກົດໝາຍ ​ໂດຍໃຫ້ຍົກເລີກຄະດີ ຫລື​ທ່ານ​ຈະເຫັນການ
ຕັດສິນ​ລົງ​ໂທດ ​ແລະ​ໃຫ້​ເຂົ້າເຈົ້າ​ໄດ້ຮັບການອະໄພ ຫລື​ຖືກ​ປັບ​ໃໝ​ເລັກ​ນ້ອຍ ​
ແລະ
ຝາກໂທດ ຫລື​ແມ່ນຫຍັງໃນທຳນອງນັ້ນ ນີ້ຄື​ຄວາມ​ຄາດໝາຍ​ຂອງຂ້າພະ​ເຈົ້າ.”

​ໃນ​ຂະນະ​ ທີ່ໝາຍກຳນົດການດຳເນີນຄະດີ ​ແລະ​ການ​ຮັບ​ຟັງຄຳໃຫ້ການຂອງຈຳເລີຍ
ໄດ້ມີຂຶ້ນ​ໃນ​ອາທິດແລ້ວ​ນີ້ ແຕ່ການ​ຕັດສິນຄະດີຂັ້ນ​ສຸດ​ທ້າຍຍັງບໍ່ທັນມີຂຶ້ນ ເທື່ອຈົນ​ກວ່າ
ກາງ​ເດືອນ​ສິງຫາຈະ​ມາ​ເຖິງ​ນີ້.

ທ່ານ Kingsley Abbott ທີ່​ປຶກສາ​ດ້ານ​ກົດໝາຍ ​ແກ່ຄະນະ​ກຳມະການ​ຕຸລາ ການສາກົນ
ກ່າວ​ວ່າ ລັດຖະບານ​ໄທ​ຄວນແຍກໄວ້ຕາງຫາກ ​ແທນ​ທີ່​ຈະ​ປ່ອຍ ໃຫ້ນຳເອົາຄະດີນີ້ໄປ
ຂຶ້ນສານ.

ທ່ານ Kingsley Abbott ກ່າວ​ວ່າ “ຄວາມ​ເປັນ​ຫ່ວງ​ຂັ້ນ​ຕົ້ນ​ຂອງ​ເຮົາ ຢູ່​ໃນ​ປັດຈຸບັນ​ນີ້ ກໍ​ແມ່ນຢາກໃຫ້ມີການດຳ​ເນີນ​ຄະດີຢ່າງທ່ຽງ​ທຳ ​ແກ່​ນັກ​ຂ່າວ​ສອງ​ຄົນ ​ແລະ ຂ້າພະ​ເຈົ້າ​ສາມາດ​ພຽງ​ແຕ່​ກ່າວ​ຢໍ້າ ເຖິງການຮຽກຮ້ອງທີ່ມີຂຶ້ນກ່ອນ​ໜ້ານີ້ວ່າ ການ​ກ່າວ​ຫາ​ເຫລົ່າ​ນີ້​ຄວນຖືກ​ຍົ​ກ​ເລີກໂດຍທັນທີ ​ແລະ​ບໍ່​ມີ​ເງື່ອນ​ໄຂ​ໃດໆຕໍ່​ນັກ​ຂ່າວ​ທັງ​ສອງ. ​ເຫດຜົນ​ເບື້ອງ​ຕົ້ນກໍ​ຄື ພວກ​ເຮົາ​ມີຄວາມ​ເປັນ​ຫ່ວງ​ໃນການນຳໃຊ້ກົດໝາຍອາຍາ
ກ່ຽວກັບການທຳລາຍ​ຊື່​ສຽງ ​ເພື່ອຟ້ອງຮ້ອງໃນອັນ​ທີ່​ເຫັນ​ວ່າ ເປັນ​ສິດເສລີພາບ
ການປາກເວົ້ານັ້ນ.”

ສະພາບກ່ຽວກັບສິດເສລີພາບຂອງສື່ ​ມວນ​ຊົນ​ໄທແມ່ນໄດ້ຮັບ​ຄວາມ​ກົດ​ດັນ ຮວມທັງ
ພາຍ​ໃຕ້ລັດຖະບານ​ພົນລະ​ເຮືອນ​ຫວ່າງ​ມໍ່ໆ​ມາ​ນີ້ ​ເຊັ່ນວ່າ ລັດຖະບານ​ທີ່​ຖືກ​ໂຄ່ນ​ລົ້ມຂອງ
ນາຍົກລັດຖະມົນຕີ ຍິ່ງລັກ ຊິນນະວັດ.

ອົງການ ​ນັກ​ຂ່າວບໍ່​ມີ​ພົມ​ແດນ ທີ່ມີ​ຫ້ອງການ​ຢູ່ນະຄອນຫຼວງ​ປາຣີ ​ໄດ້​ຈັດອັນດັບ ປະ​ເທດ
​ໄທໃຫ້ຢູ່ໃນ​ລະດັບທີ 134 ຫລຸດລົງຈາກ 130 ​ໃນ​ປີ 2014. ອົງການ ​ຄຸ້ມຄອງສື່​ມວນ​ຊົນ​
Freedom House ​ໄດ້​ຈັດໃຫ້​ສື່ມວນ​ຊົນ​ໄທ ຢູ່ໃນກຸ່ມທີ່ “ບໍ່​ມີ​ເສລີພາບ.” ​

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG