ເຈົ້າໜ້າທ່ີໃນ Uganda ຍັງສືບຕໍ່ຊອກຄົ້ນຫາໂຕຜູ້ຮັບຜິດຊອບຕໍ່ການ ລະເບີດທ່ີມີການປະສານງານກັນສອງຄັ້ງ ທ່ີໄດ້ເອົາຊິວິດຜູ້ຄົນໄປຫຼາຍກວ່າ 70 ຄົນ ທ່ີໄດ້ໄປອັ່ງແໜ້ນກັນຢູ່ສະໂມສອນກິລາແລະຮ້ານອາຫານທ່ີນິຍົມກັນ ເພ່ືອຊົມການແຂ່ງຂັນເຕະບານໂລກຮອບຊິງຊະນະເລີດທາງໂທລະ ພາບ. ຍ້ອນມິດຕະພາບທີ່ມີມາເປັນເວລາຍາວນານແລະໄກ້ຊິດກັບປະຊາຊົນ Uganda ສຫຣ ຈ່ຶງມີຄວາມເສົ້າສະລົດໃຈຢ່າງສຸດຊຶ້ງນຳການສູນເສຽ ຊິວິດດ່ັງກ່າວ ຍ້ອນການໂຈມຕີທ່ີຂີ້ຂາດຕາຂາວ ທັງເປັນການກະທຳທ່ີໜ້າປະນາມຢ່າງຍິ່ງນັ້ນ.
ຢ່າງໃດກໍຕາມ ການວາງລະເບີດດ່ັງກ່າວນີ້ ບໍ່ໄດ້ເປັນການໂຈມຕີ ທ່ີແນໃສ່ ສະເພາະແຕ່ Uganda ແລະປະຊາຊົນຂອງປະເທດດ່ັງກ່າວເທ່ົານັ້ນ. ຖ້າການກ່າວອ້າງເອົາຄວາມຮັບຜິດຊອບຂອງກຸ່ມຊາວໂຊມາເລຍຫົວຕໍ່ສູ້ກຸ່ມນຶ່ງ ຫາກເປັນທ່ີເຊ່ືອຖືໄດ້ ກໍໝາຍຄວາມວ່າ ການວາງ ລະເບີດດັ່ງກ່າວ ແມ່ນມີເປົ້າໝາຍແນໃສ່ທຸກໆຄົນ ທ່ີສະໜັບສະໜູນຄວາມພະຍາຍາມຂອງນາໆຊາດ ທ່ີຈະນຳເອົາສະເຖຍລະພາບກັບຄືນມາສູ່ຂົງເຂດທີ່ວຸ້ນວາຍແຫ່ງນັ້ນນຳ. ຄວາມຈິງແລ້ວ ກໍແມ່ນວ່າ ມັນແມ່ນການໂຈມຕີ ຕໍ່ຄວາມສາມັກຄີເປັນເອກກະພາບຂອງ Africa ທ່ີ Uganda ພ້ອມດ້ວຍສະມາຊິກອື່ນໆ ຂອງສະຫະພາບ Africa ເປັນຜູ້ຢູ່ດ້ານໜ້າ ນຳພາໃນການປະຕິບັດງານ ເພື່ອແກ້ໄຂບັນຫາຕ່າງໆຂອງ Africa ຕາມແນວທາງຂອງ Africa ເອງນັ້ນ.
ລັັດຖະບານກາງໄລຍະຂ້າມຜ່ານຂອງໂຊມາເລຍ ພວມພະຍາຍາມນຳ ເອົາຄວາມສະງົບສຸກແລະຄວາມໝັ້ນຄົງ ມາສູ່ Mogadishu ນະຄອນ ຫຼວງຂອງຕົນ ໂດຍການສະໜັບສະໜູນຂອງກຳລັງຮັກສາສັນຕິພາບຂອງ Africa ນັ້ນ. ພາກສ່ວນທີ່ສຳຄັນຂອງກອງກຳລັງຂອງສະຫະພາບ Africa ທ່ີເອີ້ນກັນວ່າ AMISOM ນັ້ນ ກໍແມ່ນທະຫານຈາກ Uganda ແລະປະເທດເພື່ອນບ້ານ Burundi ຊ່ຶງສົມຄວນທີ່ຈະໄດ້ຮັບການຍ້ອງຍໍຊົມເຊີຍຍ້ອນວຽກງານດ່ັງກ່າວຂອງເຂົາເຈົ້າ.
ແທນທ່ີຈະເປັນແນວນັ້ນ ພວກຫົວຕໍ່ສູ້ Somalia ກັບໄດ້ທຳການຂົ່ມຂູ່ມາເປັນເວລາຫຼາຍອາທິດ ເພ່ືອບັງຄັບໃຫ້ Uganda ຖອນກຳລັງຮັກສາ ສັນຕິພາບຂອງຕົນ ຊຶ່ງເວລານີ້ມີຈຳນວນປະມານ 3600 ຄົນນັ້ນ ອອກໄປ. ໄດ້ມີການກ່າວຄຳຂູ່ນັ້ນຂຶ້ນອີກໃໝ່ໃນເວລາບໍ່ທ່ໍໃດມື້ ກ່ອນການໂຈມຕີດັ່ງກ່າວ ເວລາ Uganda ກັບປະເທດອື່ນໆໃນ Africa ຕາເວັນອອກ ໄດ້ປະຕິຍານວ່າ ຈະສ່ົງທະຫານໄປເພ່ີມ 2000 ຄົນ. ຄວາມຮ້າຍແຮງຂອງການໂຈມຕີຂອງພວກກໍ່ການຮ້າຍໃນຄັ້ງນີ້ ຢູ່ໃນເມືອງທ່ີຮູ້ກັນວ່າ ມີຄວາມສະຫງົບພໍສົນຄວນນັ້ນ ແມ່ນໄດ້ຖືກເນ້ນຢໍ້າໂດຍລາຍຊື່ອັນຍາວຢຽດຂອງພົນລະເມືອງຂອງປະເທດອື່ນໆຫລາຍປະ ເທດ ທີ່ໄດ້ເສຍຊີວິດໄປ ຂະນະທ່ີເຂົາເຈົ້າກຳລັງຊົມການແຂ່ງຂັນກິລານາໆຊາດຄັ້ງສຳຄັນຢູ່ນັ້ນ. ນອກຈາກນີ້ແລ້ວ ການວາງລະເບີດດ່ັງກ່າວ ກໍຍັງຖືກມອງເຫັນວ່າ ເປັນການບອກເຕືອນ ຕໍ່ສະຫະພາບ Africa ທ່ີຈະຈັດປະຊຸມສຸດຍອດປະຈຳປີຂຶ້ນ ທ່ີນະຄອນຫລວງ Kampala ໃນທ້າຍເດືອນນີ້.
ເຖິງຢ່າງໃດກໍຕາມ ປະທານາທິບໍດີ Uganda ທ່ານ ໂຢເວຣີ ມູເຊເວນີ ກໍຈະບໍ່ຍອມກົ້ມຫົວໃຫ້ ແລະກໍມີທ່າທາງວ່າ ພວກຜູ້ນຳດ້ວຍກັນຂອງ ສະຫະພາບ Africa ກໍຕໍ່ຕ້ານຢ່າງເດັດດຽວເຊັ່ນດຽວກັນ. ທາງ ສຫຣ ເອງກໍຈະປະຕິບັດພາກສ່ວນຂອງຕົນ ຕາມຄຳຂໍຮ້ອງຂອງ Uganda ໂດຍຈະສົ່ງພວກນັກສືບສວນສອບສວນໄປຊ່ອຍຊອກຄົ້ນຫາຄົນຮ້າຍ ທີ່ທຳການໂຈມຕີນັ້ນ ທັງຈະໃຫ້ການຊ່ອຍເຫຼືອທ່ີອາດຈຳເປັນແນວອື່ນໆອີກນຳ.
