ຄະນະຕຸລາການຂອງລັດຖະບານກາງສະຫະລັດ ໃນລັດເທັກຊັດ ໄດ້ພົບເຫັນວ່າ ນັກສຶກສາຊາວ Saudi ຄົນນຶ່ງ ມີຄວາມຜິດ ໃນຂໍ້ຫາວາງແຜນໂຈມຕີດ້ວຍລະເບີດ ເພື່ອກໍ່ການຮ້າຍ.
ກະຊວງຍຸຕິທໍາຖະແຫຼງຂອງສະຫະລັດກ່າວວ່າ ບັນຊີລາຍຊື່ທີ່ອາດຕົກເປັນເປົ້າໃນການໂຈມຕີຂອງທ້າວ Khalid Ali-M Aldawsari ແມ່ນຮວມທັງເຂື່ອນໃນລັດ California ແລະ Colorado, ໄນຄລັບແລະທີ່ພໍານັກຂອງອະດີດປະທາ ນາທິບໍດີ George W. Bush ໃນເມືອງດາລັສ ລັດເທັກຊັສ.
ຄະນະໄອຍະການກ່າວວ່າ ທ້າວ Aldawsari ໄດ້ຊື້ສານເຄມີແລະອຸບປະກອນໃນການເຮັດລະເບີດ ແລະຍັງໄດ້ຂຽນລົງໃນບົດບັນທຶກຂອງລາວ ເຖິງຄວາມປະ ສົງໃນການເຮັດສົງຄາມສັກສິດຫຼືຈີຮາດຂອງລາວ.
ນຶ່ງໃນບັນດາບໍລິສັດທີ່ລາວໄດ້ພະຍາຍາມຊື້ສານເຄມີເຫຼົ່ານີ້ ໄດ້ແຈ້ງໃຫ້ພວກເຈົ້າ ໜ້າທີ່ຕຳຫຼວດຊາບ.
ທ້າວ Aldawsari ປະເຊີນກັບໂທດຈໍາຄຸກຕະຫຼອດຊີວິດ ແລະປັບໃໝເປັນເງິນຈໍານວນ 250,000 ໂດລາ ເວລາລາວຈະຖືກຕັດສິນລົງໂທດໃນເດືອນຕຸລາປີ ນີ້.
