ລິ້ງ ສຳຫລັບເຂົ້າຫາ

ຜູ້ນຳ ຄາຕາໂລເນຍ ກ່າວວ່າ ການພະຍາຍາມ ເພື່ອເປັນເອກກະລາດ ສິ້ນສຸດລົງແລ້ວ


ພວກປະທ້ວງຄົນນຶ່ງ ຖືຮູບ ທີ່ຕັດອອກ ຂອງອະດີດ ປະທານາ ທິບໍດີ ທ່ານ ຄາລສ໌ ປຸຍເດີມົງ (Carles Puigdemont) ໃນການປະທ້ວງ ຢູ່ນອກລັດຖະສະພາ ທີ່ນະຄອນບາຊາ ໂລນາ, ສເປນ, 30 ມັງກອນ 2018.

ຜູ້ນຳ​ທີ່​ແບ່ງ​ແຍກ​ດິນ​ແດນ ທີ່ລີ້​ໄພ​ຢູ່ໃນ​ຕ່າງ​ແດນ ທ່ານ ​ຄາລສ໌ ປຸຍ​ເດີ​ມົງ (Carles Puigdemont) ​ໄດ້​ເຮັດ​ໃຫ້​ປະ​ເທດສເປ​ນ ຕົກ​ໃຈ ດ້ວຍ​ການໃຫ້ຄວາມ​ເຫັນ​ສ່ວນ​ຕົວ
ທີ່​ໂທລະພາບທ້ອງຖິ່ນ ນຳ​ໄປ​ເປັນ​ຂ່າວ​ ທີ່​ທ່ານ​ໄດ້ກ່າວ​ວ່າ ການພະຍາຍາມເພື່ອແຍກ
ຕົວອອກເປັນ​ເອກ​ກະລາດ​ຂອງ​ຄາ​ຕາ​ໂລ​ເນຍ ນັ້ນ​ແມ່ນ​ “ສິ້ນສຸດ​ລົງ​ແລ້ວ.”

ການ​ຍອມຮັບທີ່ໜ້າຕົກໃຈດັ່ງກ່າວ ມີ​ຂຶ້ນ​ຫຼັງ​ຈາກ​ສານ​ລັດຖະທຳ​ມະນູນ​ສເປນ ​ໄດ້​ຕັດ
ສິນວ່າ​ທ່ານປຸຍ​ເດີ​ມົງບໍ່​ສາມາດ​ທີ່​ຈະ​ເປັນ​ປະທາ​ນໄດ້ ​ເພາະວ່າ ທ່ານ​ປະ​ເຊີນ​ ກັບ​ການ
​ຖືກ​ຈັບ​ກຸມແລະ​ບໍ່ໄດ້​ໄປປາກົດ​ຕົວ ເພື່ອຮັບເອົາຕຳແໜ່ງ​ປະທານ​ນັ້ນ.

ໂຄສົກຂອງສະພາຄາຕາໂລເນຍ ທ່ານ ໂຣເຈີ ທໍເຣັນຕ໌ (Roger Torrent) ກຳລັງໄປຮອດໄປເຖິງ ລັດຖະສະພາ ໃນນະຄອນບາຊາໂລນາ, ສເປນ, 30 ມັງກອນ 2018.
ໂຄສົກຂອງສະພາຄາຕາໂລເນຍ ທ່ານ ໂຣເຈີ ທໍເຣັນຕ໌ (Roger Torrent) ກຳລັງໄປຮອດໄປເຖິງ ລັດຖະສະພາ ໃນນະຄອນບາຊາໂລນາ, ສເປນ, 30 ມັງກອນ 2018.

“ຂັ້ນ​ຕອນ​ຂອງ​ການ​ເປັນ​ເອກ​ກະລາດ​ ​ແມ່ນ​ໄດ້​ສິ້ນສຸດ​ລົງ​ແລ້ວ. ຂ້າພະ​ເຈົ້າ​ໄດ້​
ເສຍ​ສະຫຼະ,”
ນັ້ນຄືຄຳເວົ້າຂອງທ່ານປຸຍ​ເດີ​ມົງ ​ໄດ້​ຂຽນ​ໃນ​ຂໍ້ຄວາມ​ສົ່ງ​ໄປ​ໃຫ້​ພວກ​ໝູ່​
ເພື່ອນ​ຜູ້​ໃກ້ຊິດ​ທີ່​ເຊື່ອ​ຖື​ໄດ້ຂອງ​ທ່ານ ຫຼັງ​ຈາກ​ທີ່ ​ໂຄສົກ​ຂອງ​ສະພາ​ຄາ​ຕາ​ໂລ​ເນຍ
ທ່ານ ​ໂຣ​ເຈີ ທໍເຣັນຕ໌ໄດ້​ຍົກ ​ເລີກ​ກອງ​ປະຊຸມ​ສະພາໃນ​ວັນ​ອັງຄານຜ່ານ​ມາ​ນີ້​ທີ່ພວກແບ່ງແຍກດິນແດນກຳສຽງສ່ວນຫຼາຍມີແຜນທີ່ຈະສະເໜີຊື່ໃຫ້ທ່ານເຂົ້າຮັບ
ຕຳແໜ່ງນັ້ນ.

ຮອງ​ປະທານເຂດຄາຕາໂລເນຍ ທ່າ​ນນາງ ​ໂສຣາຢາ ເຊນ​ສ ​ເດີ ຊາງ​ຕາ​ມາ​ເຣຍ
(Soraya Saenz de Santamaria) ​ໄດ້​ຮຽກຮ້ອງ​ໃຫ້​ທ່ານທໍເຣັນຕ໌ ​ເລືອກ​ເອົາ
​ຜູ້​ສະ​ໝັກ ທ່ານ​ໃດ ກໍ​ໄດ້ ​ເພື່ອມາ​ເ​ເທ​ນທ່ານປຸຍ​ເດີ​ມົງ.

“ທ່ານທໍເຣັນຕ໌ ຕ້ອງ​ໄດ້​ເປີດ​ການ​ຕິດ​ຕໍ່​ພົວພັນ​ຄັ້ງ​ໃໝ່ ​ເພື່ອ​ຮັກສາ​ສະຖານະ​ການ
ທີ່​ໄດ້​ກໍ່ໃຫ້ເກີດຂຶ້ນ ​ໂດຍ​ທ່ານປຸຍ​ເດີ​ມົງ,”
ນັ້ນຄືຄຳເວົ້າທ່າ​ນນາງ .

ນັກ​ຂ່າວ​ຂອງ​ອົງການ​ຂ່າວ​ເທ​ເລ​ຊິງ​ໂກ ​ໄດ້​ບັນທຶກ​ພາບ ກ່ຽວກັບ​ຂໍ້ຄວາມ​ຂອງ​
ທ່ານປຸຍ​ເດີ ​ມົງ ທີ່​ໄດ້​ຖືກ​ສົ່ງ​ໄປ​ຍັງ​ໂທລະສັບ​ມື​ຖື​ຂອງ​ທ່ານ​ໂທ​ນີ ຄອມ​ມິນ ຜູ້​ຊ່ອຍ
​ທີ່​ໃກ້ຊິດ ທີ່​ໄດ້​ລີ້​ໄພ​ຢູ່​ຕ່າງປະ​ເທດ​ເຊັ່ນ​ກັນ. ສະຖານ​ນີດັ່ງກ່າວ ​ໄດ້​ຖ່າຍພາບກອງ
​ປະຊຸມ ​ທີ່​ນະຄອນບຣັສ​ໂຊ​ລ ທີ່​ທ່ານປຸຍ​ເດີ​ມົງ ມີໝາຍກຳໜົດ​ການ ຈະ​ເຂົ້າ​ຮ່ວມນັ້ນ.

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

ຜູ້ນຳທີ່ແບ່ງແຍກດິນແດນ ທີ່ລີ້ໄພຢູ່ໃນຕ່າງແດນ ທ່ານ ຄາລສ໌ ປຸຍເດີມົງ ຊີ້ແຈງຕໍ່ສື່ມວນຊົນ ໃນນະຄອນ ບຣັສໂຊ, ເບລຈຽມ, 24 ມັງກອນ 2018.
ຜູ້ນຳທີ່ແບ່ງແຍກດິນແດນ ທີ່ລີ້ໄພຢູ່ໃນຕ່າງແດນ ທ່ານ ຄາລສ໌ ປຸຍເດີມົງ ຊີ້ແຈງຕໍ່ສື່ມວນຊົນ ໃນນະຄອນ ບຣັສໂຊ, ເບລຈຽມ, 24 ມັງກອນ 2018.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

ທ່ານອາດຈະມັກເລື້ອງນີ້ຄືກັນ

XS
SM
MD
LG