ການໂຈມຕີ ຂອງກຸ່ມ ທາລິບານ ໃນກຸງກາບູລ ສັງຫານ 6 ຄົນ (ວີດີໂອ/ສະໄລດ໌)

ຕໍາຫຼວດອັຟກາ​ນີສຖານ​ກ່າວ​ວ່າ ການໂຈມ​ຕີຂອງ​ພວກ​ກະບົດ​ໃນ
ກຸງກາບູລ ທີ່​ແນ​ເປົ້າ​ໝາຍ​ໃສ່ ບໍລິສັດ​ພາລະ​ທິການ​ບໍລິສັດ​ນຶ່ງທີ່​
ເຮັດ​ວຽກກັບກອງ​ກໍາລັງນາໆ​ຊາດ ໄດ້​ສັງ ຫານຢ່າງ​ນ້ອຍ 6 ຄົນ.

ກຸ່ມທາ​ລິ​ບານ​ ໄດ້​ອອກ​ມາ​ອ້າງ​ເອົາ​ຄວາມຮັບຜິດຊອບ​ໃນ​ການ​
ໂຈມ​ຕີ​ຄັ້ງ​ນີ້ ທີ່ໄດ້​ເຮັດ​ໃຫ້​ມີ​ຄົນ​ບາດ​ເຈັບ ນໍາ​ອີກ 4 ຄົນນັ້ນ.

ທາງ​ການ​ກ່າວວ່າ ພວກກະບົດ ໄດ້​ເລີ່​ມທໍາການ​ໂຈມ​ຕີໂດຍ​ການ
ລະ​ເບີດລົດຄັນ​ນຶ່ງ​ທີ່​ບັນຈຸລະ​ເບີດ​ໄວ້​ຢ່າງ​ຫຼວງ​ຫຼາຍ ​ແລ້ວ​ຫລັງ​
ຈາກ​ນັ້ນ ພວກ​ກະບົດ​ສອງ​ຄົນ​ໄດ້​ທໍາ​ການໂຈ​ມຕີ​ກໍາ​ລັງ​ຮັກສາ​
ຄວາມ​ປອດ​ໄພອັຟກາ​ນີສຖານ. ພວກ​ເສຍ​ຊີວິດ​ ​ມີ​ຄົນ​ຍາມຊາວເນ​ປາລ 4 ຄົນ​ ແລະ​ພົນ
ລະ​ເຮືອນ​ອີກ 2 ຄົນ.

​ເຈົ້າ​ໜ້າ​ທີ່​ກ່າວ​ວ່າ ​ໄດ້​ພົບ​ເຫັນ​ເສື້ອ​ເກາ​ະທີ່ຕິດລະ​ເບີດ​ຂ້າ​ຕົວ​ຕາຍ​ໃນ​ສະຖານ​ທີ່​ເກີດ​ເຫດ.


ການ​ໂຈມ​ຕີ​ໃນ​ເມືອງ​ຫຼວງ​ຂອງອັຟກາ​ນີສຖານ ມີ​ຂຶ້ນ ນຶ່ງ​ມື້​ຫຼັງ​ຈາກ​ທີ່​ໂຄສົກ​ຂອງ​ກະຊວງ
ພາຍ​ໃນ​ຂອງອັຟກາ​ນີສຖານ​ ທ່ານ Sediq Sediqqi ​ໄດ້​ກ່າວ​ວ່າ ມີຕໍາຫຼວດ 299 ຄົນ ​
ໄດ້​ຖືກ​ສັງຫານ​ ​ໃນ​ລະຫວ່າງວັນ​ທີ 10 ເດືອນ​ພຶ​ດສະ​ພາ ຫາວັນ​ທີ 13 ​ເດືອນ​ມິຖຸນານັ້ນ ​
ແລະມີ​ຜູ້​ບາດ​ເຈັບອີກ 618 ຄົນ ຊຶ່ງ​ເພີ່ມ​ຂຶ້ນ 22% ຈາກໄລຍະດຽວ​ກັນໃນປີ​ແລ້ວ​ນີ້.

​ທ່ານ Sediqqi ​ກ່າວ​ອີກວ່າ ໃນ​ຊ່ວງເວລາດຽວ​ກັນນີ້ ມີ​ພວກ​ກະບົດ 753 ຄົນ​ ​ຖືກ​ສັງຫານ
​ໃນ​ການ​ປະຕິ​ບັດ​ງານ​ຮ່ວມກັນ​ລະຫວ່າງ​ກອງ​ຫະຫານ​ແລະ​ກຸ່ມ​ອື່ນໆ ​ແລະ​ ​ມີ​ຫຼາຍ​ກວ່າ
300 ຄົນ​ຖືກ​ຈັບ​ກຸມ. ທ່ານ​ຍັງ​ກ່າວ​ວ່າ ມີ​ພົນລະ​ເຮືອນ​ອີກ 180 ຄົນ​ໄດ້​ເສຍ​ຊີ​ວິດ​ເຊັ່ນ​ກັນ.
ອົງການ​ເນ​ໂຕ້​ໄດ້​ໂອນ​ພາລະ​ຮັບຜິດຊອບ​ ໃນ​ການ​ຮັກສາ​ຄວາມ​ປອດ​ໄພທັງ​ໝົດ ​ໃນ​ທົ່ວ​
ປະ​ເທດ ​ໄປ​ໃຫ້​ກອງທັບອັຟການ​ນິສຖານ ​ໃນ​ເດືອນ​ແລ້ວ​ນີ້.