ສະພາຂອງລັດຖະບານທະຫານໄທ ທີ່ປົກຄອງປະເທດຢູ່ໃນ
ເວລານີ້ ໄດ້ເລືອກເອົາ ນາຍພົນ ປຣະຍຸດ ຈັນໂອຊາ ໃຫ້ເປັນ
ນາຍົກລັດຖະມົນຕີ ຄົນໃໝ່ຂອງປະເທດ ເກືອບ 3 ເດືອນ ຫຼັງ
ຈາກທ່ານໄດ້ຢຶດອຳນາດໃນການເຮັດລັດຖະປະຫານທີ່ບໍ່ມີການ
ເສຍເລືອດເນື້ອ.
ການເລືອກເອົາຜູ້ບັນຊາການທະຫານບົກ ໄວ 60 ປີ ຢ່າງເປັນ
ເອກະສັນ ໃນວັນພະຫັດມື້ນີ້ ແມ່ນເປັນຜົນທີ່ຮູ້ຈັກກັນມາກ່ອນ
ແລ້ວ ເນື່ອງຈາກວ່າ ທ່ານເອງເປັນຜູ້ສະໝັກເອົາຕຳແໜ່ງດັ່ງກ່າວ
ແຕ່ພຽງຄົນດຽວ ເທົ່ານັ້ນ. ທ່ານປຣະຍຸດ ເປັນຜູ້ນຳພາຄະນະປົກ
ຄອງທະຫານ ນັບຕັ້ງແຕ່ໄດ້ບັງຄັບ ໃຫ້ລັດຖະບານຂອງນາຍົກ
ລັດຖະມົນຕີຍິ່ງລັກ ຊິນນະວັດ ອອກຈາກອຳນາດ.
ນາຍົກ ຄົນໃໝ່ ຂອງໄທ
ທ່ານປຣະຍຸດ ຈະອອກຈາກຕຳແໜ່ງຜູ້ບັນຊາການທະຫານບົກ ໃນເດືອນໜ້ານີ້. ທ່ານມີແຜນທີ່ຈະປົກຄອງປະເທດ ຈົນກວ່າຈະມີການເລືອກຕັ້ງໃໝ່ ທີ່ຈະມີຂຶ້ນໃນທ້າຍປີ 2015.
ໄທ ໄດ້ປະສົບກັບບັນຫາຄວາມບໍ່ສະຫງົບທາງການເມືອງ ນັບແຕ່ປີ 2006 ເປັນຕົ້ນມາ ເວລາອະດີດນາຍົກລັດຖະມົນຕີ ທັກສິນ ຊິນນະວັດ ຊຶ່ງເປັນອ້າຍຂອງ ທ່ານນາງຍິ່ງລັກ ຊິນນະວັດ ໄດ້ຖືກໂຄ່ນລົ້ມ ດ້ວຍການກໍ່ລັດຖະປະຫານ ຂອງພວກທະຫານ ໃນປີ 2006. ທ່ານ ທັກສິນ ແລະ ນ້ອງສາວຂອງທ່ານ ໄດ້ຮັບການຕໍ່ຕ້ານຢ່າງແຂງຂັນ ຈາກບັນດາພວກຜູ້ນຳການເມືອງ ນິຍົມແນວທາງດັ້ງເດີມຂອງໄທ.
