ລິ້ງ ສຳຫລັບເຂົ້າຫາ

ວັນເສົາ, ໒໐ ເມສາ ໒໐໒໔

ໂຊມາເລຍເປັນບ່ອນທີ່ ສ່ຽງຫລາຍທີ່ສຸດ ຕໍ່ການກໍ່ການຮ້າຍ


ທ່ານ Paul Chandler ແລະພັນລະຍາຈາກອັງກິດ ທີ່ຖືກພວກໂຈນທະເລໂຊມາເລຍ ຈັບໄປກັກຂັງໄວ້ເປັນເວລານຶ່ງປີ ແລະໄດ້ຖືກປ່ອຍໂຕມາ ເມື່ອວັນທີ 14 ພະຈິກ 2010.
ທ່ານ Paul Chandler ແລະພັນລະຍາຈາກອັງກິດ ທີ່ຖືກພວກໂຈນທະເລໂຊມາເລຍ ຈັບໄປກັກຂັງໄວ້ເປັນເວລານຶ່ງປີ ແລະໄດ້ຖືກປ່ອຍໂຕມາ ເມື່ອວັນທີ 14 ພະຈິກ 2010.

ກຸ່ມ​ແນະ​ນໍາ​ກ່ຽວ​ກັບການ​ສ່ຽງ​ໄພ​ໃນ​ໂລກ ກ່າວ​ວ່າ ເວລາ​ນີ້
ໂຊ​ມາ​ເລຍ ​ໄດ້​ກາຍ​ເປັນບ່ອນ​ທີ່​ມີ​ການສ່ຽງຫລາຍທີ່​ສຸດ​ຕໍ່
ການ​ກໍ່​ການ​ຮ້າຍ ​ແທນ​ທີ່ປະ​ເທດອັຟກາ​ນິສຖານ ອິຣັກ
ແລະ​ປາ​ກິ​ສຖານ​.

ກຸ່ມ Maplecroft ທີ່​ມີ​ຫ້ອງການ​ຕັ້ງ​ຢູ່​ໃນ​ອັງກິດ ຊຶ່ງ​ໃຫ້​
ຄໍາ​ແນະ​ນໍາ​ແກ່ວົງ​ການ​ທຸລະ​ກິດ​ໃນ​ທົ່ວໂລກ​ ໄດ້ຈັດ​ອັນ​ດັບ
ຂອງ 196 ປະ​ເທດ ​ໃນ​ຖານະເປັນ​ບ່ອນ​ທີ່​ມີ​ການ​ສ່ຽງ​ໄພ​
ກັບການ​ກໍ່​ການ​ຮ້າຍ​ ອັນ​ດັບ​ສູງທີ່​ສຸດລົງ​ມາ​ຫາ​ອັນ​ດັບ​ຕໍ່​າ
ສຸດ.

ກຸ່ມ Maplecroft ​ໄດ້​ຈັດ​ໂຊ​ມາ​ເລຍ ຢູ່​ໃນ​ອັນ​ດັບ​ສູງ​ສຸດ
ຂອງບັນຊີ ຮອງອັນ​ດັບ​ລົງ​ມາ ​ແມ່ນ​ປາ​ກິ​ສຖານ ອິຣັກ ອັຟກາ​ນິສຖານ​ ແລະ​ພວກ​ດິນ​ແດນ​ຂອງ​ປາ​ເເລ​ສ​ໄຕ​ນ໌.

ກຸ່ມດັ່ງກ່າວ​ເວົ້າ​ວ່າ ​ໂຊ​ມາ​ເລຍໄດ້​ປະ​ເຊີນ​ກັບ​ການ​ໂຈມ​ຕີ​ຂອງ​ພວກ​ກໍ່​ການ​ຮ້າຍ 556 ຄັ້ງ​
ໃນ​ລະຫວ່າງ​ເດືອນ​ມິຖຸນາ​ ປີ 2009 ຫາ​ເດືອນມິຖຸນາ​ ປີ 2010 ​ເຮັດ​ໃຫ້​ປະຊາຊົນ​ເສຍ​
ຊີວິດ​ໄປ 1437 ຄົນ

ພວກ​ປະ​ເທດ​ອື່ນໆ​ຢູ່​ໃນ​ລະດັບ​ສູງ​ຂອງ​ບັນຊີ​ ທີ່​ມີ​ການ​ສ່ຽງ​ອັນຕະລາຍ​ຫລາຍ​ທີ່​ສຸດ​ ໄດ້​
ແກ່ ​ໂຄ​ລົມ​ເບຍ ​ໄທ ຟີ​ລິບ​ປິນ ​ເຢ​ເມນ​ແລະຣັດ​ເຊຍ.|

ພວກ​ປະ​ເທດ​ທີ່ຢູ່​ໃນ​ການ​ສ່ຽງ​ໄພ​ອັນ​ຕະລາຍ​ສູງ ຮອງ​ລົງ​ມາ​ອີກ ​ແມ່ນ​ຮວມທັງ​ອິຣ່ານ
ໄນ​ເຈ​ເຣຍ ສະ​ເປນ​ແລະ​ມຽນມາ. ສະຫະລັດ ອັງກິດ​ແລະ​ຝຣັ່ງ​ ແມ່ນຢູ່​ໃນ​ອັນ​ດັບ​ປານ
ກາງ ​ໃນ​ຂະນະ​ດຽວ​ກັນ ກາ​ນາ​ດາ​ແລະ​ເຢຍຣະ​ມັນ ແມ່ນ​ຕົກ​ຢູ່​ໃນ​ກໍລະນີ​ພວກ​ປະ​ເທດ
ທີ່​ມີ​ການ​ສ່ຽງ​ໄພອັນ​ດັບ​ຕໍ່າ.

XS
SM
MD
LG