ຄວາມເຂັ່ງຕຶງ ກ່ຽວກັບ ວິທີຄວບຄຸມ ໄວຣັສໂຄໂຣນາ ທີ່ແຜ່ລະບາດຢ່າງວ່ອງໄວ ໄດ້ເພີ້ມ
ຂຶ້ນໃນວັນອັງຄານວານນີ້ຢູ່ໃນສະຫະລັດ ໃນຂະນະທີ່ຈຳນວນຜູ້ເສຍຊີວິດໄດ້ເພີ້ມຂຶ້ນເຖິງ
9 ຄົນ ແລະບັນດາສະມາຊິກສະພາໄດ້ສະແດງຄວາມສົງໄສກ່ຽວກັບ ຄວາມສາມາດຂອງ
ລັດຖະບານທີ່ຈະເລັ່ງທຳການທົດລອງໄວພໍ ເພື່ອຮັບມືກັບວິກິດການ.
ການເສຍຊີວິດທັງໝົດໄດ້ເກີດຂຶ້ນໃນລັດວໍຊິງຕັນ ແລະສ່ວນໃຫຍ່ແມ່ນຄົນທີ່ຢູ່ ບ້ານພັກ
ຄົນຊະລາ ຢູ່ນອກນະຄອນ ຊີອາເຕີນ. ຈຳນວນກໍລະນີຢູ່ໃນ ສະຫະລັດທັງໝົດໄດ້ເພີ້ມ
ຂຶ້ນກາຍ 100 ຄົນ ຢູ່ທົ່ວຢ່າງໜ້ອຍ 14 ລັດ ພ້ອມດ້ວຍ 27 ຄົນຢູ່ໃນລັດ ວໍຊິງຕັນ.
“ອັນທີ່ເກີດຂື້ນປັດຈຸບັນນີ້ຢູ່ໃນສະຫະລັດ ອາດເປັນຂັ້ນເລີ້ມຕົ້ນຕໍ່ອັນທີ່ເກີດຂຶ້ນຢູ່ນອກ
ປະເທດ” ດອກເຕີ ແນນຊີ ແມັສຊອນນີເອ ຂອງສູນກາງປ້ອງກັນ ແລະຄວບຄຸມພະຍາດ
ໄດ້ກ່າວຢ້ຳວ່າ ຢູ່ປະເທດຈີນ ຄົນເຖົ້າ ແລະຄົນທີ່ບໍ່ສະບາຍນັ້ນ ແມ່ນມີຄວາມເປັນໄປໄດ້
ປະມານສອງເທົ້າ ທີ່ອາດຈະເຈັບປ່ວຍຢ່າງຮຸນແຮງກວ່າ ພວກທີ່ເປັນຜູ້ໜຸ່ມນ້ອຍກວ່າ
ແລະສຸຂະພາບດີກວ່າ.
ສ່ວນຢູ່ໃນນະຄອນຫຼວງຂອງປະເທດນັ້ນ ພວກເຈົ້າໜ້າທີ່ກໍໄດ້ດຳເນີນການໃນການຮັບ
ມືຕ່າງໆ.
ທະນາຄານກາງສະຫະລັດ ໄດ້ປະກາດຕັດອັດຕາດອກເບ້ຍທີ່ໃຫຍ່ທີ່ສຸດ ໃນນຶ່ງທົດສະວັດ
ທີ່ຜ່ານມາ ເພື່ອພະຍາຍາມປ້ອງກັນຄວາມເສຍຫາຍທາງເສດຖະກິດຂອງສະຫະລັດ ຈາກ
ການປິດໂຮງງານ ການຫ້າມເດີນທາງ ແລະການລົບກວນອື່ນໆທີ່ການລະບາດໄດ້ກໍ່ຂຶ້ນ
ໃນທົ່ວໂລກ. ຕະຫຼາດຮຸ້ນ Wall Street, ຫຸ້ນຕ່າງໆໄດ້ຟື້ນຕົວຄືນເປັນໄລຍະສັ້ນຢູ່ໃນ
ຂ່າວ, ຕໍ່ມາກໍໄດ້ຕົກຕ່ຳຢ່າງຮຸນແຮງອີກ.
ປະທານທະນາຄານກາງ ທ່ານ ເຈີໂຣມ ພາເວີລ ກ່າວວ່າ “ພວກເຮົາໄດ້ເຫັນການແຜ່
ລະບັດຂອງໄວຣັສຢ່າງກວ້າງຂວາງ. ເພາະສະນັ້ນ ເຮົາເຫັນຄວາມສ່ຽງຕໍ່ເສດຖະກິດ
ແລະພວກເຮົາໄດ້ເລືອກລົງມືດຳເນີນການ.”
ນອກນັ້ນອົງການອາຫານ ແລະຢາ ໄດ້ເຄື່ອນໄຫວເພື່ອຫລຸດຜ່ອນການຂາດເຂີນໜ້າ
ກາກອະນາໄມ ໂດຍບອກໃຫ້ພວກພະນັກງານປິ່ນປົວ ໃຊ້ໜ້າກາກຫາຍໃຈຊະນິດອຸດ
ສາຫະກຳ ທີ່ອອກແບບມາເພື່ອປ້ອງກັນພະນັກງານກໍ່ສ້າງຈາກຂີ້ຝຸ່ນ ແລະເຄື່ອງຫັກ
ພັງຕ່າງໆ.
ຢູ່ທີ່ຫໍລັດຖະສະພາ ແຄັບປິຕອລ ນິລ, ບັນດາສະມາຊິກສະພາໄດ້ສະແດງຄວາມສົງໄສ
ກ່ຽວກັບ ການອ້າງເຖິງສຸຂະພາບຂອງພວກເຈົ້າໜ້າທີ່ ສະຫະລັດ ວ່າການກວດສອບ
ຫາໄວຣັສໃໝ່ນັ້ນ ສົມຄວນທີ່ຈະມີຢູ່ທົ່ວໄປໃນທ້າຍອາທິດ. ພວກເຈົ້າໜ້າທີ່ກ່າວວ່າ
ຫ້ອງທົດລອງຢູ່ທົ່ວປະເທດ ສົມຄວາມມີສາມາດທີ່ທຳການກວດສອບໄດ້ເຖິງ 1 ລ້ານ
ຄົນ ຈົນເຖິງເວລານັ້ນ.
