ຄວາມເຄັ່ງຕຶງ ຍັງດໍາເນີນ ຢູ່ຕໍ່ມາ ໃນປະເທດ ເວເນຊູເອລາ (ວີດີໂອ)

ຄວາມ​ເຄັ່ງ​ຕຶງຍັງ​ດໍາ​ເນີນ​ຢູ່ຕໍ່​ມາ ​ໃນ​ເມືອງ​ຫລວງ ຂອງເວ​ເນ​
ຊູເອລາໃນ​ວັນ​ພະຫັດ​ມື້​ນີ້ ລຸນຫຼັງຄໍ່າຄືນແຫ່ງ​ຄວາມຮຸນ​ແຮງ ​
ໃນ​ການເດີນຂະບວນປະທ້ວງຕໍ່ຕ້ານລັດຖະບານ.

ຕໍາຫຼວດປາບ​ປາມຈາລະ​ຈົນໄດ້​ປະ​ທະ​ກັນ​ກັບພວກເດີນຂະ
ບວນ ທີ່ພາກັນແກວ່ງກ້ອນ​ຫີນ​ ໃນນະຄອນ Caracas ​ໃນ​
ຄືນວັນ​ພຸດ​ວານ​ນີ້ ຂະນະ​ທີ່ຜູ້​ນໍາ​ຝ່າຍ​ຄ້ານ ທ່ານ Leopold
Lopez ກໍາລັງ​ລໍຖ້າ​ ການ​ດໍາ​ເນີນ​ຄະດີ​.

ທ່ານ ​ໄດ້​ເຂົ້າ​ມອບ​ໂຕ​ໃນ​ວັນ​ອັງຄານ​ຜ່ານມາ ​ໂດຍຖືກ​ກ່າວ
​ຫາ​ວ່າ ຍຸ​ຍົງໃຫ້ມີ ການເດີນຂະບວນປະທ້ວງຢ່າງ​ຮຸນ​ແຮງ ທີ່​ເຮັດໃຫ້ມີຜູ້ເສຍ​ຊີວິດ​ຢ່າງ
ໜ້ອຍ​ຫ້າ​ຄົນ.

ບັນດາ​ຜູ້​ສະໜັບສະໜູນ​ ທ່ານ Lopez ​ໄດ້​ພາກັນ​ເຕົ້າ​ໂຮມ​ກັນ​ຢູ່​ນອກຕຶກ​ສານ ໃນນະ
ຄອນ Caracas ​ເພື່ອ​ສະ​ແດງ​ຄວາມ​ເປັນ​ນໍ້າ​ນຶ່ງ​ໃຈ​ດຽວ.

ທ່ານ Juan Gutierrez ທະນາຍຄວາມ ຂອງທ່ານ Lopex ກ່າວ​ວ່າ :

“ພວກ​ເຮົາ ບໍ່ຕ້ອງການ​ໃຫມີການດໍາ​ເນີນ​ຄະດີ​ເພື່ອຈຳຄຸກ ໂດຍປາດ​ສະ​ຈາກ​ການ​ຮັບ
ຟັງຄຳໃຫ້ການຕໍ່ສານ. ພື້ນຖານ​ແນວ​ຄິດຂອງທ່ານ Lopez ບໍ່​ພຽງ​ແຕ່ ສະ​ແດງເຖິງ​
ສິດທິ​ປະຊາທິປະ​ໄຕ​ຂອງ​ທ່ານເທົ່ານັ້ນ ​ແຕ່​ເຖິງກະບວນການຍຸຕິທຳ ຄືກັນດຳເນີນຄະ
ດີໂດຍມີການ​ຄໍ້າປະກັນ​ທຸກໆ​ຢ່າງ.”

​ການ​ປະ​ທ້ວງທີ່ນຳພາໂດຍພວກນັກສຶກສາ ​ແມ່ນ​ການ​ທ້າ​ທາຍ​ໃຫຍ່​ທີ່​ສຸດ​ ຕໍ່ປະ ທານາ
ທິບໍດີ Nicolas Maduro ນັບ​ຕັ້ງ​ແຕ່​ທ່ານໄດ້ຖືກ​ເລືອກ​ເຂົ້າຮັບຕຳແໜ່ງ​ ​ໃນປີ​ແລ້ວ​ນີ້
ລຸນຫລັງການເຖິງແກ່ອະສັນຍະກຳ​ຂອງທ່ານ Hugo Chavez.

ທ່ານ Maduro ກ່າວ​ວ່າ ຜູ້​ນໍາ​ຝ່າຍ​ຄ້ານ​ ​ແລະຄົນ​ອຶ່ນໆ​ ຈະ​ເປັນຜູ້​ຮັບຜິດຊອບ ຕໍ່ອັນ​ທີ່
ທ່ານຮ້ອງ​ວ່າ ການ​ພະຍາຍາມ​ເຮັດລັດຖະປະຫານ ຊຶ່ງທ່ານ​ກ່າວ​ຕື່ມ​ອີກ​ວ່າ “ຜູ້​ຜະເດັດ
ການຟາຊິສ Leopold Lopez ຄົນນີ້ ພວກ​ເຮົາ​ໄດ້​ກັກ​ຂັງ​ໄວ້​ແລ້ວ​ແລະ​ຢູ່​ໃນ​ຄຸກ ບ່ອນ​
ທີ່​ປອດ​ໄພ ​ແລະ​ຖືກ​ກ່າວ​ຫາ​ ໃນ​ຖານຮຽກຮ້ອງ​ ໃຫ້ ເຮັດລັດຖະປະຫານ​ດັ່ງກ່າວ. ລາວ
ຕ້ອງໄດ້​ຕອບ​ຄໍາ​ຖາມ ພ້ອມ​ດ້ວຍ​ ຜູ້​ສົມຮູ້ຮ່ວມຄິດກັບ​ລາວ ​ໃນ​ການ​ລັດຖະປະຫານ​ດັ່ງ​
ກ່າວ. ຜູ້​ໃດ​ຜູ້​ນຶ່ງຕ້ອງ​ຮັບຜິດຊອບ​ຕໍ່ການ ​ກໍ່ຄວາມ​ຮຸນ​ແຮງທີ່​ເກີດ​ຂື້ນຢູ່​ໃນ​ປະ​ເທດ​ນີ້. ນຶ່ງ​
ໃນ​ຈໍານວນ​ນີ້​ແມ່ນຢູ່​ໃນ​ຄຸກ​ແລ້ວ. ຄົນ​ອື່ນໆ​ອີກ​ຈະ​ເຂົ້າໄປຢູ່ທີ່ນັ້ນເທື່ອລະຄົນໃນ​ວິ​ທີ​ດຽວ​ກັນຢູ່ໃນ​ຄຸກແຫ່ງດຽວ​ກັນ. ຂ້າພະ​ເຈົ້າບໍ່​ມີ​ຄວາມ​ສົງ​ໄສໃດໆ​ກ່ຽວກັບ​ເລື່ອງ​ນີ້. ຂ້າພະ​ເຈົ້າ
ຈະ​ປົກ​ປ້ອງປະຊາທິປະ​ໄຕ ​ແລະສັນ​ຕິ​ພາບ ​ຢູ່​ໃນ​ປະ​ເທດ​ນີ້.