ກຳປູເຈຍກ່າວວ່າ ຕົນຈະພິຈາລະນາກ່ຽວກັບການສົ່ງນັກຊາດນິຍົມຂອງໄທສອງຄົນທີ່ພວມ
ຖືກຄຸກຢູ່ກຳປູເຈຍໃນຂໍ້ຫາຈາລະກຳກັບຄືນປະເທດຖ້າລັດຖະບານໄທຫາກຂໍຮ້ອງແລະຕົກລົງ
ທີ່ຈະແລກປ່ຽນນັກໂທດກັນ.
ລັດຖະມົນຕີການຕ່າງປະເທດກຳປູເຈຍ ທ່ານ Hor Namhong ໄດ້ເປີດເຜີຍຂໍ້ສະເໜີດັ່ງ
ກ່າວໃນວັນພະຫັດວານນີ້ ໃນກອງປະຊຸມຖະແຫຼງຂ່າວຮ່ວມກັນທີ່ນະຄອນຫຼວງພະນົມເປັນ
ກັບລັດຖະມົນຕີການຕ່າງປະເທດໄທ ທ່ານສຸຣະພົງ ໂຕວິຈັກໄຊກຸລ.
ນັກການເມືອງຫົວຊາດນິຍົມຂອງໄທ ທ່ານວິຣະ ສົມຄວາມຄິດແລະເລຂາຂອງທ່ານໄດ້ຖືກ
ຄຸກໃນຂໍ້ຫາຈາລະກຳເມື່ອຕົ້ນປີນີ້ຫຼັງຈາກໄດ້ມີການຕັດສິນວ່າບຸກຄົນທັງສອງມີຄວາມຜິດທີ່
ໄດ້ຂ້າມຊາຍແດນຢ່າງຜິດກົດໝາຍເຂົ້າໄປໃນກຳປູເຈຍ.
ທ່ານວິຣະເປັນສະມາຊິກສະພາໃນອະດີດລັດຖະບານນິຍົມກະສັດຂອງໄທທີ່ໄດ້ຖືກຂັບໄລ່
ໃຫ້ລົງຈາກອຳນາດ ໃນການເລືອກຕັ້ງເມື່ອເດືອນກໍລະກົດ. ທ່ານໄດ້ນຳພາຄະນະຜູ້ແທນ
ໄປຍັງບໍລິເວນຊາຍແດນກຳປູເຈຍໃນເດືອນມັງກອນປີນີ້ຂະ ນະທີ່ຄວາມເຄັ່ງຕຶງລະຫວ່າງ
ປະເທດເພື່ອນບ້ານທັງສອງລະເບີດຂຶ້ນຍ້ອນບັນຫາຂັດແຍ້ງຊາຍແດນທີ່ມີມາເປັນເວລາດົນ
ນານແລ້ວນັ້ນ.