ລິ້ງ ສຳຫລັບເຂົ້າຫາ

logo-print

ພວກຍິງສາວ ມີ​ຄວາມ​ໝັ້ນ​ໃຈ ໃນ​ການ​​ລ່ອງ ​ເຮືອ​ໃບລົມ ຢູ່​ກາງທະ​ເລກວ້າງ


Teenage Girls Find Confidence Sailing the Open Sea
please wait

No media source currently available

0:00 0:02:04 0:00

ພວກ​ຍິງສາວ​ 17 ຄົນ ພ​າ​ກັນມີ​ຄວາມ​ໝັ້ນ​ໃຈ ​ລ່ອງ​ເຮືອ​ໃບລົມຢູ່​ກາງທະ​ເລກວ້າງ ​ເປັນ​ເວ​ລາ​ນຶ່ງອ​າ​ທິດ ຈາກ​ລັດ​ເວີ​ຈີ​ເນຍ ໄປ​ຫາ​ລັດ​ຄາ​ໂຣ​ໄລ​ນາ​ໃຕ້.

ພວກຍິງສາວ 17 ຄົນ ຈາ​ກໂຮງ​ຮຽນອາຊ​ເລ ຮອ​ລ ຢູ່​ໃນ​ລັດ​ຄາ​ໂຣ​ໄລ​ນາ​ໃຕ້ ພາ​ກັນ
ລ່ອງ​ເຮືອ​ໃບລົມເດີນ​ທາງເປັນ​ເທື່ອ​ທຳ​ອິດ ເປັນ​ເວ​ລາ​ນຶ່ງ​ອາ​ທິດ ອັນເປັນ​ພາກສ່ວນ
ນຶ່ງ​ໃນການ​ຝຶກຝົນ ​ເພື່ອ​ສ້າງ​ຄວາມ​ເຊື່ອ​ໝັ້ນຂອງເຂົາ​ເຈົ້າ ແລະ​ຄວາມ​ຊຳ​ນານ​ຂອງ
ການ​ເປັນ​ຜູ້​ນຳ. ນັກ​ຂ່າວ ວີ​ໂອ​ເອ ອີ​ຊ​າ ຊາ​ຣາຍໄດ້ໄປ​ຕິດ​ຕາມ​ເບິ່ງ ການ​ເດີນ​ທາງ
ຂອງພວກ​ເຂົາ​ເຈົ້າ ແລະ​ສົ່ງ​ລາຍ​ງານ​ເລື່ອງນີ້ມາຊຶ່ງ ກິ່ງ​ສະ​ຫວັນ ຈະ​ນຳສະ​ເໜີ​ທ່ານ
ໃນອັນດັບຕໍ່ໄປ.

ພວກ​ແມ່​ຍິງໄວລຸ້ນເຫລົ່າ​ນີ້ ຫຼາຍຄົນບໍ່​ເຄີຍ​ໄດ້​ລົງໄປຢຽບເຮືອຈັກເທື່ອ. ແຕ່​ວ່າບັດນີ້
ພວກ​ເຂົາ​ເຈົ້າ​ກຳ​ລັງຈະ​ພ​າ​ກັນເດີນ​ທາງ​ເປັນ​ເວ​ລາ​ນຶ່ງ​ອາ​ທິດ ອັນ​ເປັນ​ພາກ​ສ່ວນນຶ່ງ
ຂອງໂຄງ​ການທີ່ຈະເຮັດໃຫ້​ພວກເຂົາ​ເຈົ້າເຂົ້າໄປຝຶກແອບ ໃຫ້ເປັນເຂດທີ່ຖືວ່າ​ຢູ່ໄດ້
ສະ​ບາຍ ທັງຈະ​ຊ່ວຍຊຸກ​ຍູ້​ໃຫ້​ເຂົາ​ເຈົ້າ​ໄດ້ສ້າງ​ຄວາ​ມ​ໝັ້ນ​ໃຈນຳ.

ນາງ​ແນນ​ຊີ ເຄິກ​ເມັນ ນັກ​ຮຽນຜູ້ນຶ່ງ ກ່າວ​ວ່າ “ໂຄງ​ການ ການ​ເປັນ​ຜູ້​ນຳ​ຢູ່ ນອກ​ຝັ່ງ​
ແມ່ນ​ເນັ້ນ​ໜັກ​ໃສ່​ຄວາມຊຳ​ນານ​ຂອງ​ການ​ເປັນ​ຜູ້​ນຳແທ້ໆ ແລະແນ່ນອນ ມັນ​ແມ່ນ​
ເລຶ່ອງ​ກ່ຽວ​ກັບ​ການ​ຢູ່​ໃນ​ເຮືອ ຢູ່​ໜ້າ​ນ້ຳ ແລະ​ອື່ນໆ. ແຕ່​ຄວາມ​ຈິງ​ແລ້ວ​ແມ່ນ​ເລື່ອງ
ການ​ສອນ​ໃຫ້​ພວກຊາວ​ໜຸ່ມແມ່​ຍິງ​ ໃຫ້ຮູ້ສຶກໂຕ ແລະ​ໃຫ້ນຳ​ເອົາ​ຄວາມ​ໝັ້ນໃຈ
ອອກ​ມາສູ່ຕົນເອງ."

ນາງ​ເວ​ເວີ​ຣີ ຄ​ຣີ​ເມີ ກໍແມ່ນນັກ​ຮຽນອີກຜູ້ນຶ່ງ. ນາງໄດ້ກ່າວ​ວ່າ “ຄວາມ​ຈິງແລ້ວ​ມັນ
ເບິ່ງຄື​ວ່າ ​ຈະ​ເປັນ​ການ​ເດີນ​ທາງ​ທີ່​ຍາກ​ລຳ​ບາກ​ຫຼາຍ​. ມັນດົນໂພດ ທີ່ຈະຢູ່ໃນເຮືອ
ເຖິງນຶ່ງອາທິດ ສຳລັບຂ້າ​ພະ​ເຈົ້າ ຜູ້ທີ່​ບໍ່​ເຄີຍ​ມີປະສົບການແບບນີ້ຈັກເທື່ອ ບໍ່ເຄີຍ
ໄດ້ເຮັດອັນໃດແບບນີ້ ມາ​ກ່ອນເລີຍ."

"ຂ້າ​ພ​ະ​ເຈົ້າ​ບໍ່​ເຄີຍ​ມີ​ປະ​ສົບ​ການ​ລ່ອງ​ເຮືອ​ແບບໃດໆ​ຈັກເທື່ອ. ຄວາມ​ຈິງ​ແລ້ວ​ເທົ່າ
​ທີ່ຜ່ານ​ມາ ​ຂ້າພະເຈົ້າບໍ່ຢາກຂີ່ເຮືອ ເພາະວ່່າຢ້ານ ​ເພາະ​ສະ​ນັ້ນ​ທ່ານ​ຮູ້​ບໍ່​ວ່າ ຂ້າ
​ພ​ະ​ເຈົ້າກຳລັງກ້​າວອອກມາ ​ຈາກ​ບ່ອນທີ່ເຄີຍຢູ່ສະ​ບາຍ​ ແລະ​ອອກມາທ້າ​ທາຍ
​ຄວາມ​ຮູ້​ສຶກຂອງຂ້າພະເຈົ້າ ເພື່ອສ້າງຄວາມ​ໝັ້ນ​ໃຈ​ໃຫ້ມີແກ່ຕົວເອງ​ຫຼາຍ​ຂຶ້ນ.”

“ຂ້າ​ພະ​ເຈົ້າ​ໄດ້​ຕຽງນອນ​ຊັ້ນ​ເທິງ ແລະ​ນາງ​ຊີ​ເລຍ ໄດ້​ຕຽງ​ຄັກ​ອີ່​ຫຼີ​ ຢູ່​ຊັ້ນ​ລຸ່ມ”

ຄື້ນ​ຟອງຂອງທະ​ເລ​ ແລະຄວາມ​ຄຶດ​ຮອດຄຶດເຖິງ​ບ້ານກໍແມ່ນສ່ວນນຶ່ງຂອງ​ຄວາມ​
ທ້າ​ທາຍ.

ນາງ​ໂມ​ຣາ ມູ​ນີ ນັກ​ຮຽນອີກຜູ້ນຶ່ງ ກ່າວ​ວ່າ “ແມ່ນ​ແລ້ວ ຄ​ວາມ​ຢ້ານ​ກົວ​ທີ່​ໃຫຍ່​ສຸດ​
ຂອງ​ຂ້າ​ພະ​ເຈົ້າກໍ​ຄື​ການ​ໜີ​ອອກ​ໄປຈາກ​ບ້ານເຮືອນ ທີ່​ຫ່າງ​ໄກ​ອອກ​ໄປ​ຢູ່ນອກ​ຝັ່​ງ​
ທະ​ເລ 32 ກິ​ໂລ​ແມັດ ຂ້າ​ພ​ະ​ເຈົ້າຄິດ​ຮອດ​ໝາ​ ຂ້າ​ພະ​ເຈົ້າ​ຄິດ​ຮອດ​ຄອບ​ຄົວ ແຕ່​
ຂ້າ​ພ​ະ​ເຈົ້າກໍມີຄວາມ​ຕື່ນ​ເຕັ້ນ​ແທ້​ໆ ​ທີ່​ໄດ້ຮູ້​ຈັກກັບໝົດທຸກ​ຄົນ."

ພວກ​ນັກ​ຮຽນ​ສິບເຈັດ​ຄົນ​ຈາກ​ໂຮງ​ຮຽນ​ແມ່​ຍິງ ອາ​ສ​ເລ ຮອນ ​ທີ່​ເປັນ​ອິດ​ສະ​ຫຼະ ໄດ້
​ພາ​ກັນ​ລ່ອງ​ເຮືອ​ຈ​າກ ນໍ​ຣ​ໂຟ​ລ​ກ໌ ລັດ​ເວີ​ຈີເນຍ ໄປ​ຫາ​ບ້ານເຮືອນຂອງ​ເຂົາ​ເຈົ້າ​ຢູ່​ເມືອງ
​ຊາ​ຣສຕັນ ລັດ​ຄາ​ໂຣ​ໄລ​ນາ​ໃຕ້ ​ໃນເວລາ​ນຶ່ງ​ອາ​ທິດ. ໃນລະ​ຫວ່າງ​ການ​ເດີນ​ທາງ ເຂົາ
​ເຈົ້າ​ໄດ້​ສູ້​ທົນ​ດ້ວຍຕົນເອງ ແລະ​ແຕ່​ລະ​ຕ້ອງຕໍ່ສູ້​ກັບ​ອາ​ກາດ​ໜາວ ແລະ​ອອກ​ແຮງ
ງານໜັກ ແລະມັກ​ຈະ​ໄດ້​ນອນ​ໜ້ອຍ​ດຽວ.

ນາງ​ເວ​ເວີ​ລີ ກ​ຣີ​ເມີ ຜູ້ເປັນນັກ​ຮຽນ​ ເວົ້າ​ວ່າ “ເຈົ້າຕື່ນແຕ່​ 2 ໂມງ​ເຊົ້າ ນຸ່ງ​ເຄື່ອງ​ນຸ່ງ
ຂອງຕຽມໂຕອອກໄປນອກໄປຕໍ່ສູ້ກັບ​ອາ​ກາດ​ໜາວ. ພວກ​ເຮົາ​ບໍ່​ມີ​ໂທ​ລະ​ສັບ ບໍ່​
ມີ​ການ​ຕິດ​ຕໍ່​ກັບ​ພາຍນອກ​ຫຍັງ​ໝົດ."

ທ່ານຣອ​ສ​ໂກ ເດ​ວິດ ຜູ້​ກໍ່​ຕັ້ງ​ໂຄງ​ການ ແລະ​ຜູ້​ຕິດ​ຕາມ​ໄປ​ນຳ ກ່​າວ​ວ່າ “ເບິ່ງ​ຄື​ວ່າ​
ໃນ​ຕອນ​ທຳ​ອິດ ເຂົາ​ເຈົ້າ​ຄືຊິຢ້ານ​ ແລະ​ເຂົາ​ເຈົ້າສຳ​ນຶກໄດ້ວ່າ ເຂົາ​ເຈົ້າ​ສາ​ມາດ
​ເຮັດ​ໄດ້ ແລະ​ເຮັດ​ວຽກ​ຢູ່ຕະ​ຫຼອດ​ເວ​ລ​າ ແລະໄດ້​ເຮັດ​ວຽກຢ່າງ​ດີ​ເລີດ."

ສ່ວນນາງ​ຊີ​ເລຍ ສ​ມິ​ຕ​ ນັກ​ຮຽນອີກຜູ້ນຶ່ງ ໄດ້ກ່າວ​ວ່າ “ຄວາມ​ຈິງ​ແລ້ວ ບາງ​ເທື່ອ​
ຄວາ​ມ​ລຳບ​າກທີ່​ສຸດແມ່ນຈະ​ສາ​ມາດພາໃຫ້ເຈົ້າ​ຫລິງ​ເຫັນໄດ້​ວ່າ ພວກ​ເຮົາ​ຈະ​ມາ
​ເຖິງ​ເມືອງ​ຊາ​ສ​ຕັນໄດ້​ແທ້ໆ. ດ້ວຍ​ຄວາມ​ເປັນຈິງແລ້ວ ສ່ວນໃຫຍ່ ແມ່ນພວກ​ເຮົາ​
ຍັງ​ພາ​ກັນ​ຢູ່ກາງ​ທະ​ເລ ແລະຢູ່ໃນກາງມະຫາສະໝຸດບ່ອນໃດກໍເຫັນ​ເປັນຄືກັນໝົດ.
ຄວາມ​ຈິງ​ແລ້ວ ຂ້າ​ພະ​ເຈົ້າ​ໄດ້​ຮຽນຮູ້ ນອກ​ຈາກຄຳ​ສັບ​ທີ່ວ່າຈະ​ເຊື່ອ​ໝັ້ນໃນ​ສິ່ງ​
ຕ່າງໆແລ້ວ ມັນກໍເຮັດໃຫ້ຂ້າ​ພະ​ເຈົ້າໝັ້ນໃຈນຳ ​ນອກ​ເໜືອໄປຈາກບ່ອນທີ່ເຄີຍຢູ່​
ສະ​ບາຍມາ ແລະ​ແທ້ຈິງແລ້ວ ​ເວ​ລ​າ​ໃດທີ່​ຂ້າ​ພະ​ເຈົ້າຮູ້ວ່າຕົນເອງໄດ້​ຕັດ​ສິນ​ໃຈ
​ແລ້ວ ວ່າຈະເຮັດອັນໃດເຮົາກໍຈະຕ້ອງໄດ້ສວມກອດ​ເອົາ​ທຸກສິ່ງ​ທຸກ​ຢ່າງທີ່​ມັນມີ
ໄວ້ໃຫ້ ຂ້າ​ພະ​ເຈົ້າ​ຮູ້​ວ່າ​ ຂ້າ​ພະ​ເຈົ້າ​ຈະ​ໄດ້​ຮັບ​ຜົນປະໂຫຍດຫຼາຍ​ທີ່​ສຸດ​ຈາກ​ປະ
ສົບ​ການນີ້."

ແຕ່​ຢ່າງ​ໃດ​ກໍ​ດີ ຈົນ​ກວ່າ​ວ່າ​ຈະໄດ້ອອກ​ໄປ​ທະ​ເລ​ອີກເທື່ອ​ໜ້າ ພວກ​ຊາວ​ໜຸ່ມ​ແມ່​ຍິງ
​ເຫລົ່າ​ນີ້ ກໍຈະພາ​ກັນ​ພໍ​ໃຈ​ ທີ່ໄດ້ກັບ​ມາ​ຮອດມາເຖິງ​ບ້ານເຮືອນ.

ອ່ານ​ຂ່າວ​ນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG