ໄທແລະກໍາປູເຈຍໄດ້ຕົກລົງ ທີ່ຈະໃຫ້ພວກນັກສັງເກດ
ການຈາກອິນໂດເນເຊຍ ໄປປະຈໍາການຢູ່ເລາະຕາມບໍລິ
ເວນຊາຍແດນຂອງພວກຕົນ ເພື່ອປ້ອງກັນບໍ່ໃຫ້ເກີດການ
ສູ້ລົບກັນຄືນອີກ.
ທ່ານ Marty Natalegawa ລັດຖະມົນຕີການຕ່າງປະ
ເທດອິນໂດເນເຊຍ ໄດ້ປະກາດຂ່າວການຈັດແຈງດັ່ງກ່າວ
ໃນວັນອັງຄານມື້ນີ້ໃນເວລາສີ້ນສຸດລົງຂອງກອງປະຊຸມ
ສຸກເສີນຂອງບັນດາລັດຖະມຸນຕີການຕ່າງປະເທດຈາກ
10 ປະເທດສະມາຊິກຂອງກຸ່ມອາຊ່ຽນຢູ່ທີ່ກຸງ Jakarta.
ການຕົກລົງດັ່ງກ່າວ ແມ່ນເປັນຄວາມກ້າວໜ້າຢ່າງນຶ່ງ
ສໍາລັບອາຊ່ຽນ ທີ່ຕາມປະເພນີທີ່ເປັນມານັ້ນແມ່ນບໍ່ເຕັມ
ໃຈທີ່ຈະເຂົ້າໄປພົວພັນໃນຂໍ້ຂັດແຍ້ງສອງຝ່າຍລະຫວ່າງບັນດາປະເທດສະມາຊິກນັ້ນ.
ທ່ານ Natalegawa ຊຶ່ງປະເທດຂອງທ່ານເປັນປະທານ
ໝຸນວຽນຂອງອາຊ່ຽນ ກ່າວວ່າຈະມີການສົ່ງນັກສັງເກດ
ການທີ່ບໍ່ປະກອບອາວຸດ 20 ຄົນ ໄປປະຈໍາຢູ່ນໍາແຕ່ລະຝ່າຍທີ່ຊາຍແດນນັ້ນ ເພື່ອຕິດຕາມ
ເບິ່ງການປະຕິບັດຕາມຄໍາໝັ້ນສັນຍາຂອງແຕ່ລະຝ່າຍ ທີ່ວ່າຈະຫລີກເວ້ນຈາກການປະທະ
ກັນຕື່ມອີກນັ້ນ. ທ່ານກ່າວອີກວ່າ ພວກສັງເກດການຈະສົ່ງລາຍງານທີ່ຖືກຕ້ອງແລະບໍ່ລໍາ
ອຽງ ມາໃຫ້ອາຊ່ຽນແລະສະພາຄວາມໝັ້ນຄົງຂອງອົງການສະຫະປະຊາຊາດນໍາ. ນອກ
ນັ້ນແລ້ວ ອິນໂດເນເຊຍກໍຈະເຂົ້າພົວພັນປຶກສາຫາກັບທັງສອງປະເທດ ໃນລະຫວ່າງການ
ເຈລະຈາສອງຝ່າຍ ທີ່ຈະກໍານົດວັນເວລາໃນອານາຄົດນັ້ນ.
