ຜູ້ໂຈມຕີດ້ວຍລະເບີດສະລະຊີບຄົນນຶ່ງ ໄດ້ສັງຫານຊາວຕ່າງປະ
ເທດ ຢ່າງໜ້ອຍ 4 ຄົນ ແລະຄົນອື່ນໆໄດ້ຮັບບາດເຈັບອີກ 6 ຄົນ
ໃນການໂຈມຕີທີ່ ບໍລິເວນບ້ານພັກແຫ່ງນຶ່ງ ໃນນະຄອນຫຼວງ
Kabul ໃນວັນອັງຄານມື້ນີ້.
ຕຳຫລວດອັຟການິສຖານ ກ່າວວ່າ ຜູ້ໂຈມຕີທີ່ຂີ່ລົດຈັກ ໄດ້ບີບ
ຄະນວນລະເບີດໃຫ້ແຕກຂຶ້ນ ຢູ່ໃກ້ໆກັບກຸ່ມຊາວຕ່າງປະເທດ
ທີ່ພວມພາກັນອອກກຳລັງກາຍຢູ່ນັ້ນ.
ກຸ່ມ Taliban ໄດ້ອ້າງເອົາຄວາມຮັບຜິດຊອບໃນການໂຈມຕີ
ໂດຍກ່າວວ່າພວກທະຫານຮຸກຮານ 15 ຄົນ ໄດ້ຖືກສັງຫານ ແລະລົດຫລາຍຄັນໄດ້ຮັບຄວາມເສຍຫາຍ ໃນອັນທີ່ກຸ່ມດັ່ງກ່າວເອີ້ນວ່າ ເປັນຄ້າຍສືບລັບ ຂອງຕ່າງປະເທດ.
ຍັງບໍ່ທັນມີການໃຫ້ຄວາມເຫັນໃດໆ ກ່ຽວກັບການໂຈມຕີ ຈາກກຳລັງປະສົມຂອງ ອົງການ
NATO ພາຍໃຕ້ການນຳພາຂອງສະຫລະດ ທີ່ໄດ້ທຳການສູ້ລົບກັບກຸ່ມ Taliban ມາເປັນ
ເວລາ 12 ປີແລ້ວນັ້ນ. ສັນຊາດຂອງຜູ້ເຄາະຮ້າຍຍັງບໍ່ເປັນທີ່ແຈ້ງຂາວເທື່ອ.
ຄວາມຮຸນແຮງເກີດຂື້ນ ໃນຂະນະທີ່ສະຫະລັດ ພວມກະກຽມຖອນກຳລັງທັງໝົດຂອງຕົນອອກຈາກອັຟການິສຖານ ໃນທ້າຍປີນີ້. ນອກນັ້ນ ການໂຈມຕີດັ່ງກ່າວ ຍັງເກີດຂື້ນທ່າມ
ກາງການປະເຊີນໜ້າ ໃນການເລືອກຕັ້ງ ປະທານາທິບໍດີ ຂອງປະເທດດັ່ງກ່າວ.
