ຄວາມເຊື່ອໝັ້ນຂອງຜູ້ບໍລິໂພກໄທ ໄດ້ຫຼຸດລົງມາສູ່ລະດັບຕໍ່າສຸດເປັນເດືອນທີ 4 ຕິດຕໍ່ກັນສໍາລັບເດືອນມິຖຸນາ ນັບຕັ້ງແຕ່ເດືອນກັນຍາທີ່ຜ່ານມາ ເນື່ອງຈາກ ຄວາມກັງວົນກ່ຽວກັບລະບົບເສດຖະກິດທີ່ຝືດເຄືອງ ແລະຄວາມບໍ່ແນ່ນອນທາງ ດ້ານການເມືອງ, ຕາມການສໍາຫຼວດທີ່ເປີດເຜີຍອອກມາໃນວັນພະຫັດມື້ນີ້.
ດັດຊະນີຜູ້ບໍລິໂພກຂອງມະຫາວິທະຍາໄລຫໍການຄ້າໄທ ຫຼຸດລົງເຖິງ 58.9 ເປັນເຊັນໃນເດືອນມິຖຸນາ ຈາກ 60.5 ເປີເຊັນໃນເດືອນພຶດສະພາ, ອີງຕາມ ຖະແຫຼງການຂອງມະຫາວິທະຍາໄລ.
ມະຫາວິທະຍາໄລກ່າວວ່າ ຜູ້ບໍລິໂພກຮູ້ສຶກວ່າ ການເມືອງຂອງໄທ ໄດ້ກາຍມາ ມີຄວາມບໍ່ຫມັ້ນຄົງ ລຸນຫຼັງຄະດີຂອງສານທີ່ອາດຈະນໍາໄປສູ່ການປົດຕໍາແໜ່ງ ນາຍົກລັດຖະມົນຕີ, ແລະເສດຖະກິດທີ່ຄ່ອຍໆຊ້າລົງ ຫຼື ຟື້ນໂຕຄືນມາຢ່າງຊ້າໆ ຍ້ອນຂາດມາດຕະການການຜັກດັນທີ່ຈະແຈ້ງ.
ພວກເຂົາກ່າວວ່າ “ຜູ້ບໍລິໂພກຍັງບໍ່ແນ່ໃຈ ວ່າເສດຖະກິດຈະຟື້ນໂຕຄືນຢ່າງ ໄວວາ ຫຼື ບໍ່, ໂດຍສະເພາະ ໃນເວລາທີ່ສະຖານະການທາງດ້ານການເມືອງ ໃນປັດຈຸບັນ ບໍ່ມີຄວາມແນ່ນອນຫຼາຍຂຶ້ນ.”
ທາງມະຫາວິທະຍາໄລກ່າວວ່າ ຄວາມເຊື່ອຫມັ້ນຂອງຜູ້ບໍລິໂພກ ອາດຈະໄດ້ຮັບ ການຍົກລະດັບຂຶ້ນ ຖ້າລັດຖະບານເລັ່ງການເບີກຈ່າຍງົບປະມານ ແລະຊຸກຍູ້ ລະບົບເສດຖະກິດໃຫ້ຟື້ນໂຕຄືນຢ່າງໄວວາໃນທ້າຍປີນີ້.
ສານລັດຖະທຳມະນູນຂອງໄທ, ໃນວັນພຸດວານນີ້ ໄດ້ອອກກຳນົດໃຫ້ວັນທີ 24 ກໍລະກົດ ເປັນວັນພິຈາລະນາຄະດີຄັ້ງຕໍ່ໄປສໍາລັບປົດຕໍາແໜ່ງ ທ່ານ ເສດຖາ ທະວີສິນ ອອກຈາກຕຳແໜ່ງນາຍົກລັດຖະມົນຕີ. ອີງຕາມການກ່າວຂອງສານໃນຕົ້ນເດືອນນີ້ວ່າ ຄະດີດັ່ງກ່າວ ຈະໄດ້ຮັບການຕັດສິນກ່ອນເດືອນກັນຍາທີ່ ຈະມາເຖິງນີ້.
ອ່ານຂ່າວດ້ານລຸ່ມນີ້ເປັນພາສາອັງກິດ
straight month in June to its lowest level since last September due to concerns about an economic slowdown and political uncertainty, a survey showed on Thursday.
The consumer index of the University of the Thai Chamber of Commerce fell to 58.9 in June from 60.5 in May, the university said in a statement.
Consumers felt that politics became unstable following a court case that could potentially lead to the dismissal of the prime minister, and that the economy was slowing down or recovering slowly because a lack of clear stimulus measures, the university said.
"Consumers are unsure whether the economy will recover quickly or not, especially when the current political situation is becoming more uncertain," it said.
Consumer confidence might improve if the government speeds up budget disbursement and stimulates the economy to recover quickly later this year, the university said.
Thailand's Constitutional Court on Wednesday set July 24 as the next hearing date for a case seeking the dismissal of Prime Minister Srettha Thavisin. The court said earlier this month that the case would reach a verdict before September.
ຟໍຣັມສະແດງຄວາມຄິດເຫັນ