ຜູ້ປົກຄອງລັດເທັກຊັສ ໄດ້ຖືກຟ້ອງຮ້ອງ ໃນຖານໃຊ້ອຳນາດ
ຫ້ອງການຂອງທ່ານ ໄປໃນທາງທີ່ບໍ່ຖືກຕ້ອງ ໂດຍການຂົ່ມຂູ່
ທີ່ໃຊ້ຈະສິດຢັບຢັ້ງໃນການອະນຸມັດເງິນໃຫ້ແກ່ພະແນກການ
ຕໍ່ຕ້ານການສໍ້ລາດບັງຫລວງ ພາຍໃຕ້ການຄວບຄຸມ ຂອງໄອ
ຍະການປະຈຳເຂດຄົນນຶ່ງ ທີ່ຜູ້ປົກຄອງລັດ ຕ້ອງການບັງຄັບ
ໃຫ້ໃຫ້ລາອອກນັ້ນ.
ໃນວັນສຸກມື້ວານນີ້ ຄະນະຕຸລາການ ໃນນະຄອນ Austin
ເມືອງຫລວງຂອງລັດເທັກຊັສໄດ້ກ່າວຫາ ທ່ານ Perry ໃນ
ຄວາມຜິດສອງກະໂທງຄື ໃຊ້ອຳນາດທາງລາດຊະການໄປ
ໃນທາງຜິດ ແລະບີບບັງຄັບເຈົ້າໜ້າທີ່ຂອງຫຼວງ.
ປີກາຍນີ້ ຜູ້ປົກຄອງລັດ Rick Perry ໄດ້ຂົ່ມຂູ່ທີ່ຈະໃຊ້ສິດຢັບຢັ້ງ ຕໍ່ການໃຫ້ ທຶນ 7 ລ້ານ
5 ແສນໂດລາ ແກ່ພະແນກການຕໍ່ຕ້ານການສໍ້ລາດບັງຫຼວງ ປະຈຳຫ້ອງການໄອຍະການ
ໃນເຂດເມືອງ Travis ນອກຈາກວ່າໄອຍະການເມືອງ Rosemary Lehmberg ລາ
ອອກຈາກຕຳແໜ່ງ ຫຼັງຈາກໄດ້ຖືກຈັບຍ້ອນການຂັບລົດທີ່ຍັງເມົາຢູ່. ທ່ານນາງ
Lehmberg ເປັນສະມາຊິກພັກເດໂມແຄຣັດ ທີ່ ມີອິດທິພົນ ໃນຂະນະທີ່ທ່ານ Perry
ສັງກັດພັກເຣພັບບລີກັນ. ຖ້າຫາກທ່ານນາງ Lehmberg ໄດ້ລາອອກ ທ່ານ Perry ກໍ
ຈະເປັນຜູ້ແຕ່ງຕັ້ງຄົນມາແທ່ນທ່ານນາງ.
ພາຍຫລັງຕໍ່ມາ ທ່ານ Perry ໄດ້ທຳຕາມການຄຳຂົ່ມຂູ່ຂອງທ່ານ ໂດຍກ່າວວ່າ ທ່ານບໍ່ມີຄວາມສາມາດສະໜັບສະໜຸນ “ສືບຕໍ່ການໃຫ້ທຶນແກ່ຫ້ອງການທີ່ມີຂອບເຂດຄວາມຮັບ
ຜິດຊອບຢູ່ທົ່ວລັດໃນເວລາທີ່ບຸກຄົນທີ່ມີຄວາມຮັບຜິດຊອບຂັ້ນສຸດ ທ້າຍຂອງພະແນກ
ການດັ່ງກ່າວໄດ້ສູນເສຍຄວາມໄວ້ເນື້ອເຊື່ອໃຈຈາກສາທາລະ ນະຊົນ.
ທ່ານນາງ Lehmberg ໄດ້ຮັບຜິດ ໃນການຂັບລົດມືນເມົາ ໃນປີ 2013 ແລະໄດ້ຖືກຕິດຄຸກ.
ຢູ່ໃນສະຫະລັດ ໄອຍະການປະຈຳເຂດເປັນຜູ້ຕາງໜ້າລັດຖະບານໃນລົງໂທດຕໍ່ ຜູ້ກະທຳ
ຄວາມຜິດ. ໄອຍະການປະຈຳເຂດ ອາດຈະຖືກເລືອກ ຫລືຖືກແຕ່ງຕັ້ງ ແລະເປັນຫົວໜ້າ
ຫ້ອງການປະຕິບັດກົດໝາຍປະຈຳເຂດ.
ບັນດາຜູ້ຊ່ວຍທ່ານ Perry ກ່າວວ່າ ທ່ານບໍ່ໄດ້ເຮັດຫຍັງຜິດ ແລະໃຊ້ອຳນາດຢູ່່ໃນຂອບ
ເຂດຂອງຜູ້ປົກຄອງລັດ. ຜູ້ສີ້ງຊອມການປະຕິບັດໜ້າທີ່ຂອງລັດຖະບານໃນເຂດທ້ອງ
ຖິ່ນກ່າວວ່າ ມັນບໍ່ແມ່ນເລື້ອງການໃຊ້ສິດຢັບຢັ້ງແຕ່ເປັນເລື່ອງການ ຂົ່ມຂູ່ທີ່ຈະໃຊ້ສິດ
ຢັບຢັ້ງ ທີ່ເປັນບັນຫາກ່ຽວກັບຈັນຍາບັນ.
ທ່ານ Perry ໄດ້ທຳການເຄຶ່ອນໄຫວທີ່ສະແດງໃຫ້ເຫັນວ່າ ທ່ານ ກຳລັງພິຈາ ລະນາທີ່
ຈະລົງແຂ່ງຂັນເປັນປະທານາທິບໍດີ ໃນປີ 2016. ທ່ານໄດ້ເປັນຜູ້ປົກ ຄອງລັດເທັກຊັສ
ມາໄດ້ 14 ປີແລ້ວ ຊຶ່ງເຮັດໃຫ້ເປັນຜູ້ປົກຄອງລັດດັ່ງກ່າວທີ່ ດົນທີ່ສຸດໃນປະຫວັດສາດ.
ທ່ານບໍ່ມີແຜນທີ່ຈະລົງສະໝັກເລືອກຕັ້ງໃໝ່ອີກ.
